1Q Isaiah a content (1QIsaiaha, 1QIsaa) – Isaiah Great scroll text
![1Q Isaiah a content (1QIsaiaha, 1QIsaa) - Isaiah Great scroll text 1 1Q Isaiah a content (1QIsaiaha, 1QIsaa) - Isaiah Great scroll text](http://difa3iat.com/en/wp-content/uploads/2023/12/6cabo-1024x542.png)
Lexham Press, 2010
1Q Isaiah a
Copyright 2010 Lexham Press
Lexham Press, 1313 Commercial St., Bellingham, WA 98225
You may use brief quotations from this content in presentations, books, or articles. For all other uses, email us for permission: permissions@lexhampress.com.
Col. I, Isaiah 1:1–26
1 1:1 חזון יש‸ע‸יהו בן אמוץ אשר חזה על יהודה וירושל‸י‸ם ‸ו‸בימי עוזיה
2 יותם אחז ‸י‸חזקיה מלכי יהודה 2 שמעו שמים והאזינו הארץ
3 כיא יהוה דבר בנים גדלתי ורו‸מ‸מת [ ] והמה פשעו בי 3 ידע שור ק‸י‸ונהו
4 וחמור אבוס בעליו ישראל לוא ידע ועמי לוא [ ]ן 4 הוי גוי חוטה
5 עם כבד עוון זרע מרעים בנים משחיתים עזבו את יה[ ] נא.ו את
6 קדוש ישראל נזרו אחור 5 על מה תכו עו. תוסיפו סרה כול ראוש לחולי
7 .כול לבב דוה 6 מכף רגל ועד רואש אין בו מתם פצע וחבור. ומכה טריה
8 לוא זרו ולוא חובשו ולוא רככה בשמן 7 ארצכם שממה עריכם שרופות
9 אש אדמתכם לנגדכם זרים אוכלים אותה ושממו עליה כמפ‸א‸כת ז[ ]ים
10 8 ונתרת בת ציון כסוכה בכרם וכמלונה במקשה כעיר נצורה 9 לולי יהוה
11 צבאות הותיר לנו שריד כמעט כסודם היינו לעומרה דמינו
12 10 שמ.. [ ] יהוה קציני סודם ואזינו ת. .ה אלוהינו עם עומרה 11 .מה לי
13 .וב זבחיכם יואמר יהוה שבעתי עולות אילים וחלב מריאים ודם
14 פרים וכבשים ו.תודים לוא חפצתי 12 כיא תבאו לראות פני .י בקש זו‸א‸ת
15 ]ידכם לרמוס חצרי 13 לוא תוסיפו להביא .נחת שוא קטר . תועבה היא
16 .י חודש ושבת קרא מקרא לוא אוכל און ועצרתה 14 חודשיכם ומועדיכם
17 שנאה נפשי היו עלי לטרח נלאיתי נשוא 15 ובפרשכם כפיכם אעלים עיני
18 מכם גם כי הרבו תפלה אינני שומע ידיכמה דמים מלאו אצבעותיכם
19 בעאון 16 רחצו והזכו והסירו רוע מעלליכם מנגד עיני חדלו הרע 17 למדו
20 היטיב דרושו משפט אשרו חמוץ שפטו יאתום ריבו אלמנה
21 18 .כו [ ] ונוכחה יואמר יהוה אם יהיו חטאיכם כשני כשלג ילבינו
22 .ם ידומו כתולע כצמר יהיו 19 אם תאבו ושמעתם טוב .אר[
23 20 ]אם תמאנו ומריתם בחרב תאכלו כיא פי יהוה דבר
24 21 .יכה הייתה לז‸ו‸נה קריה נאמנה מלאתי משפט צדק ילין [
25 .רצחים 22 כספך היו לסיגים סבאך מהול במים 23 שרי.י[
26 גנבים כולם אוהבי שוחד רודפי שלמונים יאתום לוא ישפ[
27 אלמנה לוא יבוא אליהם 24 לכן נאום האדון יהוה צבאות[
28 הוה אנחם מצריי ואנקם מ‸ה‸איבי 25 והשיב ידי עליך וא[
29 סיגיך ואסי. כול בדיליך 26 ואשיבה שופטיך כבראישו.[
Col. II, Isaiah 1:26–2:21
1 כבתחלה אחרי כן יקראו לך עיר הצדק קריה נאמנה 27 ציון במשפט
2 תפדה ושביה בצדקה 28 ושבר פושעים וחטאים יחדו ועוזבי
3 יהוה יכלו 29 כיא יבושו מאלים אשר חמדתם ותחפורו מהגנות
4 אשר בחרתם 30 כי תהיו כאלה נובלת עלה וכגנה אשר אין מים לה
5 31 והיה החסנכם לנעורת ופעלכם לניצוץ ובערו שניהם יחדו
6 ואין מכבה
7 2:1 הדבר אשר חזה ישעיה בן אמוץ על יהודה וירושלים 2 והיה
8 באחרית הימים נכון יהיה הר בית יהוה בראש הרים ונשא
9 מגבעות ונהרו עלוהי כול הגואים 3 והלכו עמים רבים ואמרו
10 לכו ונעלה אל בית אלוהי יעקוב וירונו מדרכיו ונאלכה באורחתיו
11 כיא מציון תצא תורה .דבר יהוה מירו.לים 4 ושפט בין הגואים וה
12 והוכיח בין לעמים רבים וכתתו את חרבותם לאתים וחניתותיהם
13 למזמרות ולוא ישא גוי אל גוי חרב ולוא ילמדו עוד מלחמה
14 5 בית יעקוב לכו ונלכה באור יהוה 6 כיא נטשתה עמך בית יעקוב
15 כ‸י‸א מלאו מקדם ועוננים כפלשתים ובילדי נכריאים ישפיקו
16 7 .תמלא ארצו כסף וזהב ואין קץ לאוצרותיו ותמלא ארצו סוסים
17 ואין קץ למרכבותיו 8 ותמלא ארצו אלילים למעשה ידיו ישתחוו לאשר
18 עשו אצבעותיו 9 וישח אדם וישפל איש 11 ועיני גבהות אדם
19 תשפלנה וישח רום אנשים ונשגב יהוה לבדו ביום ההוא
20 12 כיא יום ליהוה צבאות על כל גאה ורם ונשא ושפל 13 ועל כל ארזי
21 הלבנון הרמים והנשאים ועל כל אלוני הבשן 14 ועל כל ההרים
22 ]ים ועל כול הגבעות הנשאות 15 ועל כול מגדל גבה ועל כול
23 ]צורה 16 ועל כול אניות תרשיש ועל כול שכיות החמדה 17 ושח
24 ]אדם ושפל רום אנשים ונשגב יהוה לבדו ביום הה.א
25 18 ]כליל יחלופו 19 ובאו במערות צורים ובמחלות עפר מפני
26 ]וה ומהדר גאונו בקומו לערוץ הארץ
27 20 ]הוא ישליך האדם את אלילי כספו ואת אלילי זהבו אשר
28 ]עותיו להשתחות לחפרפרים ולעטלפים 21 לבוא בנקרות
29 ]עפי הסלעים מפני פחד יהוה ומהדר גאו.ו
Col. III, Isaiah 2:21–3:24
1 בקומו לערוץ הארץ 22 חדלו לכמה מן האדם אשר נשמה
2 באפו כיא במה נחשב הוא
3 3:1 כיא הנה הא.ון יהוה צבאות מהסיר מירושלם ומיהודה
4 משען ומשענה כל משען לחם וכול משען מים 2 גבור ואיש
5 מלחמה שופט ונביא וקוסם וזקן 3 שר חמשים ונשא פנים
6 ויעץ וחכם חרשים ונבון לחש 4 ונתתי נערים שריהם
7 ותעלולים ימשולו בם 5 ונגש העם איש באיש ואיש ברעהו
8 ירהבו הנער בזקן והנקלה בנכבד 6 כיא יתפוש איש באחיהו
9 בית אביו שמלה לכה קצין תהיה לנו והמכשלה הזאות
10 תחת ידיך 7 וישא ביום ההוא לאמור לוא אהיה חובש
11 ובביתי אין לחם ואין שלמה לוא תשימוני קצין עם 8 כי כשלה
12 ירושלים ויהודה נפלה כי לשונם ומעלליהם על יהוה למרות
13 עיני כבודו 9 הכרות פניהם ענתה בם וחטאתם כסודם הגיד‸ו‸
14 ולוא כחדו אוי לנפשם כיא גמלו להם רעה 10 אמורו ‸ל‸צדיק
15 כיא טוב כיא פרי מעלליהמה יאכלו 11 אוי לרשע רע כיא
16 גמול ידו ישוב לוא 12 עמי נגשו מעולל ונשים משלו בו עמי
17 משריך מתעים ידרך אורחותיך [ ]ו
18 13 נצב לריב יהוה עומד לדין עמים 14 יהוה במשפט יבוא עם
19 זקני עמו ושריו ואתמה בערתם הכרם גזלת העני בבתי‸כם‸
20 15 מלכמה תדכאו עמי ופני עניים תטחנו נואם יהוה ‸אדוני‸
21 צבאות
22 16 ויואמר יהוה יען כיא גבהו בנות ציון ותלכנה נטוות
23 גרון ומשקרות עינים הלוך וטופף תלכנה וברגליהנה
24 תעכסנה 17 ושפח אׅ̇דׅ̇וׅ̇נׅ̇יׅ̇ ‸יהוה‸ קדקד בנות ציון ואדוני פתהן
25 יערה 18 ביום ההוא יסיר יׅ̇הׅ̇וׅ̇הׅ̇ ‸אדוני‸ את תפארת העכיסי‸ם‸
26 והשבישים והשהרנים 19 והנטפות והשירות והרעלות
27 20 והפארים והצעדות וקשרים ובתי הנפש והלחשים
28 21 וה[ ]ות ו.זמי האף 22 והמחלצות והמעטפות והחריטים
29 23 והגליונים והסדינים והצניפות והרדידים 24 ויהיו
![1Q Isaiah a content (1QIsaiaha, 1QIsaa) - Isaiah Great scroll text 2 1Q Isaiah a content (1QIsaiaha, 1QIsaa) - Isaiah Great scroll text](http://difa3iat.com/en/wp-content/uploads/2023/12/vTGqf-1024x676.png)
Col. IV, Isaiah 3:24–5:14
1 תחת הבשם מק ותחות הגורה נק[ ]ה ותחות מ[ ]ה מקשה
2 קרחה ותחת פתיגיל מחגרת שק כי תחת יפי בשת 25 מתיך בחרב יפולו
3 וגבור‸ות‸יך במלחמה 26 ואנו ואבלו פתחיה ונקתה לארץ תשב
4 4:1 וה‸ח‸זיקה שבע נשים באיש אחד ביום ההוא לאמור לחמנו נאכל ושלמתנו
5 נלבש רק יקרא שמך עלינו אסף חרפתנו 2 ביום ההוא יהיה צמח יהוה
6 לצבי ולכבוד ופרי הארץ לגאון ולתפארת לפליטת ישראל ויהודה
7 3 ויהיה הנשאר בציון והנותר בירושלם קדוש יאמר לו כול הכתוב
8 לחיים בירושלם 4 אם רחץ אדוני את צאת בנות ציון ואת דמי
9 ירושלם ידיח מקרבה ברוח משמט וברוח סער 5 ויברא יהוה על
10 כול מכון הר ציון ועל מקראה ענן יומם 6 מחרב ולמחסה ולמסתור
11 מזרם וממטר
12 5:1 אשירה לידידי שירת דודי לכרמו כרם היהא לידידי בקרן בן שמן
13 2 ויעזקהו ויסקולהו ויטעהו שורק ויבנא מגדל בתוכו וגם יקב חצב
14 בו ויקו לעשות ענבים ויעשה באושים 3 ועתה יושבי ירושלם
15 ואיש יהודה שפוטונה ביני ובין כרמי 4 מה לעשות עוד בכרמי ולוא
16 עשיתי בו מדוע קויתי לעשות ענבים וישה באושים 5 ואתה אודיע נא
17 אתכמה את אשר אני עושא לכרמי אסיר משוכתו ויהיה בער פרץ גדרו
18 ויהיה למרמס 6 ואשיתחו בתה ולוא יזמר ולוא יעדר ועלה שמיר ושית
19 ועל העבים אצוה מהמטיר עליו מטר 7 כי כרם יהוה צבאות בית ישראל
20 ואיש יהודה נטע שעשועו ויקו למשפט והנה למשפח לצדקה והנה
21 צעקה
22 8 הוי מגיצי בית בית שדה בשדה יקריבו עד אפס מקום וישתם בדכם
23 בקרב הארץ 9 באזני יהוה צבאות אם לוא בתים רבים לשמה יהיו
24 גדולים וטובים מאין יושב 10 כי עשרת צמדי כרם יעשו בת אחד
25 וזר[ ]שה איפה
26 11 ] בקר שכר ירדופו מאחזי בנשף יין ידליקם 12 והיה
27 ]ין משתיהם ואת פעלת יהוה לוא הביטו ומעשה
28 13 ] עמי מבלי דעת וכבודו מתי רעב והמונו
29 14 ]רחיבה שאול נפשה ופערה פיה לבלי חוק וירד
Col. V, Isaiah 5:14–6:7
1 הדרה והמונה ושאונה וע[ ] בה 15 ישח אדם וישפל איש ועיני
2 גבהים תשפלנה 16 ויגבה יהוה צבאות במשפט והאל הקדוש נקדש
3 בצדקה 17 ורעו כבושים כדברם וחרבות מיחים גרים יאכלו
4 18 הוי משכי ‸ה‸עוון בחבלי השו וכעבות העגלה חטאה 19 האומרים ימהר
5 יחיש מעש‸י‸הו למען נראה ותקרבה ותבואה עצת קדוש ישראל
6 ונדע 20 הוי האומרים לרע טוב ‸ו‸לטוב רע שמים חושך לאור
7 ואור לחושך שמים מר למתוק ומתוק למר 21 הוי חכמים ב‸ע‸יניהם
8 ונגד פניהם נבונים 22 הוי גבורים לשתות יין ואנשי חיל למסך
9 שכר 23 מצדיקי רשע עקב שחוד וצדקת צדיקים יסירו ממנו 24 לכן
10 כאכל קש לשון אש ואש לוהבת ירפה שרשם כמק יהיה ופרחם
11 כאבק יעלה כיא מאסו את תורת יהוה צבאות ואת אמרת קדוש
12 ישראל נאצו 25 על כן חרה אף יהוה בעמו ויט ידיו עליו ויכהו
13 וירגזו ההרים ותהיה נבלתם כסוחה בקרב חוצות בכול זאות
14 לוא שב אפו ועוד ידיו נטויה 26 ונשא נס לגואים מרחוק ושרק
15 לוא מקצה הארץ והנה מהרה קל יבוא 27 אין יעף ואין כושל ולוא
16 ינום ולוא יישן ולוא נפתחה אזור חלציו ולוא נתק שרוך נעליו 28 אשר
17 חציו שנונים וכול קשתותיו דרוכות פרסות סוסיו כצור נחשבו
18 וגלגליו כסופה 29 שאגה לו כלביא ושאג וככפירים ינהם וי‸א‸זח
19 טרף ויפליט ואין מציל 30 ינהם עליו ביום ההוא כנהמת ים ונבט
20 לארץ והנה חושך צר ואור חשך בעריפיה
21 6:1 בשנת מות המלך עוזיה אראה את אדוני יושב על כסא רם ונשא
22 ושוליו מלאים את ההיכל 2 שרפים עומדים ממעלה לו שש כנפים
23 אחד בשתים יכסה פניו ובשתים יכסה רגליו ובשתים יעופף
24 3 וקראים זה אל זה קדוש קדוש יהוה צבאות מלא כול הארץ כבודו
25 4 וינועו אמות הספים מקול הקורה והבית נמלא עשן 5 ואמר
26 אילי כי נדמיתי כיא איש טמה שפתים אנוכי ובתוך עם טמא
27 שפתים אנוכי יושב ..א את המלך יהוה צבאות ראו עיני
28 6 ויעוף אלי אחד מן השרפים ובידו רצפה במלקחים לקח
29 ]ל המ[ 7 ]יואמר הנה נגע זה על שפתיך וסר
![1Q Isaiah a content (1QIsaiaha, 1QIsaa) - Isaiah Great scroll text 3 1Q Isaiah a content (1QIsaiaha, 1QIsaa) - Isaiah Great scroll text](http://difa3iat.com/en/wp-content/uploads/2023/12/naQHp-1024x542.png)
Col. VI, Isaiah 6:7–7:15
1 עוונך וחטאותיך תכפר 8 ואשמע את קול אדוני אמר את מי
2 אשלח ומי ילך לנו ואמרה הנני שלחני 9 ויואמר לך ואמרתה
3 לעם הזה שמעו שמוע ועל תבינו ראו ראו ועל תדעו 10 השם
4 לב העם הזה ואוזניו הכבד ועיניו השע פן יראה בעיניו
5 ובאוזניו ישמעו בלבבו יבין ושב ורפא לו 11 ואמרה עד מתי
6 יהוה ויואמר עד אשר אם שאו ערים מאין יושב ובתים
7 מאין אדם והאדמה תשאה שממה 12 ורחק יהוה את האדם
8 ורבה עזובה בקרב הארץ 13 ועוד בה עשיריה ושבה והייתה
9 לבער כאלה וכאלון אשר משלכת מצבת במה זרע הקודש
10 מצבתה
11 7:1 ויהי בימי אחז בן יותם בן עוזיה מלך יהודה עלה רצין
12 מלך ארם ופקח בן רומליה מלך ישראל ירושלם למלחמה עליה
13 ולוא יכלו להלחם עליה 2 ויגד לבית דויד לאמור נחה ארם על
14 אפרים וינע לבב עמו כנע עצי היער מפני הרוח
15 3 ויואמר יהוה אל ישעיה צא נא לקראת אחז אתה ושאר ישוב
16 בנך אל קצה תעלת הברכה העליונה אל מסלת שדה כובס 4 ואמרת
17 אליו השמר והשקט ואל תירא ולבבך אל ירך משני זנבות
18 האודים העושנים האלה כי בחורי אף רצין וארם ובן
19 רמליה 5 יען כי יעץ עליך ארם רעה אפרים ובן רומליה לאמור
20 6 נעלה ביהודה ונקיצנה ונבקענה אלינו ונמליך מלך בתוכה
21 את בן טבאל 7 כה אמר אדוני יהוה לוא תקום ולוא תהיה
22 8 כיא ראוש ארם דרמשק וראוש דרמשק רצין ובעוד ששים
23 ] שנה יחת אפרים מעם 9 וראוש אפרים שומרון וראוש
24 ] רומליה אם לוא תאמינו כיא לוא תאמינו
25 10 ]ה דבר אל אחז לאמור 11 שאל לך אות מעם יהוה אלוהיך
26 ]אלה או הגבה למעלה 12 ויואמר אחז לוא אשאל ולוא
27 ]ת יהוה 13 ויואמר שמעו נה בית דויד המעט מכמה
28 ]נשים כי תלאו גם את אלוהי 14 לכן יתן יהוה הוה לכ[
29 ] העלמה הרה וילדת בן וקרא שמו עמנואל 15 חמא[
Col. VII, Isaiah 7:15–8:8
1 יאכל לדעתו מאוס ברע ובחר בטוב 16 כי ‸ב‸טרם ידע הנער
2 מאס ברע ובח‸ו‸ר בטוב תע‸.ו.‸זב האדמה אשר אתה קץ מפני
3 שני מלכיה 17 ויביא יהוה עליך ועל עמך ועל בית אביך ימים
4 אשר לוא באו למיום סור אפרים מעל יהודה את מלך אשור
5 18 והיה ביום ההוא ישרוק יהוה לזבוב אשר בקצה יארי
6 מצרים ולדבורא אשר בארץ אשור 19 ובאו ונחו כולם בנחלי
7 הבתות ובנקיקי הסלעים ובכול הנעצוצים ובכול הנהל‸ו‸ילים
8 20 ביום ההוא יגלח אדוני בתער השכירה בעברי נהר במלך
9 אשור את הראוש ושער ‸ה‸רגלים וגם אתה הזקן תספה
10 21 והיה ביום ההוא יהיה איש עגלת בקר ושתי צאן 22 והיה
11 מרוב עשות חלב יאכל חמאה כיא חמאה ודבש יאכל כול
12 הנותר בקרב הארץ
13 23 והיה ביום ההוא כול המקום אשר יהיה שם אלף גפן
14 באלף כסף לשמיר ולשית יהיה 24 בחצים ובקשתות יבוא
15 שמה כיא שמיר ושית תהיה כול הארץ 25 וכול ההרים
16 אשר במעדר יעדרון לוא תבוא שמה יראת שמיר .ש.ת
17 והיה למשלח שור ולמרמס שה
18 8:1 ויאומר יהוה אלי קח לך גליון גדול וכתוב עליו ‸ב‸חרט
19 אנוש למהר שלל חש בז 2 והעד לי עדים נאמנים א.
20 אוריה הכוהן ואת זכריה בן יברכיה 3 ואקרב אל
21 הנביא ותהר ותלד בן ויאומר יהוה אלי קרא
22 שמו מהר שלל חש בז 4 כיא בטרם ידע הנער לקראו
23 אביו ואמו ישא את חיל דרמשק ואת שלל שומרון
24 לפני מלך אשור
25 5 ויוסף יהוה דבר אלי עוד לאמור 6 יען כיא מאס העם הזה
26 את מי השולח ההולכים לאוט ומשוש את רצין ואת בן
27 ] 7 ולכן ה[ ]‸אדוני‸ מעלה עליהם את מי הנהר[
28 ]ך אשור ואת כול כבודו ועלה
29 ]גדוותיו 8 וחלף ביהודה שטף
![1Q Isaiah a content (1QIsaiaha, 1QIsaa) - Isaiah Great scroll text 4 1Q Isaiah a content (1QIsaiaha, 1QIsaa) - Isaiah Great scroll text](http://difa3iat.com/en/wp-content/uploads/2023/12/XsRiF-1024x590.jpg)
Col. VIII, Isaiah 8:8–9:11
1 ועבר עד צואר יגיע והיה מטות כנפיו מלוא רחב ארצך עמנואל
2 9 רעו עמים וחתו ו‸ה‸אזינו כול מרחקי הארץ התאזרו וחותו
3 10 עצו עצה ותפר דברו דבר ולוא יקום כיא עמנואל
4 11 כי כה אמר יהוה אלי כחזקת יד יסירני מלכת בדרך העם הזה לאמור
5 12 לוא תאמרו קשר לכול אשר יואמר העם הזה קשר ואת מוראו לוא תיראו
6 ולוא תעריצו 13 את יהוה צבאות אותו תקדישו והוא מוראכם והוא
7 מערצכם 14 והיא למקדש ולאבן נגף ולצר מכשול לשני בתי ישראל
8 לפח ולמוקש ליושב ירושלים 15 וכשלו בם רבים ונפלו ונשברו ונוקשו
9 ונלכדו 16 צור תעודה וחתום תורה בלמדי 17 וחכיתי ליהוה
10 המסתיר ‸את‸ פניו מבית יעקוב וקויתי לו 18 אנה אנוכי והילדים אשר
11 נתן לי יהוה לאות ולמופת בישראל מעם יהוה צבאות השוכן בהר ציון
12 19 וכי יואמרו אליכמה דרשו אל הא‸ו‸בות ואל הידעונים המצפצפים
13 והמהגים הלוא עם אל אלוהו ידרוש בעד חיים אל המיתים 20 לתורה
14 ולתעודה אם לוא יואמרו כדבר הזה אשר אין לו שחר 21 ועבר בה ונקשה
15 ורעב והיה כיא ירעב יתקצף וקלל במלכו ובאלוהו ופנה למעלה 22 ואל
16 הארץ יביט והנה צרה ‸ו‸חשוכה מעוף צוקה ואפלה מנדח 23 י‸כ‸לו מעופף
17 לאשר מוצק לה כעת הרישון הקל ארץ זבולון והארץ נפתלי והאחרון
18 הכביד דרך הים עבר הירדן גליל הגואים 9:1 העם ההולכים בחוש.
19 ראו אור גדול יושבי בארץ צלמות אור נגה עליהם 2 הרביתה
20 הגוי לוא הגדלתה השמחה שמחו לפניך כשמחת בקציר כאשר יגילו
21 בחלקם שלל 3 כי את עול סבלו ואת מטה שכמו שבט הנוגש בו והחתת
22 כיום מדים 4 כי כול סאון סאן ברעש ושמלה מגוללה בדמים והיתה
23 לשרפה מאכלת אש 5 כי ילד יולד לנו בן נתן לנו ותהי המשורה על
24 שכמו וקרא שמו פלא יועץ אל גבור אבי עד שר השלום 6 למרבה
25 המש‸ו‸רה ולשלום אין קץ על כסה דויד ועל ממלכתו להכין אותו לסעדו
26 במשפט ובצדקה מעתה ועד עולם קנאת יהוה צבאות תעשה זאות
27 7 דבר שלח יהוה בי‸ע‸קוב ונפל בישראל 8 וירעו העם כלו אפרים ויוש.
28 שמרון בגאוה ובגדל לבב לאמור 9 לבנים נפלו וגזית נבנה שקמים
29 גדעו וארזים נחליף 10 וישטב י[ ] את צרי רציאן עליו ואת אויביו
30 יסכסך 11 ארם מקדם ופל[ ]חור ויאכלו את ישראל בכול פה
Col. IX, Isaiah 9:11–10:14
1 ובכול ז‸ו‸הז לוא שב אפו ועוד ידיו נטויה 12 והעם לוא שב על ‸ה‸מכהו
2 ואת יהוה צבאות לוא דרשו
3 13 ויכרת יהוה מישראל ראש וזנב כפה ואגמן ביום אחד 14 זקן ונשא
4 פנים הוא הר‸ו‸אש ונביא מורה שקר הוא הזנב 15 ויהיו מאשרי
5 העם הזה מתעים ומאשריו מבלעים 16 על כן על בחוריו לוא יח‸ו‸מל
6 אדוני ואת יתומיו ואת אלמנותיו לוא ירחם כי כולו חנף ומרע
7 וכול פה דבר נבלה בכול זואת לוא שב אפו ועוד ידיו נטויה
8 17 כי בערה כאש רשעה שמיר ושית ת‸ו‸אכל ותצת בסבכי היער
9 ויתאבכו גיאות עשן 18 מעברת יהוה צבאות נתעם הארץ ויהיו
10 העם כמאכלת אש איש אל אחיו לוא יחמולו 19 ויגזר על ימין ורעב
11 ויאכל ועל שמאול ולוא שבעו איש בשר זרועו יואכל 20 מנשה
12 את אפרים ואפרים את מנשה יחדו המה על יהודה ובכול זואת
13 לוא שב אפו ועוד ידיו נטויה
14 10:1 הוי חוקקים חוקקי און ומכתבים עמל כתבו 2 להטות מדין
15 דלים ולגזול משפט עָניי עמי להיות אלמנות שללם ואת יתומים
16 יבוזו 3 ומה תעשו ליום פקודה ולשאה ממרחק תבוא על מי תנוסו
17 לעזרה ואנה תעזובו כבודכם 4 בלתי כרע תחת אסיר ותחת הרוגים
18 יפלו ובכול זואת לוא שב אפו ועוד ידיו נטויה
19 5 הוי אשור שבט אפי ומטה הוא בידם זעמי 6 בגוי חנף אשלחנו
20 ועל עם עברתי אצונו לשלול שלל ולבז בז ולשים מרמס כחמר חוצות
21 7 והוא לוא כן ידמה ולבבו לוא כן יחשוב כיא להשמיד בלבבו ולהכרית
22 גואים לוא מעט 8 כיא יואמר הלוא שרי יחדו מלכים 9 הלוא ככרכמיש
23 כלנו אם לוא כארפד מת אם לוא כדרמשק שומרון 10 כאשר מצאה ידי
24 לממלכות האלילים ופסיליהם מירושלים ומשומרון 11 הלוא כאשר עשיתי
25 לשומרון ולאליליה כן אעשה לירושלים ולעצביה 12 כי יבצע אדוני
26 את כול מעשיהו בהר ציון ובירושלים אפקוד על פרי גודל לבב
27 מלך אשור ועל תפארת רום עיניו 13 כי יואמר בכוח ידי עשיתי וב.כמתי
28 ]בונתי ואס‸י‸ר גבלות עמים ועתידותיהמה ..שיתי ואו.יד
29 ]ים 14 ותמצא כקן ידי לחיל העמים וכ.סוף בצים
30 ]ץ אני אספתי ולוא היה נודד כנף ופוצה פה
![1Q Isaiah a content (1QIsaiaha, 1QIsaa) - Isaiah Great scroll text 2 1Q Isaiah a content (1QIsaiaha, 1QIsaa) - Isaiah Great scroll text](http://difa3iat.com/en/wp-content/uploads/2023/12/vTGqf-1024x676.png)
Col. X, Isaiah 10:14–11:12
1 ומצפצף 15 היתפאר הגרזן על החוצב בו אם יתגדל המשור על מניפיו כהניף
2 שבט את מרימיו כהרים מטה לוא עץ
3 16 לכן ישלח האדון יהוה צבאות במשמניו רזון ותחת כבודו יקד יקוד כיקד אש
4 17 והיה אור ישראל לאש וקדושו ללהבה ובערה ואכלה .י.יו ושמירו ביום אחד
5 18 וכבוד יערו וכרמלו מנפש ועד בשר יכלה והיה כמסס נסס 19 ושאר עץ יערו מספר
6 יהיו ונער יכתבם
7 20 והיה ביום ההוא לוא יוסיף עוד שאר ישראל ופליטת בית יעקוב להשען על מכהו
8 ונשען אל יהוה קדוש ישראל באמת 21 שאר ישוב שאר יעקוב אל אל גבור 22 כיא אם
9 יהיה עמך ישראל כחול הים שאר ישוב בו כליון חרוץ שוטף צדקה 23 כי כלה ונחרצה
10 אדוני יהוה צבאות עושה בקרב כול הארץ
11 24 לכן כוה אמר אדוני יהוה צבאות אל תירא עמי יושב ציון מאשור משבט יככה ומטו
12 ישא עליך בדרך מ.רים 25 כי עוד מעט מזער וכלה זעם ואפי על תבליתם 26 ויעיר עליו
13 יהוה צבאות שוט כמכת מדין בצור עורב ומטהו על הים ונשאו בדרך מצרים
14 27 והיה ביום ההוא יסור סבלו מעל שכמך ו.לו מעל צוארך וחבל עול מפני שמן
15 28 בא על עיה עבר במגרון למכמש יפקיד כליו 29 עבר במעברה גבע מלון לנו חרדה הרמה
16 גבעת שאול נסה 30 צהלי קולך בת גלים הקשיבי ליש עניה ענתות 31 נדדה מ.מנה
17 יושבי ‸ה‸גבים העיזו 32 עוד היום בנב לעמוד ינוף ידיו הר בת ציון גבעת ירושלים
18 33 הנה האדון יהוה צבאות מסעף פארה במערצה ורמי ‸ה‸קומה גדועים והגבהים
19 ישפלו 34 ונקף סב.י היער בברזל והלבנון באדיר יפול
20 11:1 ויצא חטר מגז. ישי ונצר משורשיו יפרה 2 ונחה .ליו רוח יהוה רוח חכמה ובינה
21 רוח עצה וגבו.ה רוח דעת ויראת יהוה 3 והריחו ביראת יהוה ולא למראה עניו
22 ישפוט ולוא למשמע אוזנו יוכיח 4 ושפט בצדק דלים והוכיח במישור לענוי הארץ והכה
23 הארץ בש‸ב‸ט פיו יׅ̇וׅ̇מׅ̇תׅ̇ רׅ̇שׅ̇עׅ̇ וברוח שפתיו יומת רשע 5 והיה צדק אזור מתניו ואמונה
24 אזור חלציו 6 וגר .אב עם כבש ונמר עם גדי ירבץ ועגל וכפיר ומרי יחדו ונער קטן נהג
25 במה 7 ופרה ודב תרעינה יחדו ירבצו ילדיהן ואריה כבקר יאכל תבן 8 וישעשע יונק
26 על חור פתן ועל מאורות צפעונים גמול ידו הדה 9 לוא ירעו ולוא ישחיתו בהר קדשי
27 כי תמלאה הארץ דעה את יהוה כמים לים מכסים
28 10 והיה ביום ההוא שרש ישי אשר עמד לנס עמים אליו גואים ידרושו והיא מנוחתו
29 כבוד 11 והיה ביום ההוא יוסיף אדוני שנית ידו לקנות ‸את‸ שאר עמו אשר ישאר
30 מאשור וממצרים ומפתרוס ומכוש ומעילם ומשנער ומחמת ומאיי הים 12 ונשה נס
Col. XI, Isaiah 11:12–14:1
1 לגואים ואסף נדחי ישראל ונפוצות יהודה יקבץ מכנפות הארץ 13 וסרה קנאת
2 אפרים וצוררי יהודה יכרתו אפרים לוא יקנא את יהודה ויהודה לוא יצר את אפרים
3 14 ועפו בכתף פלשתיים ימה יחדו יבזזו את בני קדם אדום ומואב משלוח ידם ובני עמון
4 משמעתם 15 והחרים יהוה את לשון ים מצרים והניף ידיו על הנהר בעיים רוח והכהו
5 .שבעת נחלים והדרי. .נעלים 16 והייתה מסלה לשאר עמו אשר ישאר מאשור כאשר
6 הייתה לישראל ביום עלות. מארץ מצרים
7 12:1 ואמרתה ביום ההוא א.דה יהוה כי אנפתה בי ישב אפכה ותנחמני 2 הנה אל אל ישועתי
8 אבטח ולוא אפחד כיא עוזי וזמרתי‸ה‸ יהוה היהא לי לישועה 3 ושאבתמה מים בששון ממעיני
9 הישועה 4 ואמרתה ביום ההוא אודו ליהוה קראו בשמו הודיעו בעמים עלילותיו הזכירו
10 כי נ‸ש‸גב שמו 5 זמרו ליהוה כי גאות עשה מידעות זואת בכול הארץ 6 צהלי ורני ‸יושבת‸ בת ציון
11 כיא גדול בקרבך קדוש ישראל
12 13:1 משא בבל אשר חזה ישעיה בן אמוץ 2 על הר נשפה שאו נס הרימו קול להם הניפו יד
13 יבוא פתחי נדיבים 3 אני צויתי למקדשי גם קראתי גבורי לאפי עליזי .אותי 4 קול המון
14 בהרים דמות עם רב קול שאון ממלכות גואים נספים יהוה צבאות מפקד צבא מלחמה
15 5 באים מארץ מרחק מקצה השמים יהוה וכלי זעמו לחבל כל הארץ 6 הילילו כי קרוב יום
16 יהוה כשד משדי יבוא 7 על כן כול ידי. …… וכל לבב אנוש ימס 8 ונבהלו צירים
17 וחבלים יאחזון כיולדה יחילון איש אל רעהו יתמהו ופני להבים פניהם 9 הנה יום
18 יהוה בא אגזרי ועברה וחרון אף לשום ארץ לשמה וחטאים ישמיד ממנה
19 10 כי כוכבי השמים וכסיליהם לוא יאירו אורם חשך השמש בצאתו וירח לוא יגיה ….
20 11 ופקדתי על תבל רעה ועל רשעים עוונם והשבתי גאון זדים וגאות עריצים אשפיל 12 אוקר
21 אנוש מפז ואדם מכתם אופיר 13 .ל כן שמים ארגיז ותרעש הארץ ממקומה בעברת יהוה
22 צבאות וביום חרון אפו 14 והיו .צבי מדח וכצאון ואין מקבץ איש אל עמו יפנו ואיש
23 אל ארצו ינוסו 15 כול הנמצא י..ר וכול הנספה יפול בחרב 16 ועולוליהמה ירוטשו לעיניהם
24 וישסו בתיהם ונשי.מה ….נה
25 17 הנני מעיר עליהם את מ.י .ש. כסף לוא יחשוב וזהב לוא וחפצו בו 18 וקשתות נערים
26 תרטשנה ועל פרי בטן לוא ירחמו ועל בנים לוא תחוס עינם 19 והיתה בבל צבי ממלכת
27 תפראת גאון כשדיים כמ…ת אלוהים את סודם ואת עומרה 20 לוא תשב לנצח ולוא
28 תשכון עד דור ודור .לוא יה. שמה ערבי ורועים לוא ירב‸ו‸צו שם 21 ורבצו שם ציים
29 ומלאו בתיהם אחים ושכנו .מה בנות יענה ושעירים ירקדו שם 22 וענה ‸י‸אם באלמנותו
30 ותנים בהיכלי ענוגו קרוב לבוא עתה וימיה לוא ימשכו עוד 14:1 כי ירחם יהוה את יעקוב
Col. XII, Isaiah 14:1–29
1 ובחר עוד בישראל והניחם על אדמתם ונלוא הגר עליהם ונספחו ..
2 בית יעקוב 2 ולקחום עמים רבים והביאום אל אדמתם ואל מקומם
3 והתנחלום בית ישראל אל אדמת יהוה לעבדים ולשפחות והיו שובים
4 לשוביהם ורדים בנוגשיהם
5 3 והיה ביום הניח יהוה לך מעצבך ומרוגזך ומן העבודה הקשה אשר
6 עבדו בכה 4 ונשאתה את המשל הזה על מלך בבל ואמרתה איכה שב
7 נוגש שבתה מרהבה 5 שבר יהוה מטה רשעים שבט מושלים 6 מכה עמים
8 בעברה מכת בלתי סרה רודה באף גואים מרדף בלי חשך 7 נחה שקטה
9 כול הארץ פצחו רינה 8 גם ברושים שמחו לך ארזי הלבנון מאז שבתה
10 ולוא יעלה הכורת עלינו 9 שאול מתחת רגזה לכה לקרת בואך עורה לכה
11 רפאים כול עתודי ארץ הקימה מכסאותם כול מלכי גואים 10 כלם יענו
12 ויאמרו אליך גם אתה חליתה כמונו אלינו ומשלתה 11 ..רד שאול
13 גאונך המית נבלתך תחתיך יצע רמה ומכסך תולעה 12 היך נפלתה
14 מהשמיש היליל בן שחר נגדעתה לארץ חולש על גוי 13 אתה אמרתה
15 בלבבכה השמים אעלה ממעלה לכוכבי אל ארים כסאי א.. בהר
16 מועד בירכתי צפון 14 אעלה על בומתי עב אדמה לעליון 15 אך .ל שאול
17 תורד אל ירכתי בור 16 רואין אליך ישגיחו אליכה יתבו… הזה האיש
18 המרגיז ‸ה‸ארץ המרעיש ממלכות 17 שם תבל כמדבר עריו הר. אסיריו
19 לוא פתח ביתה 18 כול מלכי גואים שכבו בכבוד איש בבי.. 19 ואתה הושלכתה
20 מקוברך כנצר נתעב לבש הרוגים מטעני חרב יורדי א . ‸אבני‸ בור כפגר מובס
21 20 לוא תחת אותם בקבורה כי ארצך שחת‸ה‸ עמך הרגתה .וא יקראו לעולם
22 זרע מרעים 21 הכינו לבניו מטבח בעוון אבותם בל יקומ. וירשו ארץ
23 ומלו פני תבל ערים 22 וקמתי עליהמה נואם יהוה צב.ות והכרתי
24 לבב שם ושארית נין ונכד נואם יהוה 23 ושמתי למורש קפז אגמי
25 מים וטאטאתי במטאטא השמד נואם יהוה צבאות 24 .שבע יהוה
26 צבאות לאמור אם לוא כאשר דמיתי כן תהיה וכאשר יעצ.. היא תקום
27 25 לשבור אשור בארצי ועל הרי אבוסנו וסר מעליכמה ..ו וסבלו
28 מעל שכמכה יסור 26 זואת העצה היעוצה על כול ה..ץ וזות היד
29 הנט‸ו‸יה על כול הגואים 27 כיא יהוה צבאות יעץ ומי[ ]וידיו הנטויה
30 ומי ישיבנה
31 28 בשנת מות המל‸ך‸ אחז היה המשא הזה 29 אל תשמח[ ]פלשת
Col. XIII, Isaiah 14:29–16:14
1 כולך כי נשבר שבט מככה כי משורש נחש יצא צפע ופריו שרף
2 מעופף 30 ורעו בכורי דלים ואביונים לבטח ירבצו והמתי ברעב
3 שורשך ושאריתך אהרוג 31 הילילי שער זעקי עיר נמוג פלשת כולך
4 כי מצפון עשן בא ואין מודד במודעיו 32 ומה יענו מלכי גוי כי יהוה
5 יסד ציון ובו יחסו עניי עמו
6 15:1 משא מואב כי בלילה שודד עיר מואב ונדמה כי בלילה שודד עיר
7 מואב נדמה 2 עלה הבית ודיבון ה‸א‸במות לבכי על נבו ועל מידבה
8 מואב יליל בכול ראושו קרחה וכל זקן גרועה 3 בחוצותיה
9 חגורו שק על גגותיה וברחובתיה כלה יהיליל וירד בבכי
10 4 ותזעק חשבון ואלעלה עד יהץ נשמע קולם על כן חלצי מואב י‸י‸ר.ו
11 נפשו ירע לו 5 לבי למואב יזעק ברחוה עד צעור עגלת שלישיה
12 כי מעלה הלוחות בבכי יעלה בו כי דרך חורונים זעקת שברי .ערו
13 6 כי מי נמרים משמות יהיו כי יבש חציר כלה דשא ירוק לוא
14 אהיא 7 על כן יתרה עשה ופקדתם על נחל ערבי תישאום 8 כי
15 הקיפה הזעקה את גבול מואב עד אגלים יללתה ובאר אילים
16 יללתה 9 כי מי דיבון מלאו דם כי אשית על דיבון נוספת לפליטת
17 מואב אריה לשארית אדמה 16:1 שלחו כרמשל ארץ מסלה מדברה
18 אל הר בת ציון 2 והיא כעוף נודד קן משלח תהינה בנות מואב
19 מעברת לארנון 3 הביו עצה עשו פלילה שיתי כליל צלך בתוך צהרים
20 סתרי נדחים נודד אל תגלי 4 יגורו בך נדחי מואב הוי סתר
21 למו מפני שודד כי אפס המוץ כלה שד תם רומס מן הארץ 5 והוכן
22 בחסד כסא וישב עליו באמת ‸באוה‸ול דויד שופט ודורש משפט
23 ומהר צדק 6 שמענו גאון מואב גאה מואד גאתו וגאונו
24 ועברתו לכן בדיו 7 ולכן לוא ייליל מואב למואב כלה ייליל לאשי.י
25 קיר חרשת תהגו אך נכאים 8 כי שדמות חשבון אמללה גפן
26 שבמה 9 ארזיך דמעתי חשבון ואלעלה כיא על קיצך ועל קציר .
27 הידד נפל 10 ונ‸א‸סף שמחה וגיל מן הכרמל ובכרמים לוא ירננו ולוא
28 ירועע יין ביקבים לוא ידרוך הדורך הידד השבתי 11 על כן מעי
29 למואב ככנור יהמו וקרבי לקיר חרש 12 יהיה כי נראה כי
30 בא מואב על הבמה ובא אל מקדש‸י‸ו להתפלל ולוא י.כל
31 13 זה הדבר אשר דבר יהוה אל מואב מאז 14 ועתה דבר י.וה
Col. XIV, Isaiah 16:14–18:7
1 16:14 לאמור בשלוש שנים כשני ש.יר ונקלה כבוד מואב בכול
2 ההמון הרב ושאר מעט מ‸ז‸צער ולוא כבוד
3 17:1 משא דרמשק הנה דרמשק מוסר מעיר והיית מעי מפלה
4 2 עזובות ערי עורערו לעדרים תהינה ורבצו ואין מחריד
5 3 ונשבת מבצר מאפרים וממלכה מדרמשק ושאר ארם ככבוד
6 בני ישראל יהיה נואם יהוה צבאות
7 4 והיה ביום ההוא ידל כבוד י‸ע‸קוב ומשמן בשרו ירזה 5 והיה
8 כאסף קציר קמה וזרעו שבלים יקצור והיה כמלקט שבלים
9 בעמק רפאים 6 ונשאר בו עוללות כנקף זית שנים שלושה גרגרים
10 בר‸ו‸אש אמיר ארבעה חמשה בסעפי פריה נואם יהוה אלוהי
11 ישראל 7 .יום ההוא ישעה האדם על עושיהו ועיניו
12 אל קדוש ישראל תראינה 8 ולוא ישעה על המזבחות מעשיו
13 אשר עשו אצבעותיו ולוא יראה האשרים והחמנים
14 9 ביום ההוא יהיו ערי מעוזו כעזובות החרש האמיר אשר
15 עזבו מפני בני ישראל והייתה שממה 10 כי שכחתי אלוהי
16 ישעך וצור מעוזך ולא זכרת על כן תטעי נטעי נעמונים וזמורת
17 זר ת◦◦◦נ◦‸י‸ 11 ביום נטעך תשגשגשי ובבקר זרעך תפריחי
18 נד קציר ביום נחלה וכאיב אנוש
19 12 הוי המון עמים רבים כהמות ימים יהמיון ושאון לאומים
20 כשאון מים כבדים ישאון 13 לאומים כשאון מים רבים ישאון
21 ויגער בו ונס ממרחק ורדף כמץ הרים לפני רוח וכגלגל לפני
22 סופה 14 לעת ערב והנה בלהה בטרם בקר ואיננו זה חלק שוסינו
23 וגורל לבוזזינו
24 18:1 הוי ארץ צל צל כנפים אשר מעבר לנהרי כוש 2 השולח בים צירים
25 ובכלי גמא על פני מים לכו מלאכים קלים לגוי ממשך וממ‸ו‸רט
26 אל עם נורא מן הוא והלאה גוי קוקו ומבוסה אשר בזאו נהרים
27 ארצו 3 כול יושבי תבל ושוכני ארץ כנשא נס הרים תראו וכתקוע
28 שופר תשמעו 4 כיא כה אמר יהוה אלי אשקוטה ואביטה
29 במכוני כחם צח עלי אור כעב טל בחם קציר 5 כי לפני קציר
30 כתם פרח ובסור טמול יהיה נצה וחכרת הזלזלים במזמרות
31 ואת הנטישות הסיר התז 6 יעזבו יחדו לעיט הרים ולבהמות
32 ארץ וקץ עליו העיט וכול בהמות הארץ עליו תחרף 7 בעתה
Col. XV, Isaiah 18:7–19:23
1 18:7 ההיא יובל שי ליהוה צבאות מעם ממשך וממרט ומעם נורא מה◦א
2 והלאה גוי קוקו ומבוסא אשר בזאו נהרים ארצו אל מקום שם יהוה
3 הר ציון
4 19:1 משא מצרים הנה יהוה רוכב על עב קל ובא מצרים ונעו אלילי מצרים
5 מפניו ולבב מצרים ימס ב‸ק‸רבו 2 וס‸כ‸סכתי מצרים במצרים ונלחמו
6 איש באחיו ואיש ברעהו ועיר בעיר ממלכה בממלכה 3 ונבקה רוח מצרים
7 בקרבו ועצתו אבלע ודרשו אל אלילים ואל האטים ואל הא‸ו‸בות ואל
8 הידעונים 4 וסכרתי את מצרים ביד אדונים קשה ומלך עז ימשל
9 בם נואם האדון יהוה צבאות 5 ונשתו מים מהים ונהר יחרוב ויבש
10 6 והזניחו הנהרות ודללו ו‸ר‸חבו יאורי מצור קנה וסוף וקמלו 7 ערות
11 על יא‸ו‸ר על פי יאור וכול מזרע יאור יבש ונדף ואין בו 8 ואנו הדגים
12 ואבלו כול משליכי ביאור חכה ופרשי מכמרת על פני מים אמללו 9 ובושו
13 עובדי פשתים שריקות ואורגים חורו 10 והיו שותתיה מדכאים
14 כל עושי שכר אגמי נפש 11 אך אולים שרי צען חכמיה יועצי פרעוה
15 עצה נבערה איך תאמרו אל פרעה בן חמים אני בן מלכי קדם 12 אים
16 אפוא חכמיך ויגידונא לך וידעו מה יעץ יהוה ‸צבאות‸ על מצרים 13 נאולו
17 שרי צען נש‸ו‸או שרי נף התעו את מצרים פנת שבטיה 14 יהוה
18 מסך בקרבה רוח עועיים והתעו את מצרים בכול מעשהו כהתעות
19 שכור ‸ב‸קיאו 15 ולוא יהיה למצרים מעשה אשר יעשה ראוש וזנב
20 כפה ואגמן 16 ביום הוא יהיה מצרים כנשים וחרדו ופחדו
21 מפני תנופת יד יהוה צבאות אשר הוא מ‸ה‸ניף ידו עליה 17 והייו
22 אדמת יהודה למצרים לחוגה כול אשר יזכיר אותה אליו
23 יפחד מפני עצת יהוה צבאות אשר הוא יועץ עליו
24 18 ביום הה[ ] יהיו חמש ערים בארץ מצרים מדברות שפת
25 כנען ונשבעות ליהוה צבאות עיר החרס יאמר לאחת 19 ביום
26 ההוא יהיה מזבח ליהוה בתוך ארץ מצרים ומצבה אצל גבולה
27 ליהוה 20 והייה לאות ולעד ליהוה צבאות בארץ מצרים כי יצעקו
28 אל יהוה מפני לוחצים ושלח להם מושיע וירד והצילם 21 ונודע
29 יהוה למצרים וידעו מצרים את יהוה ביום ההוא ועבדו זבח
30 ומנחה ונדרו נדר ליהוה ושלמו 22 ונגף יהוה את מצרים נגף ונרפו
31 ושבו עד יהוה ונעתר להם ורפאם 23 ביום ההוא תהיה מסלה
32 ממצרים אשורה ובא אשור במצרים ומצרים באשור ועבדו
Col. XVI, Isaiah 19:23–21:15
1 את אשור 24 ביום ההוא יהיה ישראל שלישיה למצרים
2 ולאשור ברכה בקרב הארץ 25 אשר ברכו יהוה צבאות לאמור
3 ברוך עמי מצרים ומעשה ידי אשור ונחלתי ישראל
4 20:1 בשנת בא תורתן אשדודה בשלח אותו סרגון מלך אשור וילחם
5 באשדוד וילכודה 2 בעת ההיא דבר יהוה ביד ישעיה בן אמוץ
6 לאמור לך ופתחת ‸השק‸ מעל מתניך ונעליך תחליץ מעל רגליך ויעש
7 כן הלוך ערום ויחף 3 ויואמר יהוה כאשר הלך עבדי ישעיה
8 ערום ויחף שלוש שנים אות ומפת על מצרים ועל כוש 4 כן ינהג
9 מלך אשור את שבי מצרים ואת גולת כוש נערים וזקנים ערום
10 ויחף וחשופי שת ערות מצרים 5 וחתו ויבושו מכוש מבטחם
11 וממצרים תפארתם 6 ואמר ‸יושב‸ האיי הזה ביום ההוא הנה
12 כה מבטנו אשר נסמך שם לעזרה להנצל מפני מלך אשור
13 ואיך נמלט אנחנו
14 21:1 משא דבר ים כספות בנגב לחלף ממדבר בא מארץ רחוקה ‸נוראה‸
15 2 חזות קשה הוגד לי הבוגד בוגד והשודד שודד עלי
16 עילם צורי מדי כול אנחתה השבתי 3 על כן מלאו מתני חלחלה
17 צירים אחזוני כצירי יולדה נעויתי משמוע נבהלתי
18 מראות 4 תועה ולבבני פלצות בעת‸ת‸ני את נשף חשקי שם לי
19 לחרדה 5 ערוך השלחן צופה הצפית אכול שתה קומו השרים
20 משחו מגן 6 כי כה אמר אלי אדוני לך העמד המצפה אשר
21 יראה ויגיד 7 וראה רכב צמד איש פ◦שים ר‸ו‸כב חמור
22 רוכב גמל והקשב קשב רב קשב 8 ויקרא הראה על מצפה
23 אדוני אנוכי עומד תמיד יומם ועל משמרתי אנוכי נצב
24 כול הלילות 9 והנה זה בא רוכב איש צמד פרשים ויעני ויואמר
25 נפלה נפלה בבל וכול פסילי אלוהיה שברו לארץ 10 מדשתי ובן
26 גדרי אשר שמעתי מאת יהוה צבאות אלוהי ישראל הגדתי
27 לכם
28 11 משא דומה אלי קרא משעיר שומר מה מליל שומר מה מליל
29 12 אמר שומר אתה בוקר וגם לילה אם תבעון בעו שובו אתיו
30 13 משא בערב ביער בערב תלינו אורחות דודנים 14 לקראת
31 צמא האתיו מים יושבי ארץ תימא בלחם קדמו נודד 15 כי
32 מפני ‸ה‸רבות נדד מפני חרב נ‸טו‸שה ומפני קשת דרוכה ומפני
Col. XVII, Isaiah 21:15–22:24
1 כבוד מלחמה 16 כי כה אמ◦ יהוה אלי בעוד שלוש שנים כשני
2 שכיר וכלה כבוד קדר 17 ושאר מספר קשת גבורי ‸בני‸ קדר ימעטו
3 כי יהוה אלוהי ישראל דבר
4 22:1 משא גי חזיון מלכי אפוא כי עליתי כולך לגגות 2 תשאות מלאה עיר
5 הומיה קריה עליזה חלליך לוא חללי חרב ולוא מיתי מלחמה 3 כול
6 קציניך נדדו יחד מקשת אסורה כול נמצאיך אסרו יחדו מרחוק
7 ברחו 4 על כן אמרתי שועו ממני ואמרר בבכי אל ת◦ציו לנחמני על
8 שד בת עמי 5 כי י.ם מהומה ומבוסה ומבוכה לאדוני יהוה
9 צבאות בגי חזיון מקרקר קדשו על ההר 6 ועילם נשא אשפא
10 ברכב אדם פרשים וקיר ערה מגן 7 והיה מבחר עמקיך מלאו
11 רכב והפרשים שת שתו השערה 8 ויגל את מסך יהודה ותבט
12 ביום ההוא אל נשק בית היער 9 ואת בקיעי עיר דויד ראיתה.
13 כי רבו ותקבצו את מי הברכה התחתונה 10 ואת בתי ירוש..
14 ספרתם ותתוצו הבתים לבצור החומה 11 ומקוה עשיתם בין החומות
15 למי הברכה הישנה ולוא הבטתמה על עושיה ויצרה מרחוק לוא
16 ראיתם
17 12 ויקרא אדוני יהוה צבאות ביום ההוא לבכי ולמספד ולקרחה
18 ולחגור שק 13 והנה ששון ושמחה הרג בקר ושחט צאן אכול
19 בשר ושתות יין אכול ושתו כי מחר נמות 14 ונגלה באוזני יהוה
20 צבאות אם יכפר לכם העוון הזה לכמה עד תמותון אמר אדוני
21 יהוה צבאות
22 15 כה אמר אדוני יהוה צבאות לך בוא אל הסוכן הזה אל שבנא
23 אשר על הבית 16 מהלך פה ומי לך פה כי חצבתה לכה פה קבר
24 חצבי מרום קברו חוקקי בסלע משכן לו 17 הנה יהוה מטלטלך
25 טלטלה גבר ועוטך עטה 18 צ‸ו‸נף יצנפכה צנפה כדור אל
26 ארץ רחבת ידים שמה תמות ושמה מרכבות כבודך קלון בית
27 אדוניך 19 והדפתיך ממצבך וממעמדך הרסך
28 20 והיה ביום ההוא וקרתי לעבדי לאליקים בן חלקיה 21 והלבש‸ת‸יו
29 כתנו.. ואבניטך אחזקנו וממשלתך אתן בידו והיה
30 לאב ליושב ירושלם ולבית יהודה 22 ונתתי מפתח בית דויד
31 על שכמו ופתח ואין סוגר וסגר ואין פותח 23 ותקע.יו יתד
32 במקום נאמן והיה לכסא כבוד לבית אביו 24 ותלו …. כול כבוד
Col. XVIII, Isaiah 22:24–24:4
1 בית אביו הצ‸א‸צאים והצפעות כול כלי קטן מכלי האגנות
2 ועד כול כלי הנבלים 25 ביום ההוא נואם יהוה צבאות תמוש
3 היתד התקועה במקום נאמן ונגדעה ונפלה ונכרת המשא
4 אשר עליה כי יהוה דבר
5 23:1 משא צר אילילו אניות תרשיש כי שודד מבית מבוא מארץ
6 כתיים נגלה למו 2 דמו ‸ו‸ישבי אי סחר צידון עברו ים מלאכיך
7 3 ובמים רבים זרע שחר קציר יאור תבואתה ותהי סחר
8 גואים 4 בושי צידן כי אמרה ים מעוז הים לאמור לוא
9 חלתי ולוא ילדתי ולוא גדלתי בחורים רוממתי בתולות
10 5 כאשר שמע ‸ל‸מצרים יחילו כשמע צר 6 עוברי ת‸ר‸שישה הילילו
11 יושבי אי 7 הזואת לכמה העליזה מימי קדם קדמותה
12 יבלוה רגליה מרחק לגור 8 מי יעץ זואת על צר המעטרה
13 אשר שרים ‸סוחריה‸ כנעניה נכבדי הארץ 9 יהוה צבאות יעצה
14 לחלל כול גאון צבי להקל כול נכבדי ארץ 10 עבדי ארצך כיאור
15 בת תרשיש אין מזח עוד 11 ידו נטה על הים הרגיז ממלכות
16 יהוה צוה אל כנען להשמיד מעוזיה 12 ויואמר לוא תוסיפי
17 עוד לעלוז מעשקה בתולת בת צידון כתיים קומי עברי
18 גם שם לוא ינוח לך
19 13 הנה ארץ כשדיים זה העם לוא היה אשור יסדה לציין
20 הקימוה בחיניה עוררו ארמנותיה שמה למ‸פ‸לה 14 הילילו
21 אניות תרשיש כי שודד מעוזך 15 והיה ביום הוא לצר
22 כשירת הזונה 16 קחי כנור סבי עיר זונה נשכחה היטיבי
23 נגן הרבי שיר למען תזכרי 17 והיה מקץ .בעין שנה
24 יפקוד יהוה את צר ושבה לאתננה וזנתה את ממלכות
25 הארץ על פני האדמה 18 והיה ס. .ה ואתננה קודש
26 ליהוה לוא יאצר ולוא יחסן כי ליושבים לפני יהוה
27 יהיה סחרה לאכול לשבעה ולמכסה עתיק
28 24:1 הנה יהוה בוקק האדמה ובולקה ועוה פניה והפיץ
29 יושביה 2 והיה כעם ככוהן כעבד כאדוניו כשפחה
30 כגברתה כקונה כמוכר כמלוה כלוה כנשא כאשר נשא
31 בו 3 הבוק תבוק הארץ והבוז תבוז כי יהוה דבר את
32 הדבר הזה 4 אבלה נבלה הא.ץ אמללה נבלה תבל
Col. XIX, Isaiah 24:4–25:5
1 אמלל מרום ‸עם‸ הארץ 5 והארץ חנפה תחת יושביה כי
2 עברו תורות חלפו חוק הפירו ברית עולם 6 על כן אלה אכלה
3 וישמו יושבי בה על כן חורו יושבי ארץ ונשאר אנוש
4 מזער 7 אבל תירוש אמללה גפן נאנחו כול שמחי לב 8 שבת
5 משוש תפים חדל שאון עליזים שבת משוש כנור 9 בשיר
6 לוא ישתו יין וימר שכר לשותיו 10 נשברה קרית תהו סגר
7 כול בית מבוא 11 צוחה על היין בחוצות ערבה כול שמחה
8 גלה משוש הארץ 12 נשאר בעיר שמה ושאיה יוכת
9 שער 13 כי כה יהיה בקרב הארץ בתוך העמים כנקף זית
10 כעוללת אם כלה בציר 14 המה ישאו קולם ירונו בגאון
11 יהוה צהלו מים 15 על כן בארים כבדו יהוה באיי הים
12 שם יהוה אלוהי ישראל
13 16 מכנף הארץ זמרת שמענו צבי לצדיק ואמר רזי לי רזי לי
14 אוי לי בוגדים בגדו ובגד בוגדים בגדו 17 פחד ופחת
15 ופח עליך יושב הארץ 18 והיה הנס מקול הפחד יפול
16 אל הפחת והעולה מתוך חפחת ילכד בפח כי ארבות
17 ממרום נפתחו וירעשו מוסדי ארץ 19 …. התרועעה
18 הארץ פור התפוררה ארץ מוט התמוטטה ארץ 20 נ‸ו‸ע
19 תנוע הארץ כשכור והתנודדא וכמלונה וכבד עליה פשעה
20 ונפל ולוא ת‸ו‸סיף קום
21 21 והיה ביום ההוא יפקוד יהוה על צבא המרום במרום
22 ועל מלכי האדמה על האדמה 22 אספו אספה על בור וסגרו
23 על מסגר ומרוב ימים יפקדו 23 וחפרה הלבנה ובושה
24 החמה כי מלך יהוה צבאות בהר ציון ובירשלם
25 ונגד זקניו כבוד
26 25:1 יהוה אלוהי אתה ארוממך אודה שמך כי עשיתה פלא
27 אצות מרחוק א..נה אמן 2 כי שמתה מעיר לגל קריה בצורה
28 למ‸פ‸לה ארמון זרים מעיר לעולם לוא יבנה 3 עלכן יכבדוך
29 עם עז קרית גוים עריצים ייראוך 4 כי הייתה מעוז לדל
30 מעוז לאביון בצר לו מחסה מזרם צל מחורב כי רוח עריצים
31 כזרם קיר 5 כחורב בציון שאון זרום תכניע חורב בצל עב
32 זמיר עריצים יענה
Col. XX, Isaiah 25:6–26:18
1 25:6 ועשה יהוה צבאות לכול העמים בהר הזה משתה שמנים
2 מש.ה שמרים שמנים ממחים שמרים מזוקקים 7 ובלע בהר
3 הזה פני הלוט הלוט על כול העמים והמסכה הנסוכה על
4 כול הגואים 8 בלע המות לנצח ומחה אדוני יהוה דמעה
5 מעל כול פנים וחרפת עמו יסיר מעל כול הארץ כי יהוה
6 דבר
7 9 ואמרת ביום ההוא הנה יהוה אלוהינו זה קוינו לו ויושיענו
8 זה יהוה קוינו לו נגילה ונשמח בישועתו 10 כי תנוח יד
9 יהוה בהר הזה ונדש מואב תחתיו כחדוש מתבן במי
10 מדמנה 11 ופרש ידיו בקרבו כאשר יפרש השוחה לשחות
11 והשפיל גאותו עם ארבות ידיו 12 ומבצר משגב חומותיך
12 השח‸ה‸ השפיל יגיע לארץ עד עפר
13 26:1 ביום ההוא ישיר השיר הזואת בארץ יהודה עיר עוז לנו
14 ישועה ישית חומות וחל 2 פתחו שעריך ויבוא גוי צדיק שומר
15 אמונים 3 יצר סמוך תצר שלום שלום כי בכה 4 בטחו ביהוה
16 עד‸י‸ עד כי ביה יהוה צור עולמים 5 כי השת יושבי מרום קריה
17 נשגבה ישפילנה עדי ארץ יגיענה עדי עפר 6 תרמסנה רגלי
18 עניים פעמי דלים 7 אורח לצדיק מישרים ישר מעגל צדק תפלט
19 8 אף אורח משפטיך יהוה קוינו לשמך ולתורתך תאות נפש
20 9 נפשי אויתיך בלילה אף רוחי בקרבי אשחרכה כי כאשר משפטוך
21 לארץ צדק למדו יושבי תבל 10 יחון רשע בל למד צדק בארץ
22 נכוחות יעול ובל יראה גאות יהוה
23 11 יהוה רמה ידכה בל יחזיון ויחזו ויבושו קנאת העם אף
24 אש צריך תאכלם 12 יהוה תשפוט שלום לנו כי גם כול מעשינו
25 פעלתה לנו 13 יהוה אלוהינו בעלונו אדונים זולתך
26 לבד בך נזכיר שמך 14 מיתים בל יחיו ורפאים בל יקומו לכן
27 פקדת ותשמידם ותאסר כול זכר למו 15 יספת לגוי יהוה
28 יספתה לגוי נכבדת רחקת כול קצוי הארץ
29 16 יהוה בצר פקדוך צקון לחשו מוסריך למו 17 כמו הרה תקריב
30 ללדת תחיל תזעק בחבליה כן היינו מפניך יהוה 18 הרינו חלנו
31 כמו ילדנו רוח ישועתך בל נעשה ארץ ובל יפולו יושבי תבל
Col. XXI, Isaiah 26:19–28:2
1 26:19 יחיו מיתיך נבלתי יקומון יקיצו וירננו שוכני עפר
2 כי טל אורות טלך וארץ רפאים תפיל
3 20 לך עמי בא בחדריך וסגר דלתיך בעדך חבי כמעט רגע
4 עד יעבור זעם 21 כי יהוה יצא ממקומו לפקוד עוון יושב
5 הארץ עליו וגלתה הארץ את דמיה ולוא תכסה עוד על
6 הרוגיה
7 27:1 ביום ההוא יפקוד יהוה בחרבו הקשה והגדולה
8 והחזקה על לויתן נחש בורח ועל לויתן נחש עקלתון והרג
9 את התנין אשר בים
10 2 ביום ההוא כרם חומר ענו לה 3 אני יהוה נצרה לרגעים
11 אשקנה פן יפקוד עליה לילה ויום אצורנה 4 חמה אין
12 לי מי יתנני שומיר ושית במלחמה אפשעה בה
13 ואציתנה יחדו 5 או יחזק במעוזי יעשה שלום לי
14 שלום יעשה לי 6 הבאים ישריש יעקוב ויציץ
15 ויפרח ישראל ומלאו פני תבל תנובה 7 הכמכת מכהו
16 הכהו אם כהרג הורגיו הרג 8 בסאסאה בשלחה תריבנה
17 הגה ברוחו הקשה ביום קדום
18 9 לכן בזואת יכפר עוון יעקוב וזה כול פרי הסיר חטאו
19 בשומו כול אבני מזבח כאבני גיר מנפצות לוא יקומו
20 אשרים וחמנים 10 כי עיר בצורה בדד נוה משלח ונעזב
21 כמדבר שם ירעה עגל ושם ירבץ וכלה סעפיה 11 ביבש קצירה
22 תשברנה נשים ‸באות‸ מאירות אותה כי לוא עם בינות הוא על
23 כן לוא ירחמנו עושהו ויוצרו לוא יחוננו
24 12 והיה ביום ההוא יחבוט יהוה משבל הנהר עד נחל
25 מצרים ואתמה תלקטו לאחד אחד בני ישראל
26 13 והיה ביום ההוא יתקע בשופר גדול ובאו האובדים בארץ
27 אשור והנדחים בארץ מצרים והשתחו ליהוה בהר הקדש
28 בירושלם
29 28:1 הוי עטרת גאון שכורי אפרים וציץ נבל צבי תפארתו
30 אשר על ראש גאי שמנים הלומי יין 2 הנה ‸ב‸חזק ואמץ
31 ליהוה כזרם ברד שער קטב כזרם מים כברים שוטפים
Col. XXII, Isaiah 28:2–24
1 והניח לארץ ביד 3 ברגלים תרמסנה עטרת גאות שכורי
2 אפרים 4 והייתה ציצת נבל צבי תפארתו אשר על ראש גאי
3 שמנים כבכורה בטרם קיץ אשר יראה הרואה אותה
4 בעודנה בכפו יבלענה
5 5 ביום ההוא יהיה יהוה צבאות לעטרת צבי ולצפירת
6 תפארה לשאר עמו 6 ולרוח משפט ליושב על המשפט ולגבורה
7 משיבי מלחמה שער 7 גם אלה ביין שגו ובשכר תעו כוהן
8 ונבי שגו בשכר נבלעו מן היין תעו מן השכר שגו בראה
9 פקו פליליה 8 כי כול שלחנות מלאו קיה צאה בלי מקום
10 9 את מי יורה דעה ואת מי יבין שמועה גמולי מחלב עתיקי
11 משדים 10 כי צי לצי צי לצי קו לקו קו לקו זעיר שם זעיר שם
12 11 כי בלעגי שפה ובלשון אחרת ידבר אל העם הזה 12 אשר אמר
13 אליהמה זואת המנוחה הניחו ליעיף וזואת המרגעה ולוא
14 אבו לשמוע 13 והיה להם דבר יהוה צי לצי צי לצי קו לקו קו
15 לקו זעיר שם זעיר שם למען ילכו וכשלו אחור ונשברו ונוקשו
16 ונלכדו
17 14 לכן שמע דבר יהוה אנשי לצון משלי העם הזה אשר בירושלים
18 15 כי אמרתם כרתנו ברית את מות ועם שאול עשינו חזה שוט
19 שוטפ כי יבור לוא יבואנו כי שמנו כזב מחסנו ובשקר נסתרנו
20 16 לכן כה אמר יהוה ‸אדוני‸ הנני מיסד בציון אבן אבן בחן פנת
21 יקרת מוסד מוסד המאמין לוא יחיש 17 ושמתי משפט לקו
22 וצדקה למשקלת ויעה ברד ממחסה כזב וסתר מים ישטפו
23 18 וכפר את בריתכמה את מות וחזותכם את שאול לוא תקום
24 שוט שוטף כי יעבור והייתמה לו למרמס 19 מדי עברו יקח
25 אתכמה כי בבקר בבקר יעבור ביום ובלילה רק זועה
26 הבין שמועה 20 כי קצר המצע משתריים והמסכסכה
27 בהתכנס 21 כי בהר פרצים יקום יהוה בעמק בגבעון
28 ירגז לעשות מעשהו זר מעשהו ולעבד עבדתו נכריה עבדתו
29 22 ואתה אל תתלוצצו פן יחזקו מוסרותיכם כי כלה ונחרצה
30 שמעתי מאת יהוה צבאות על כל הארץ
31 23 האזינו ושמעו קולי הקשיבו ושמעו אמתי 24 הכול היום
Col. XXIII, Isaiah 28:24–29:21
1 יחרוש החורש לזרוע ופתח ‸י‸ושדד אדמתו 25 הלוא אם שוה פניה והפיץ
2 קצח וכימן יזרק ושם חטה שורה ושעורה נסמן וכסמת גבולותו
3 26 ויסרהו למשפט אלוהו יורנו 27 כי לוא בחרוץ ידש קצח ואקפן עגלה על כמן
4 יסוב כי במטה יחבט קצח וכמן בשבט 28 ‸ו‸ידק כי לוא לנצח הדש ידושנו
5 והמם ‸גלגל‸ עגלתו ופרשיו לוא ידוקנו 29 גם זואת מעם יהוה צבאות יצאה
6 הפלה עצה והגדיל תושיה
7 29:1 הוי אריאל אריאל קרית חנה דויד חנה דויד ספי שנה על שנה חגים ינקפו 2 והציקותי
8 לאריאל והייתה תאניה ואניה והייתה לי כאריאל 3 וחניתי כדור עליך
9 וצרתי עליך מצב והקימותי עליך מצודות 4 ושפלת מארץ תדברי ומעפר תשח
10 אמרתך והיה כאוב מארץ קולך ומעפר אמרתך תצפצף 5 והיה כאבק דק המון
11 זדיך וכמוץ עובר המון עריצים והיה לפתע פתאם 6 מעם יהוה צבאות
12 תפקד ברעם וברעש וקול גדול סופה וסערה ולהב אש אוכלה 7 והיה
13 כחלום חזון לילה המון כול הגואים הצובאים על אריאל וכול צביה
14 ומצרתה והמציקים לה 8 והיה כארש יחלום הרעב והנה אוכל
15 והקיץ וריקה נפשיו וכאשר יחלום הצמא והנה שותה והקיץ והנה עיף
16 ונפשו שקוקה כן יהיה המון כול הגואים הצבאים על הר ציון
17 9 התמהמהו ותמהו התשע‸ת‸שעו ושועו שכרון ולוא מיין נעוו ולשכר 10 כי
18 נסך עליכמה יהוה רוח תרדמה ויעצם את עיניכם את הנביאים ואת ראשיכם
19 החוזים כסה 11 ותהיה לכם חזות הכול כדברי הספר החתום אשר יתנו אותו
20 אל יודע ‸ה‸ספר לאמור קרא נא זה ויואמר לוא אוכל כי חתום הוא 12 ונתנו
21 הספר אל אשר לוא יודע ספר לאמור קרא נא זה ויואמר לוא ידעתי ספר
22 13 ויואמר אדוני יען כי נגש העם הזה בפיו ובשפתיו כבדתי ולבו
23 רחוק ממני ותהיה יראת אותי כמצות אנשים מלמדה 14 לכן הנה אנוכי יוסף
24 להפלה את העם הזה הפלה ופלה ואבדה חכמת חכמיו ובינות נבוניו
25 תסתתר 15 הוי המעמיקים מיהוה לסתר עצה ויהי
26 במחשך מעשיהם ויואמרו מי ר‸ו‸אנו ומי ידענו 16 הפך מכם אם כחם היוצר
27 יחשב כי יאמר מעשה לעושהו לוא עשני ויצר חמר ליוצריו לוא הבין 17 הלוא
28 עוד מעט מזער ושב לבנון לכרמל והכרמל ליער יחשב 18 ושמעו ביום
29 ההוא החרשים דברי ספר ומאפלה ומחושך עיני עורים תראינה 19 ויספו
30 ענוים ביהוה שמחה ואביוני אדם בקדוש ישראל יגילו 20 כי אפס עריץ
31 וכלה ליץ ונכרתו כול שוקדי און 21 מחטיאי אדם בדבר ולמוכיח בשער
Col. XXIV, Isaiah 29:21–30:20
1 יקשון ויטו בתהו צחיק
2 22 לכן כה אמר יהוה אל בית יעקוב אשר פדה את אברהם לוא עתה
3 יבוש יעקוב ולוא עתה פניו יחורו 23 כי בראותו ילדיו מעשה ידי בקרבו
4 יקדשו שמי והקדישו את קדוש יעקוב ואת אלוהי ישראל יעריצו
5 24 וידעו ‸ו‸תעי רוח בינה ורוגנים ילמדו לקח
6 30:1 הוי בנים סוררים נואם יהוה לעשות עצה ולוא ממני ולנסך מסכה
7 ולוא רוחי למען ספות חטאת על חטאת 2 ההולכים לרד‸ת‸ מצרים ופי
8 לוא שאלו לעוז במעוז פרעוה ולחסות בצל מצרים 3 והיה לכם מעוז פרעה
9 לבשת והחסות בצל מצרים לכמה 4 כי היה בצען שריו ומלאכיו חנס
10 יגיעו 5 כלה באש על עם לוא יועילו למו לוא לעזרה ולוא תועיל כי לבשת
11 וגם לחרפה
12 6 משא בהמות נגב בארץ צרה וציה וצוקה לביא וליש ואין מים
13 אפעה ושרף מעופף ישא על כתף עורים חילם ועל דבשת גמלים אוצרותם
14 על עם לוא יועילו 7 ומצרים הבל וריק יעזרו לכן קראתי לזואת רהב הם
15 שבת 8 עתה בוא כ‸ו‸תבהא על לוח אותם ועל ספר חקה ותהי ליום אחרון
16 לעד עד עולם 9 כי עם מרי הוא בנים כחשים בנים לוא אבו לשמוע תורת
17 יהוה 10 אשר אמרו לראים לוא תראו ולחוזים לוא תחזו לנו נכחות דברו
18 לנו חלקות חזו מתלות 11 תסורו מני דרך הטו מני ארח השביתו מפנינו
19 את קדוש ישראל
20 12 לכן כה אמר קדוש ישראל יען מאסכם בדבר הזה ותבטחו בעושק
21 ותעלוז ותשענו עליו 13 לכן יהיה לכם הע{{..}}‸וו‸ן הזה כפרץ נופל נבעה בחומה
22 נשגבה אשר פתאם לפתע יבוא שברה 14 ושברה כשבר נבל יוצרים כתות
23 לוא יחמ‸ו‸לו ולוא ימצא במכתתו חרש לחתות אש מיקוד ולחסוף מים
24 מגבה
25 15 כי כה אמר יהוה ‸אדוני‸ קדוש ישראל בשובה ונחת תושעון בהשקט ובבטחה
26 תהיה גבורתכם ולוא אביתם 16 ותאמרו לוא כי אל סוס ננוס על כן תנוסון
27 ואל קל נרכב על כן יקלו רודפיכם 17 אלף אחד מפני גערת אחד ומפני
28 חמשה תנוסו עד אם נות.תם כתרן על רא‸ו‸ש הר וכנס על הגבעה 18 ולכן
29 יחכה יהוה לחונכם ולכן ירום לרחמכם כיא אלוהי משפט יהוה
30 אשרי כול חוכי לו 19 כי עם בציון ישב ובירושלם בכו לוא
31 תבכו חנון יחונך יהוה לקול זעקך כשמועתו ענך 20 ונתן לכם אדוני
Col. XXV, Isaiah 30:20–31:4
1 לחם צר ומי לחץ ולוא יכנפו עוד מוראיך והיו עיניך
2 ראות את מוריך 21 ואוזניך תשמענה דבר מאחריך לאמור זה
3 הדרך לכו בו כי תיאמינו וכי תשמאילו 22 וטמיתם את צפוי
4 פסילי כספך ואת אפודות מסכות זהבך תזרם כמ. דוה צא תאמר
5 לו 23 ונתן מטר זרעך אשר תזרע את ‸ה‸אדמה ולחם תבואת האדמה
6 יהיה דשן ושמן ירעה מקניך ביום ההוא כר נרהב 24 והאלפים
7 והעירים עובדי האדמה בליל חמץ יאכלו אשר יזרה ברחת
8 ובמזרה 25 והיה על כול הר גבה ועל כול גבעה נשאה פלגים
9 יובלי מים בי‸ו‸ם הרג רב בנפל מגדלים 26 והיה אור הלבנה
10 כאור החמה ואור החמה יהיה שבעתים כאור שבעת
11 הימים ביום חבוש יהוה את שבר עמו ומחץ מכתו ירפא
12 27 הנה שם יהוה בא ממרחק בוער אפו וכבד משאה פתיו מלאו
13 זעם ולשונו כאש אוכלת 28 ורוחו כנחל שוטף עד צואר יחצה לנפה
14 גואים בנפת שוא ורסן מתעה על לוחי‸י‸ עמים 29 השיר ‸י‸היה לכמה
15 כליל התקדישו חג ושמחת לבב כהולך בחליל לבוא בהר יהוה
16 אל צור ישראל 30 השמיע השמיע יהוה את הוד קולו ונחת
17 זרועו יראה בזעף אף ולהב אש אוכלה נפץ וזרם ואבן ברד
18 31 כי מקול יהוה יחת אשור בשבט יאכה 32 והיה כול מעבר מטה
19 מוסדו אשר יניח יהוה עליו בתפים ובכנרות ובמלחמות תנופה
20 נלחם בה 33 כי ערוך מאתמול תפתח גם היה למלך יוכן הכיני
21 והעמיקי הרחיבי מדורתה אש ועצים הרבה נשמת יהוה
22 כנחל גפרית בערה בה
23 31:1 הוי היורדים למצרים לעזרה על סוסים ישענו ויבטחו על
24 הרכב כי רב ועל פרשים כי עצמו מאדה ולוא שעו אל קדוש
25 ישראל ואת יהוה לוא דרשו 2 וגם הוא חכם ויביא רע
26 ואת דבריו לוא הסיר וקם על בית מרעים ועל עזרת פועלי און
27 3 ומצרים אדם ולוא אל וסוסיהמה בשר ולוא רוח
28 ויהוה יטה ידו וכשל עוזר ונפל עזר יחדו כולם יכלו‸י‸ן
29 4 כי כה אמר יהוה אלי כאשר יהגה ‸ה‸אריה והכפיר על טרפיו
30 אשר יקרא עליו מלאו ‸ו‸רעים מקולם לוא יחת ומהמונם לוא
31 יחת יענה כן ירד יהוה צבאות לצבא על הר ציון ועל גבעתה
Col. XXVI, Isaiah 31:5–33:1
1 31:5 כצפורים עפות כן יגן יהוה צבאות על ירושלם גנון
2 והציל ופסח והקליט 6 שוביו לאשר לאשר העמיקו סרה
3 בני ישראל
4 7 כי ביום ההוא ימאסון איש אלילי כספו ואלילי זהבו
5 אשר עשו לכם ידיכם חטא 8 ונפל אשור בחרב לוא איש
6 וחרב לוא‸א‸דם תאכולנו ונס ולוא מפני חרב ובחוריו למס
7 יהיו 9 וסלעו ממגור יעבור וחתו מניס שריו נואם יהוה
8 אשר אור לו בציון ותנור לו בירושלם
9 32:1 הנה לצדק ימלוך מלך ולשרים למשפט ישרו 2 והיה איש
10 כמחבה רוח וסתרם זרם כפלגי מים בציון בצל סלע כבד
11 בארץ עיפה 3 ולוא תשענה עיני ראים ואזני שומעים
12 תקשבנה 4 ולבב נמהרים יבין לדעת ולשון עלגים תמהר
13 לדבר צוחות 5 לוא יקראו עוד לנבל נדיב ולכילי לוא
14 יואמר שוע 6 כי נבל נבלה ידבר ולבו חושב און לעשות חנף
15 ולדבר אל יהוה תועה להריק נפש רעב ומשקה צמא יחסיר
16 7 וכילי כליו רעים והוא זמות יעץ לחבל ענוים באמרי
17 שקר ובדבר אביונים משפט 8 ונדיב נדיבות יעץ והוא
18 על נדיבות יקום
19 9 נשים ש‸א‸ננות קומנה שמענה קולי בנות בוטחות האזינה
20 אמרתי 10 ימים על שנה תרגזנה הבוטחות כי כלה בציר אסף
21 בל יבוא 11 חרדו שאננות רגזה בוטחות פשטה וערו חגרנה
22 וספדנה על החלצים 12 על שדים סופדים על שדי חמדה
23 על גפן פריה 13 על אדמת עמי קוץ ושמיר תעלה כי על כול בתי
24 משוש קריה עליזה 14 כי ארמון נטש המון עיר עזב עופל ובחן
25 היה בעד מערות עד עולם משוש פראים מרעה לעדרים
26 15 עד יערה עלינו רוח ממרום והיה מדבר לכרמל וכרמל ליער
27 יחשב 16 ושכן במדבר משפט וצדקה בכרמל תשב 17 והיה
28 מעשה הצדקה לשלום ועבודת הצדקה השקט ובטח
29 עד עולם 18 וישב עמי בנוה שלום ובמשכנות מבטחים
30 ובמנוחות שאננות 19 וברד ברדת היער ובשפלה תשפל היער
31 20 אשריכמה זורעי על כול מים ומשלחי רגל השור והחמור
32 33:1 הוי שודד ואתה לוא שדוד ובוגד ולוא בגדו בו כהתמכך
Col. XXVII, Isaiah 33:1–24
1 שודד תושד ככלותך לבגוד יבגודו בך
2 2 יהוה חוננו לכה קוינו והיה זרעם לבקרים אף
3 הושעתנו בעת צרה 3 מקול המון נדדו עמים מדממתך נפצו
4 גוים 4 ואסף שללכם אסף החסיל משק גבים שקק בו 5 נשגב
5 יהוה כי שכן מרום מלא ציון משפט וצדקה 6 יהיה אמונת
6 עתיך חסן וישועות חכמת ודעת יראת יהוה היא אוצרו
7 7 הן ארא לם זעקו חצה מלאכי שלום מר יבכיון 8 נשמו מסלות
8 שבת עובר ארח הפר ברית מאס עדים לוא חשב אנוש 9 אבל
9 אמללה ‸ה‸ארץ חפיר לבנון קמל והיה השרון כערבה נוער
10 בשן וכרמל
11 10 עתה אקום אמר יהוה עתה אתרומם עתה הנשא 11 תהרו
12 חששה תלדו קש רוחכם אש תאכלכם 12 ויהיו עמים משרפות
13 שיד קוצים כסוחים באש יצתו 13 שמעו רחוקים אשר עשיתי
14 ידעו קרובים גבורתי 14 פחדו בציון חטאים אחזה רעדה
15 חנפים מי יגור לנו אש אוכלה מי יגור לנו מוקדי עולם 15 ‸ו‸הלך
16 צדקות וידבר מישרים מאס בבצע מעשקות נער כפי מתמך
17 בשחוד אוטם או.ניו משמוע דמים ועצם עיניו מראות
18 ברע 16 הוא מרומים ישכון מצדות סלעים משגבו לחמו נתן
19 מימיו נאמנים 17 מלך ביופיו תחזיון עיניך תראינה ארץ
20 מרחקים 18 לבכה יהגה אימה איה ספר איה שקל איה ספר
21 את ‸ה‸מגדלים 19 את עם נועז לוא תראו עם עמקי שפה משמוע
22 נלעג לשון אין בינה 20 חזה ציון קרית מועדינו עיניך
23 תראינה ירושלם נוה שאנן אהל בל יצען בל יסע יתדותו
24 לנצח וכול חבליו בל ינתקו 21 כי אם שם אדיר יהוה
25 לנו מקום נהרות יארים רחבי ידים בל תלב בו אני שט
26 וצי אדיר לוא יעברנו 22 כי יהוה שופטנו ויהוה מחוקקנו
27 ויהוה מלכנו והוא יושיענו 23 נטשו חבליך בל יחזקו כי
28 תרנם בל פרש נס אז חלק עד שלל מרובה פסחים בזזו בז
29 24 ובל יואמר שוכן חליתי העם היושב בה נשא עוון
Col. XXVIII, Isaiah 34:1–36:2
1 34:1 קרובו גואים לשמוע ולאומים הקשיבו תשמע הארץ ומלואה תבל וכול צאצאיה
2 2 כיא קצף ליהוה על כול הגואים וחמה על כול צבאם החרימם ונתנם לטב‸ו‸ח 3 וחלליהם
3 יושלכו ופגריהמה יעלה באושמה ונמסו ההרים מדמם 4 והעמקים יתבקעו וכול צבא
4 השמים יבולו ונגלו כספר השמים וכול צבאם יבול כנובל עלה מגופן וכנובלת מן
5 תאנה 5 כיא תראה בשמים חרביא הנה על אדום תרד ועל עם חרמי למשפט 6 חרב
6 ליהוה מלאה דם הדשנה מחלב מדם כרים ועתודים מחלב כלאיות אילים כיא
7 זבח ליהוה בבוצרה וטבח גדול בארץ אדום 7 וירדו ראמים עמם ופרים עם
8 אבירים ורותה ארצמה מדם ועפרם מחלב ידשן 8 כיא יום נקם ליהוה שנת
9 שלומים לריב ציון 9 ונהפכו נחליה לזפת ועפרה לגפרית והייתה ארצה לזפת
10 ובערה 10 לילה ויומם ולוא תכובה לעולם יעלה עשנה מדור לדור ותחרב לנצח נצחים
11 ואין עובר בהא 11 וירשוהה קאת וקפוד וינשוף ועורב ישכונו בהא ונטא עליהא
12 קו ותהו ואבני בהו 12 וחריה ואין שמה מלוכה יקראו וכול שריה יהיו כׅ̇אפס 13 ועלתה
13 ארמ‸ו‸נותיה סירים קמוש וחוח במבצריהא והייתה נוה תנים חצר לבנות יענה
14 14 ופגשו ציים את אייאמים ושעיר על רעהו יקרא אך שמה ירגיעו ליליות ומצאו
15 להמה מנוח 15 שמה קננה קופד ותמלט ובקעה ודגרה בצלה אך אך שמה נקבצו
16 דיות אשה רעותה
17 16 דרושו מעל ספר יהוה וקראו ואחת לוא נעדרה אשה רעותה כיא פיהו הוא צוה
18 ורוחהו הואה קבצ. 17 והואה הפיל להנה גורל וידיו חלקת להמׅ̇‸נ‸ה בקו עד עולם ירשוה
19 לדור ודור ישכנו בה 35:1 יששום מדבר וציה ותגל ערבה ותפרח כחבצלת 2 פרח תפרח ותגל אף גילת ורנן כבוד לבנון
20 נתן לה הדר הכרמל והשרון המה יראו כבוד יהוה הדר אלהינו
21 3 חזקו ידים רפות וברכים כושלות אמצו 4 אמרו לנמהרי לב חזקו אל תיראו ה.ה
22 אלוהכמה נקם יבוא גמול אלוהים הואה יבוא ויושעכמה 5 אז תפקחנה עיני עורים
23 ואוזני חרשים תפתחנה 6 אז ידלג כאיאל פסח ותרון לשון אלם כיא נבקעו במדבר
24 מים ונחלים בערבה ילכו 7 והיה השרב לאגם וצמאון למבועי מים בנוה תנים
25 רבץ חציר לקנה וגומה 8 והיה שמה שמה מסולל ודרך הקודש יקראו לה לוא יע‸ו‸בורנה ‸טמה‸
26 הואה ולמו הולך דרך ואוילים לוא יתעו 9 לוא יהיה שמה אריה ופריץ חיות בל לוא
27 יעלנה ולוא ימצא שם והלכו גאולים 10 ופדויי יהוה ישובו ובאו ציון ברינה ושמחת
28 עולם על ראושם ששון ושמחה ישיגובׅ̇הׅ̇ ונס יגון ואנחה
29 36:1 ויהי בארבע עשרה שנה למלך חזקיה עלה סנחריב מלך אשור על כול ערי יהודה
30 הבצורות ויתפושם 2 וישלח מלך אשו את רב שקה מלכיש ירושלים אל המלך
31 חזקיה בחיל כבד מאודה ויעמוד בתעלת הברכה העליונה במסלת שדי כובס
Col. XXIX, Isaiah 36:3–20
1 36:3 ויצא אליו אליקים בן חלקיה אשר על הבית ושובנא הסופר
2 ויואח בן אסף המזכיר 4 ויואמר אליהמה רב שקה אמורו נא
3 אל חזקיה מׅ̇לׅ̇ךׅ̇ יׅ̇הׅ̇וׅ̇דׅ̇הׅ̇ כוה אמר המלך הגדול מלך אשור מה
4 הבטחון הזה אשר אתה בטחתה בו 5 אמרתה אך דבר שפתים
5 עצה וגבורא למלחמה עתה על מיא בטחתה כיא מרדתה ביא 6 הנה
6 בטחתה על משענת הקנה הרצוץ הזה על מצרים אשר יסמך
7 איש עליו ובא בכפו ונקבה כן פרעוה מלך מצרים לכול הבוטחים
8 עליו 7 וכיא תואמרו אלי על יהוה אלוהינו בטחנו הלוא הואה אשר
9 הסיר חזקיה את במותיו ואת מזבחותיו ויואמר ליהודה ולירושלים
10 לפני המזבח הזה תשתחוו בׅׄיׅׄרׅׄוׅׄשׅׄלׅׄיׅׄםׅׄ 8 ועתה התערבונא את אדוני
11 המלך אשור ואתנה לכה אלפים סוסים אם תוכל לתת לכה רוכבים
12 עליהמה 9 ואיכה תשיב את פני פחת אחד מעבדי אדוני הקטנים
13 ותבטח לכם על מצרים לרכב ולפרשים 10 ועתה המבלעדי יהוה עליתי
14 על הארץ הזואת להשחיתה יהוה אמר אלי עלה אל הארץ הזות
15 להשחיתה 11 ויואמרו אליו אליקים וש‸ו‸בנא ויואח דברנא עם עבדיך
16 ‸עמנו‸ ארמית כיא שומעים אנחנו ואל תדבר את הדברים האלה באוזני
17 האנשים היושבים על החומה 12 ויואמר רב שקה האליכמה ועל
18 אדוניכמה שלחני אדוני לדבר את הדברים האלה הלוא על האנשים
19 היושבים על החומה לאכול את חריהמה ולשתות את שיניהמה
20 עמכמה 13 וי…ד רב השקה ויקרא בקול גדול יהודית ויואמר
21 שמעו את דברי המלך הגדול מלך אשור 14 כוה אמר מלך אשור אל ישא
22 לכמה יחזקיה כיא לוא יוכל להציל אתכמה 15 ואל יבטח אתכמה חיזקיה
23 אל יהוה לאמור הצל יצילנו יהוה ולוא תנתן העיר הזואת ביד
24 מלך אשור 16 אל תשמעו אל חיזקיה כיא כוה אמר מלך אשור עשו אתי
25 ברכה וצאו אלי ואכולו איש את גפנו ואיש את תנתו ושתו איש מי
26 בורו 17 עד בואי ולקחתי אתכמה אל ארץ כארצכמה אל ארץ דגן
27 ותירוש ארץ לחם וכרמים 18 פ. יסית אתכמה חיזקיה לאמור
28 יהוה יצילנו ההציל. .לוהי הגואים איש ארצו מיד מלך אשור
29 19 איה אלוהי חמת וארפד איה אלוהי ספרוים וכיא ההצילו את
30 שומרון מידי 20 מיא בכול אלוהי הארצות האלה אשר הצילו את ארצם
Col. XXX, Isaiah 36:20–37:24
1 מידי כיא יציל יהוה את ירושלים מידי 21 והחרישו ולוא ענו אותוה דבר כיא מצות
2 המלך ה.ה לאמור לוא תענוהו
3 22 ויבוא אליקים בן חלקיה אשר על הבית ושובנא הסופר ויואח בן אסף המזכיר אל
4 חיזקיה קרועי בגדים ויגידו לוא את דברי רב שקה 37:1 ויהי כשמוע חיזקיה המלך
5 ויקרע את בגדיו ויתכס בשק ויבוא בית יהוה 2 וישלח את אליקים אשר על הבית
6 ואת שובנא הסופר ואת זקני הכוהנים מתכסים בשקים אל ישעיה בן אמוץ הנביא
7 3 ויואמרו אליו כוה אמר יחזקיה יום צרה ותוכחה ונאצה היום הזה כיא באו בנים
8 עד משבר וכוח אין ללדה 4 אולי ישמע יהוה אלוהיכה את דברי רב שקה אשר שלחו
9 מלך אשור אדוניו לחרף אלוהים חי והוכיח בדברים אשר שמע יהוה אלוהיכה ונשאת‸ה‸
10 תפלה בעד השארית הנמצאים בעיר הזואת 5 ויבואו עבדי המל‸ך‸ יחיזקיה אל ישעיה
11 6 ויואמר להמה ישעיה כוה תואמרו אל אדוניכמה כוה אמר יהוה אל תירא מפני הדברי‸ם‸
12 אשר שמעתה אשר גדפו נערי מלך אשור אותי 7 הנני נותן רוח בוא ושמע שמועה ושב לארצו והפלתיו ‸בחרב בארצו‸
13 8 וישוב רב שקה וימצא את מלך אשור נלחם על לבנה כיא שמע כיא נסע מלכיש 9 וישמע
14 אל תרהקה מלך כוש לאמור יצא להלחם אתכה וישמע וישוב וישלח מלאכים אל
15 יחיזקיה לאמור 10 כוה תומרו אל חיזקיה מלך יהודה לאמור אל ישייכה אלוהיכה
16 אשר אתה בוטח בוא לאמור לוא תנתן ירושלים ביד מלך אשור 11 הנה אתה שמעתה את
17 אשר עשו מלכי אשור לכול הארצות להחרימם ואתה תנצל 12 ההצילו אותם אלוהי
18 הגואים אשר השחיתו אבותי את גוזן ואת חרן ורצף ובני עדן אשר בתלשר 13 איה
19 מלך חמת ומלך ארפד ומלך לעיר וספרוים ונע ועוה ושומרון
20 14 ויקח חיזקיה את הספרים מיד המלאכים ויקראם ויעלה בית יהוה ויפרושה
21 ‸חיזקיה‸ לפני יהוה 15 ויתפלל חיזקיה אל יהוה לאמור 16 יהוה צבאות אלוהי ישראל יושב
22 הכרובים אתה הואה האלוהים לבדכה לכול ממלכות הארץ אתה עשיתה את השמים
23 ואת הארץ 17 הטא יהוה אוזנכה ושמעה פקח יהוה עיניכה וראה ושמע את כול דברי
24 סנחריב אשר שלח לחרף אלוהים חי 18 אמנם יהוה החריבו מלכי אשור את כול
25 הארצות 19 ויתנו את אלוהיהמה באש כיא לוא אלוהים המה כיא אם מעשי ידי
26 אדם עץ ואבן ויאבדום 20 ועתה יהוה אלוהינו אושיענו מידו וידעו כול
27 ממלכות הארץ כיא אתה יהוה אלוהים לבדכה
28 21 וישלח ישעיה בן אמוץ על יחיזקיה לאמור כוה אמר יהוה אלוהי ישראל אשר
29 התפללתה אליו אל סרחריב מלך אשור 22 זה הדבר אשר דבר יהוה עליו בזה לכה
30 לעגה לכה בתולת בת ציון אחריכה ראושה הניעה בת ירושלים 23 את מיא חרפתה
31 וגדפתה ועל מיא הרימותה קול ותשא מרום עיניכה אל קדוש ישראל 24 ביד
Col. XXXI, Isaiah 37:24–38:8
1 עבדיכה חרפתה אדוני ותומר ברוב רכבי אני עליתי מרום הרים ירכתי
2 לבנון ואכרותה קומת ארזיו מבחר ברושיו ואבוא מ..ם קצו יער כרמליו 25 אני
3 קראתי ושתיתי מים זרים ואחריבה בכף פעמי כול יארי מצור 26 הלוא שמעתה
4 למרחוק אותה עשיתי מימי קדם יצרתיה עתה הביאותיה ותהי לשאוות
5 גלים נצורים ערים בצורות 27 ויושביהנה קצרי יד חתו וישׅ̇ב‸ש‸ו היו עשב שדה
6 ירק דשה חציר גגות הנשדף לפני קד‸י‸ם קומכה 28 ושבתכה וצאתכה ובואכה
7 ידעתיא ואת הרגזכה אלי 29 וש‸א‸ננכה עלה באוזני ושמתי חחי באפכה ומתגי
8 בשפאותיכה והשיבותיכה בדרך אשר בתה בה 30 וזה לכה האות אכולו
9 השנה ספיח ובשנה השנית שעיס ובשנה השלישית זרעו וקצורו ונטוע
10 כרמים ואכולו פרים 31 ואספה ‸פליטת בית יהודה‸ והנמצא שורש למטה ועשה פרי מעלה 32 כיא
11 מציון תצא שארית ופליטא מירושלים קנאת יהוה צבאות תעשה זואת
12 33 לכן כוה אמר יהוה אל מלך אשור לוא יבוא אל העיר הזאות ולוא
13 ישפוך עליהא סוללה ולוא ירא שם חץ ולוא יקדמנה מגן 34 בדרך אשר בא
14 באה ישוב ואל העיר הזואת לוא יבוא נאום יהוה 35 וגנותי על העיר הזואת
15 להושיעה למעני ולמען דויד עבדי
16 36 ויצא מלאך יהוה ויך במחנה אשור מאה ושמונים וחמשא אלף וישכימו בבוקר
17 והנה כולם פגרים מיתים 37 ויסע וילך וישוב סנחריב מלך אשור וישב בנינוה
18 38 ויהי הואה משתחוה בבית נסרך אלוהיו ואדרמלך ושראיצר בניו הכהו בחרב
19 והמה נמ.טו ארץ הוררט וימלוך אסרחודן בניו תחתיו
20 38:1 בימים ההמה חלה יחיזקיה למות ויבוא אליו ישעיה בן אמוץ הנביא ויואמר
21 אליו כוה אמר יהוה צוי לביתכה כיא מית אתה ולוא תחיה 2 ויסוב יחיזקיה
22 פניו אל הקיר ויתפלל אל יהוה 3 ויואמר אנה יהוה זכורנא את אשר ה‸תה‸לכתי לפניכה
23 באמת ובלבב שלם והטוב בעיניכה עשיתי ויבכא יחיזקיה בכי גדול
24 4 ויהי דבר יהוה אל ישעיה לאמור 5 הלוך ואמרתה אל יחיזקיה כוה אמר יהוה
25 אלוהי דויד אביכה שמעתי את תפלתכה וראיתי את דמעתכה הנני יוסף על
26 ימיכה חמש עשרה שנה 6 ומכף מלך אשור אצילכה ואת ה… הזואת וגנותי
27 על העיר הזואת למעני ולמען דויד עבדי 7 וזה לכה האות מאת יהוה אשר יעשה
28 יהוה את הדבר הזה אשר דבר 8 הנני משיב את צל המעלות אשר ירדה במעלות
29 עלות אחז את השמש אחורנית עשר מעלות ותשוב השמש עשר מעלות במעלות
Col. XXXII, Isaiah 38:8–40:2
1 אשר ירדה 9 מכתב ליחיזקיה מלך יהודה בחוליותיו ויחי מחוליו
2 10 אני אמרתי בדמי ‸ו‸ימי אלכה בשערי שאול פקודתי י.ר שנותי 11 אמרתי לוא
3 אראה יה בארץ חיים ולוא אביט אדם עוד עם יושבי חדל 12 דורי נסע
4 וכלה מני כאוהל רעי ספרתי כאורג חיי מדלה יבצעני מיום עד לילה תשלימני
5 13 שפותי עד בוקר כארי כן ישבור כול עצמותי מיום עד לילה תשלימני
6 14 כסוס עוגר כן אצפצף אהגה כיונא דלו עיני למרום אדוני עושקה לי
7 וערבני 15 מה אדבר ואומר ליא ‸ו‸הואה עשה ליא אדודה כול שנותי על מור
8 נפשיא 16 אדוני עליהמה יחיו ולכול בהמה חיו רוחו ותחלימני והחיני
9 17 הן לשלום מר ליא מאודה ואתה חשקתה נפשי משחת כלי כיא השלכתה
10 אחרי גוכה כול חטאי 18 כיא לוא שאול תודכה ולוא מות יהללכה ולוא ישברו
11 יורדי בור אל אמתכה 19 חי חי הוא יודכה כמוני היום אב לבנים יודיע
12 אל אמתכה 20 יהוה להושיעני חי חי יודך כמוני היום אב לבנים
13 והודיע אלוה אמתך יהוה להושיעני ונגנותי ננגן כול ימי
14 חיינו על בית יהוה 21 ויאומר ישעיהו דבלת תאנים וימרחו על השחין ‸ויחי 22 ויאמר חזק‸י‸ה מה אות כיא עלה בית יהוה‸
15 39:1 בעת ההיא שלח מרודך בלאדון בן בלאדון מלך בבל ספרים ומנחה אל
16 יחיזקיה וישמע כיא חלה ויחיה 2 וישמח עליהמה יחיזקיה ויראם
17 את כול בית נכתיו את הכסף ואת הזהב ואת הבשמים ואת השמן הטוב
18 ואת כול בית כליו ואת כול אשר נמצא באוצרותיו לוא היה דבר אשר לוא
19 הראם יח‸י‸זקיה בביתו ובכול ממלכתו
20 3 ויבוא ישעיה הנביא אל ‸ה‸מלך יחיזקיה ויואמר אליו מה אמרו האנשים
21 האלה ומאין יבואו אליכה ויואמר יחיזקיה מארץ רחוקה באו אלי מבבל
22 4 ויואמר מה ראו בביתכה ויואמר יחיזקיה את כול אשר בביתי ראו לוא היה
23 דבר אשר לוא הראיתים באוצרותי
24 5 ויואמר ישעיה אל יחיזקיה שמע דבר יהוה צבאות 6 הנה ימים באים
25 ונשאו כול אשר בביתכה ואשר אצרו אבותיכה עד היום הזה בבל יביאו
26 ולוא יותר דבר אמר יהוה 7 ומבניכה אשר יצאו ממעיכה אשר תוליד יקחו
27 ויהיו סריסים בהיכל מלך בבל 8 ויואמר יחיזקיה אל ישעיה טוב
28 דבר יהוה אשר דברתה ויואמ‸ר‸ כיא יהיה שלום ואמת בימי
29 40:1 נחמו נחמו עמי יואמר אלוהיכמה 2 דברו על לב ירושלים וקראו אליהא
Col. XXXIII, Isaiah 40:2–28
1 כיא מלא צבאה כיא נרצא עוונה כיא לקחה מיד יהוה כפלים בכול
2 חטאותיה 3 קול קורא במדבר פנו דרך יהוה וישרו בערבה
3 מסלה לאלוהינו 4 כול גי ינשא וכול הר וגבעה ישפלו והיה העקב למישור
4 והרוכסים לבקעה 5 ונגלה כבוד יהוה וראו כול בשר יחדיו כיא פיא
5 יהוה דבר
6 6 קול אומר קרא ואומרה מה אקרא כול הבשר חציר וכול חסדיו כציץ
7 השדה 7 יבש חציר נבל ציץ וׅ̇דׅ̇בׅ̇רׅ̇ ‸כי רוח ….‸ אלוהינו ‸נשבה בוא‸
8 יקום לעולם ‸הכן חציר העם 8 יבש חציר‸י‸ נבל צ.ץ ודבר אלוהינו‸
9 9 על הר גבה עלי לכי מבשרת ציון הרימי בכוח קולך מבשרת ירושלים
10 הרימי אל תיראי אמ‸ו‸רי לערי יהודה הנה אלוההכמה 10 הנה אדוני יהוה
11 בחוזק יבוא וזרועו משלה לוא הנה שכרו אתו ופעלתיו לפניו 11 כרועה
12 עדרו ירעה בזרועו יקבץ טלים ובחיקוה ישא עולות ינהל
13 12 מיא מדד בשועלו מי ים ושמים בזרתו תכן וכל בשליש עפר הארץ ושקל
14 בפלס הרים וגבעות במוזנים 13 מיא תכן את רוח יהוה ו‸איש‸עצתו יודיענה 14 את
15 מי נועץ ויבינהו וילמדהו באורח משפט וילמדהו דעת ודרך תבונות יודי..
16 15 הן גואים כמר מדלי וכשחק מזנים נחשבו הן איים כדק ייטול 16 ולבנון
17 אין די בער וחיתו אין די עולה
18 17 כול הגואים כאין נגדו וכאפס ותהוו נחשבו לו 18 ואל מיא תדמיוני אל
19 ומה דמות תערוכי לי 19 הפסל ויעשה מסך חרש וצורף בזהב וירקענו ורתקות
20 כסף צורף 20 המסכן תרומה עץ לוא ירבק יבחר חרש חכם ובשקלו להוכין פסל
21 לוא ימוט 21 הלוא תדעו הלוא תשמעו הלוא הוגד מרוש לכמה הלוא הבינותמה
22 מוסדות ארץ 22 היושב על חוג הארץ ויושביהא כחגבים הנוטה כדוק
23 שמים וימתחם כאוהל לשבת 23 הנותן רוזנים לאין שופטי ארץ כתהו עשה
24 24 אף בל נטעו אף בל זרעו אף בל שרשו בארץ גזעם גם ‸נ‸עשף בהמה וייבשו
25 וסערה כקש תשאם
26 25 אל מיא תדמיוני ואשוא יואמר קדוש 26 שאו מרום עיניכמה וראו מי ברא
27 אלה המוציא במספר צבאם לכולם בשם יקרא מרוב אונים ואמץ כוחו
28 ואיש לוא נעדר
29 27 למה תאומר יעקוב ותדבר ישראל נסתרה דרכי מיהוה ומאלוהי משפטי
30 יעבור 28 הלוא ידעתה אם לוא שמעתה אלוהי עולם יהוה בורא קצוות הארץ
Col. XXXIV, Isaiah 40:28–41:23
1 לוא יעף ולוא יגע ואין חקר לתבונתיו 29 הנותן ליעף כוח ולאין אונים עוצמה
2 ירבה 30 ויעפו נערים ויגעו ובחורים כשול יכשולו 31 וקוי יהוה יחליפו כוח ויעלו
3 אבר כנשרים ירוצו ולוא ייגעו ילכו ולוא יעופו
4 41:1 החרישו אלי איים ולאומים יחליפו כוח יגושו אז ידברו יחדיו למשפט נקרבה
5 2 מי העיר ממזרח צדק ויקראהו לרגליו ויתן לפניו גואים ומלכים יוריד ויתן
6 כעפר חרבו כקש נידף קשתו 3 וירדפם ויעבור שלום אורח ברגליו לוא יבינו 4 מיא
7 פעל ועשה קורה הדורות מרואש אני יהוה רישון ואת אחרונים אני הואה
8 5 ראו איים ויראו קצאוות הארץ יחדו קרבו ואתיון 6 איש את רע‸י‸הו יעזורו
9 לאחיהו יואמר חזק 7 ויחזק חרש את צורף מחליק פלטיש את אולם פעם יואמר
10 לדבק טוב הואה ויחזקהו במסמרים לוא ימוט
11 8 ואתה ישראל עבדי יעקוב אשר בחרתיכה זרע אברהם אוהבי 9 אשר החזקתיכה
12 מקצוות הארץ ומאציליהא קראתיכה וא‸ו‸מרה לכה עבדי אתה בחרתיכה ולוא
13 מאסתיכה 10 אל תירא כיא עמכה אני אל תשתע כיא אני אלוהיכה אמצתיכה
14 אף עזרתיכה אף תמכתיכה בימין צדקי 11 ‸הן‸ יבושו ויכלמו כול הנחרים בכה יובדו
15 כול אנשי ריבכה
16 12 ואנשי מצתכה יהיו כאין וכאפס אנשי מלחמתכה 13 כיא אני יהוה אלוהיכה
17 מחזיק ימינכה האומר לכה אל תירא אני עזרתיכה 14 אל תיראי תולעת יעקוב
18 ומיתי ישראל אני עזרתיכה נאום יהוה וגואלכה קדוש ישראל 15 הנה שמתיכה
19 למורג חרוץ חדש בעל פי פיות תדוש הרים ותדק וגבעות כמוץ תשים 16 תזרם ורוח
20 תשאם וסערה תפיץ אותמה ואתה תגיל ביהוה ובקדוש ישראל תתהלל
21 17 העניים האביונים המבקשים מים ואין לשונמה בצמה נשתה אני יהוה אענם
22 אלוהי ישראל לוא אעזובם 18 אפתחה על שפאים נהרות ובתוך בקעות מעינים
23 אשימה המדבר לאגם מים וארץ ציאה למוצאי מים 19 אתנה במדבר ארז שטה
24 והדס ועץ שמן אשימה בערבה בראוש תרהר ותאשור יחדו 20 למען יראו
25 וידעו ויבינו ‸⸱וישימו⸱‸ וישכילו יחדיו כיא יד יהוה עשתה זואת וקדוש ישראל
26 בראה 21 קרבו ריבכמה יואמר יהוה הגישו עצמותיכמה
27 יואמר מלך יעקוב 22 יגישו ויגידו לנו את אשר תקראון הראישונות מה הנה
28 הגידו ונשימה לבנו ונדעה או אחרונות או הבאות השמיעונו 23 הגידו
Col. XXXV, Isaiah 41:23–42:17
1 האותיות ‸ל‸אחור ונדעה כיא אלוהים אתמה אף תיטיבו ותרעו
2 ונשמעה ונראה יחדיו 24 הנה אתמה מאין ופועלכמה תועבה יבחר
3 בכמה 25 העירות מצפון ויאתיו ממזרח שמש ויקרא בשמו ויבואו
4 סגנים כמו חמר וכמו יוצר וירמוס טיט 26 מיא הגיד מרוש ונדעה
5 מלפנים ונאומרה צדק אף אין מגיד אף אין משמיע אף אין שומע
6 אמריכמה
7 27 רישון לציון הנה הנומה ולירושלים מבשר אתן 28 ואראה ואין איש ומאלה
8 ואין יועץ אשאלם וישיבו דבר 29 הנה כולם אין ואפס מעשיהמה רוח
9 ותוהו נס‸י‸כיהמה
10 42:1 הנה עבדי אתמוכה בו בחירי רצתה נפשי נתתי רוחי עליו ומשפטי
11 לגואים יוציא 2 לוא יזעק ולוא ישא ולוא ישמיע בחוץ קולו 3 קנה רצוץ
12 לוא ישבור ופשתה כהה לוא יכבה לאמת יוציא משפט 4 ולוא יכהה ולוא
13 ירוץ עד ישים בארץ משפט ולתורתיו איים ינחילו
14 5 כוה אמר האל האלוהים בורה השמים ונוטיהמה רוקע הארץ
15 וצאצאיה נותן נשמה לעם עליהא ורוח להולכים בה 6 אני קׅ̇רׅ̇תׅ̇יכה
16 בצדק ואחזיקה בידכה ואצורכה ואתנכה לברית עם לאור גואים
17 7 לפקוח עינים עורות להוציא ממ.גר אסיר ומבית כלא יושבי חושך
18 8 אני יהוה הואה ושמי וכבודי לאחר לוא אתן ותהלתי לפסילים 9 הרישונות
19 הנה באו והחדשות אני מגיד בטרם תצמחנה אשמיע אתכמה
20 10 שירו ליהוה שיר חדש ותהלתו מקצה הארץ יורדי הים ומל‸ו‸או איים
21 ויושביהם 11 ישא מדבר עריו וח.רים תשב קדר וירונו יושבי סלע
22 מראוש הררים יצריחו 12 ישימו ליהוה כבוד ותהלתו באיים יגידו
23 13 יהוה כגבור יצא כאיש מלחמות יעיר קנאה יודיע אף יצריח
24 על אויביו יתגבר 14 אחשיתי אך מעולם אחריש אתאפקה כיולדה
25 אפעה אשמה ואשופה יחדיו 15 אחריבה הרים וגבעות וכול עשבם
26 אוביש ושמתי נהרות לאיים ואגמים אוביש 16 והוליכתי עורים בדרך
27 ולוא ידעו בנתיבות לוא ידעו אדריכם אשימה מהשוכים לפניהמה לאור
28 ומעקשים למישור אלה הדברים עשיתים ולוא עזבתים 17 נסגו אחור יבושו
29 בושת הבוטחים בפסל האמרים למסכה אתמה אלוהינו
Col. XXXVI, Isaiah 42:18–43:20
1 42:18 החרשים שמעו והעורי. הביטו לראות 19 מי עור כיא אם עבדי וחרש כמלאכי
2 אשלח מי עואר כמשלם ועואר כעבד יהוה 20 ראיתה רבות ולוא תשמור פתחו
3 אוזנים ולוא ישמע 21 יהוה חפץ למען צדקו ויגדל תורה ויאדרהה 22 והואה
4 עם בזוז ושסוי הפח בחורים כולם ובבתי כלאים הוחבאו היו לבז ואין מציל
5 למשיסה ואין אומר השב 23 מיא בכמה ויאזין זואת ויקשב וישמע לאחור 24 מיא
6 נתן למשיסה יעקוב וישראל לבוזזים הלוא יהוה זה חטאנו לו ולוא אבו
7 בדרכיו להלוך ולוא שמעו בתורתיו 25 וישפוך עליו חמת אפוא ועוזז מלחמה ותלהטהו
8 מסביב ולוא ידע ותבער בו ולוא ישים על לב
9 43:1 ועתה כוה אמר יהוה בורא‸י‸כה יעקוב ויוצר‸י‸כה ישראל אל תירא כיא גאלתיכה
10 קראתי בשמכה לי‸א‸ אתה 2 כיא תעבור במים אתכה אני ובנהרות לוא ישטפוך
11 כיא תלך במו אש לוא תכוה ולהבה לוא תבער בכה
12 3 אני יהוה אלוהיכה קדוש ישראל ‸גואלך‸ ונתתי מצרים כופרך כוש וסבאים תחתיכה
13 4 מאשר יקרתה בעיני נכבדתה ואני אהבתיכה אתן ‸ה‸אדם תחתיכה ולאומים תחת
14 נפשכה 5 אל תירא כיא אתכה אני ממזרח אביא זרעכה וממערב אקבצכה 6 אומר
15 לצפון תני ולתימן אל תכלאי הביאי בני מרחוק ובנותי מקצוי הארץ 7 כול
16 הנקרא בשמי ולכבודי בראתיהו יצרתיהו אף עשיתיהו 8 הוציאו עם עואר
17 עינים יש וחרשים ואוזנים למו 9 כול הגואים נקבצו יחדיו ויאספו לאומים
18 מי בהמה ויגידו זואת ורישונות ישמיעו יתנו עדיהמה ויצדקו וישמיעו
19 ויואמרו אמת 10 אתמה עדי נואם יהוה עבדי אשר בחרתי למען תדעו ותאמינו
20 ליא ותבינו כיא אני הואה לפני לוא נוצר אל ואחרי לוא היה
21 11 אנוכי אנוכי יהוה ואין מבלעדי מושיע 12 אנוכי הגדתי והושעתי והשמעתי ואין
22 בכמה זר ואתמה עדי נואם יהוה אני אל 13 גם מיום אני הואה ואין מידי מציל
23 אפעולה ומי ישיבנה
24 14 כוה אמר יהוה גואלכמה קדוש ישראל למענכמה שלחתי בבבל והורדתי בריחים
25 כולם וכשדיים באוניות רנתמה 15 אני יהוה קדושכמה בורא ישראל מלככמה
26 16 כוה אמר יהוה הנותן בים דרך ובמים עזים נתיבה 17 המוציא רכב וסוס
27 וחיל ועיזוז יחדיו ישכובו בל יקומו דעכו כפשתה כבו 18 אל תזכור רישונות
28 וקדמוניות אל תתבוננו 19 הנני עושה חדשה ועתה תצמח הלוא תדעו אף
29 אשים במדבר דרך בישימון נתיבים 20 תכבדני חית השדה תנים ובנות יענה
Col. XXXVII, Isaiah 43:20–44:23
1 כיא אתן במדבר מים נהרות בישימון להשקות עמי ובחירי 21 עם זה יצרתי לי ותהלתי יואמרו
2 22 ולוא אותי קראתה יעקוב כיא יגעתה ביא ישראל 23 לוא הביאותה לי שה לעולה ובזבחיכה
3 לוא כבדתני ולוא עשיתה ליא מנחה ולוא הוגעתיכה בלבונה 24 לוא קניתה ליא בכסף קנה
4 וחלב זבחיכה לוא הרויתני אך העבדתני בחטאותיכה הוגעתני בעונכה 25 אנוכי אנוכי
5 הואה מוחה פשעכה למעני וחטאתיכה לוא אזכור עוד 26 הזכירוני נשפטה יחדיו ספר אתה למען
6 תצדק 27 אביכה הרישון חטא ומליציכה פשעו ביא 28 ואחללה שרי קודש ואתן לחרם יעקוב
7 וישראל לגודפים 44:1 ועתה שמע יעקוב עבדי וישראל בחרתי בוא
8 2 כוה אמר יהוה עושכה ויוצרכה מבטן ועוזרכה אל תירא עבדי יעקוב וישורון בחרתי בוא
9 3 כיא אצק מים על צמא ונוזלים על יבשה ‸כן‸ אצק רוחי על זרעכה וברכתי על צאצאיכה 4 וצמחו כבין
10 .ציר כערבים על יובלי מים 5 זה יואמר ליהוה אני וזה יקרא בשם יעקוב וזה יכתוב ידוהי
11 ליהוה ובשם ישראל יכנה
12 6 כוה אמר יהוה מלך ישראל וגואליו יהוה צבאות שמו אני רישון ואני אחרון ומבלעדי אין אלוהים
13 7 ומיא כמוני יקרא ויגידה ויעריכהה לוא משומי עם עולם ואותיות יואמר אשר תבואינה יגידו
14 למו 8 אל תפחדו ואל תיראו הלוא מאז השמעתיכה והגדתי ואתמה עדי היש אלוה מבלעדי ואין
15 צור בל ידעתי 9 יוצר פסל כולמה תהו וחמודיהמה בל יועילו ועדיהמה ‸המה‸ בל יראו בל ידעו למען
16 יבושו 10 מי יצר אל ופסל נסך לבלתי הועיל 11 הנה כול חובריו יבושו וחרשים המה מאדם יתקבצו
17 כולם יעמודו ופחדו יבושו יחדיו 12 חרש ברזל מעצד ופעל בפחם ובמקבות ‸ו‸יצורהו ויפעלהו
18 בזרוע כוחוה גם רעב ואין כוח לוא שותה מים וייעף 13 חרש עצים נטהו קו יתארהו בשרד
19 יעשהו במקצעות ובמחגה יתארהו ויעשהו כתבנית איש כתפארת אדם לשבת בית 14 לכרות
20 לוא ארזים ויקח תרז. ..לון ויאמץ לוא בעצי יער נטע אורן וגשם יגדל 15 והגה לאדם לבער ויקח
21 מהמה ויחום אף ישיק ואפה לחם או יפעל אל וישתחו עשהו פסל ויסגוד למו 16 חציו שרף במו
22 אש ‸ועל‸ וחציו בשר ויאכל ועל גחליו ישב ויחם ויואמר האח חמותי נגד אור 17 ושריתו לאל עשה
23 לבלוי עץ יסגוד לו וישתחוה ויתפלל אליו ויואמר הצילני כיא אלי אתה 18 לוא ידעו ולוא יבינו
24 כיא טח מראות עיניהמה מהשכל לבותמה 19 ולוא ישיב אל לבו ולוא דעת ולוא תבונה לאמור לאמור
25 חציו שרפתי במו אש ואף אפיתי על גחליו לחם ואצלה בשר ואוכלה ויתרו לתועבות אעשה לבלוי
26 עץ אסגוד 20 רועה אפר לב הותל הטהו ולוא יוכיל נפשו ולוא יואמר שקר בימיני
27 21 זכור אלה יעקוב ישראל כיא עבדי אתה יצרתיכה עבד לי אתה ישראל לוא תשאני 22 מחיתי כעב
28 פשעכה וכענן חטאותיכה שובה אלי כיא גאלתיכה
29 23 רונו שמים כיא עשה יהוה הריעו תחתיות הארץ פצחו הרים רינה יער וכול עץ בו כיא גאל יהוה
Col. XXXVIII, Isaiah 44:23–45:21
1 יעקוב ובישראל יתפאר 24 כוה אמר יהוה גואלכה ויוצרכה מבט.
2 אנוכי יהוה עושה כול נוטה שמים לבדי רוקע הארץ מיא אתי 25 מפר אותות ‸בדים‸ וקסמים
3 יהולל משיב ‸חכמים‸ אחור ודעתם יסכל 26 מקים דבר עבדו ועצת מלאכיו ישלים האומר
4 לירושלים תשב ולערי יהודה תבנינה וחרבותיה אקומם 27 האומר לצולה חרבי
5 ]נהרותיך אוביש 28 האומר לכורש רעי וכול חפצי ישלים ולאמור לירושלים תבנה
6 והיכל ‸י‸תוסד 45:1 כוה אמר יהוה למשיחו לכורש אשר החזקתי בימינו
7 לרד לפניו גואים ומתני מלכים אפתח לפתוח לפניו דלתות ושערים לוא יסגרו 2 אני
8 לפניכה אלך והררים יאושר דלתות נחושה אשבור ובריחי ברזל אגדע 3 ונתתי
9 לכה אוצרות חושך ומטמוני מסתרים למען תדע כיא אני יהוה הקורה בשמכה
10 אלוהי ישראל 4 למען עבדי יעקוב ישראל בחירי ואקרא לכה ובשם הכ‸י‸נכה ולוא
11 ידעתני 5 אני יהוה ואין עוד זולתי ואין אלוהים אאזרכה ולוא ידעתני 6 למען ידעו
12 ממזרח שמש וממערב כיא אפס בלעדי אני יהוה ואין עוד 7 יוצר אור ובורה חושך
13 עושה טוב ובורה רע אני יהוה עושה כול אלה
14 8 הריעו שמים ממעלה ושחקים ויזל צדק האמר לארץ ויפרח ישע וצדקה תצמיח
15 9 הוי רב את יוצריו חרש את חורשי האדמה הוי האומר
16 ]יצרו מה תעשה ופועלכה אין אדם ידים לו 10 הוי האומר לאב מה תוליד ולאשה
17 ]חילין 11 כוה אמר יהוה ‸קדוש ישראל‸ יוצר האותות שאלוני על בני ועל פועל
18 ]צווני 12 אנוכי עשיתי ארץ ואדם עליהא בראתי אני ידי נטו שמים וכול
19 ]צויתי 13 אנוכי העירותיהו בצדק וכול דרכיו אישר הואה יבנה
20 ]תיא ישלח לוא במחיר ולוא בשוחוד אמר יהוה צבאות
21 14 ]יהוה יגיע מצרים וסחר כוש סבאים אנשי מדות עליך יעבורו ולך יהיו
22 ]ילכו בזקים יעבורו ואליכי ישתחווה ואליכי יתפללו אך בכי אל ואין .וד
23 ]והים 15 אכן אתה אל מסתתר אלוהי ישראל מושיע 16 בושו וגם נכלמו ‸ו‸כלמה
24 יח[ ]וילכו בכלמה חורשי צירים 17 ישראל נושע ביהוה תשועת עולמים
25 לוא תבושו ולוא תכלמו עד עולמי עד
26 18 כיא כוה אמר יהוה בורה השמים הואה האלוהים ויוצר הארץ ועשיה והואה
27 כוננה לוא לתהו בראה לשבת יצרה אני יהוה ואין עוד 19 לוא בסתר דברתי
28 במקום ארץ חושך לוא אמרתי לזרע יעקוב תהו בקשוני אני יהוה דובר
29 צדק מגיד מישרים 20 הקבצו ובואו התנגשו ואתיו פליטי הגואים לוא
30 ידעו הנושאים את עץ פסלמה ומתפללים אל אל לוא יושיע 21 הגידו והגישו
Col. XXXIX, Isaiah 45:21–47:11
1 אף יועצו יחדיו מיא השמיע זואת מקדם מאז הגידה הלוא אני יהוה ואין עוד
2 אלוהים מבלעדי אל צדיק ומושיע ואין זולתי 22 פנו אלי והושיעו כול אפסי ארץ כיא
3 אני אל ואין עוד 23 ביא נשבעתי יצא מפיא צדקה דבר ולוא ישוב כיא ליא תכרע
4 כול בורך ותשבע כול לשון 24 אך ביהוה ליא יאמר צדקות ועוז עדיו יבואו יבושו
5 כול הנחרים בו 25 ביהוה יצדקו ויתהללו כול זרע ישראל 46:1 כרע בל קרס נבו
6 היו עצביהמה לחיה לבהמה נשאותיכמה עמוסות משמיעיהמה 2 קרסו כרעו
7 יחדיו ולוא יוכלו מלט משא ונפשמה בשבי הלכו
8 3 שמע אלי בית יעקוב וכול שארית בית ישראל עומסים ממני בטן ונושאים מני
9 רחם 4 עד זקנה אני הואה ועד שיבה אני אסבול אני עשיתי ואני אשא ואנוכי
10 אסבול ואמלטה 5 למי תדמיוני ותשוי ותמשלוני ואדמה 6 הזלים
11 זהב מכיס וכסף בקנה ישקולו ישכורו צורף ויעשה אל ויסגודו אף ישתחו
12 7 וישאוהו על כתף יסבלוהו ויניחוהו תחתיו ויעמוד ממקומו לוא ימיש אף יזעק
13 עליו ולוא יענה מצרתו לוא יושיענו 8 זכורו זואת והתאוששו השיבו פושעים
14 על לב 9 זכורו רישונות מעולם כיא אני אל ואין עוד אלוהים ואפס כמוני 10 מגיד
15 מראישית אחרית ומקדם אשר לוא נעשו אמר עצתי תקום וכול חפצי יעשה
16 11 קורה ממזרח עיט מארץ מרחק איש עצתו אף דברתי אף אביאנה יצרתיה
17 אף אעשנה
18 12 שמעו אלי אבירי לב הרחוקים מצדקה 13 קרובה צדקתי ולוא תרחק ותשועתי
19 ולוא תאחר נתתי בציון תשועה ולישראל תפארתי
20 47:1 רדי ושבי על עפר בתולת בת בבל שבי על הארץ אין כסא בת כשדיים כיא
21 לוא תוסיפי יקראו לך רכה וענוגה 2 קחי רחים וטחני קמח גלי צמתך חשופי
22 שוליך גלי שוק עבורי נהרות 3 תגלה ערותך גם תראה חרפתך נקם אקח ולוא
23 אפגע אדם 4 גאלנו יהוה צבאות שמו קדוש ישראל 5 שבי דממה וב‸ו‸אי
24 בחושך בת כשדיים כיא לוא תוסיפי יקראו לך גבורת ממלכות 6 קצפתי על עמי
25 וחללתי נחלתי ואתנם בידך לוא שמתי להמה רחמים על זקן הכבדתי עולך
26 מואדה 7 ותואמרי לעולם אהיה גבורת עוד לוא שמתי אלה על לבכי לוא זכרתי
27 אחרונה 8 ועתה שמעי זואת עודנה היושבת לבטח האומרה בלבבה אני ואפסי
28 עוד לוא אשב אלמנה ולוא אראה שכול 9 ותבואינה לך שתי אלה רגע ביום אחד
29 שכול ואלמנה כתומם באו עליך ברוב כשפיך בעצמת חובריך מואדה 10 ותבטחי
30 בדעתך אמרתי אין רואני חכמתך ודעתך היאה שובבתך ותואמרי בלבבך אני
31 ואפסי עוד 11 ובאה עליך רעה ולוא תדעי שחרה ותפול עליך הווה לוא תוכלי לכפרה
Col. XL, Isaiah 47:11–49:4
1 ותבוא עליך פתאום שאה ולוא תדעי 12 ‸ו‸עמודינא בחובריך וברוב כשפיך באשר יגעתי
2 מנעוריך ועד היום 13 כרוב עצתך יעמודו נא ויושיעוך חוברי שמים והחוזים בכוכבים
3 מודעים לחדשים מאשר יבוא עליהמה 14 הנה היו כקש אש שרפתם לוא הצילו את נפשם
4 מיד להבה אין גחלת לחומם אור לשבת נגדו 15 כן היו לך אשר יגעתי סוחריך מנעוריך
5 איש לעברו תעו אין מושיעך
6 48:1 שמעו זואת בית יעקוב הנקראים בשם ישראל וממי יהודה יצאו הנשבעים בשם
7 יהוה ובאלוהי ישראל יזכירו לוא באמת ולוא בצדקה 2 כיא מעיר הקודש נקראו ועל
8 אלוהי ישראל נסמכו יהוה צבאות שמו 3 הרישונות מאז הגדתי ומפי יצאה
9 ואשמיעם פתאום עשיתי ותבואינה 4 מאשר ידעתי כיא קשה אתה וגיד ברזל עורפכה
10 ומצחכה נחושה 5 ואגידה לכה מאז בטרם תבוא השמעתיכה פן תואמר עצבי עשם
11 פסלי ונסכי צום 6 שמעתה חזה כולה ואתמה הלוא תגידו השמעתיכה חדשות מעתה
12 ונצורות לוא ידעתן 7 עתה נבראו ולוא מאז ולפני יום לוא שמעתים פן תואמר הנה
13 ידעתים 8 וגם לוא שמעתי גם לוא ידעתה גם מאז לוא פתחת אוזנכה כיא ידעתי כיא
14 בגוד תבגוד ופושע מבטן יקראו לכה 9 למען שמי אאריך אפי ותהלתי אחטום לכה לבלתי
15 הכריתכה 10 הנה צרפתיכה ולוא בכסף בחנתיכה בכור עני 11 למעני למעני
16 אעשה ‸כיא‸ איכה איחל וכבודי לאחר לוא אתן
17 12 שמע אלה יעקוב וישראל מקראי אני הואה אני רישון אף אני אחרון 13 אף ידי יסדו
18 ארץ וימיני טפחה שמים קורה אני אליהמה ויעמודו יחדיו 14 יקבצו כולם וישמעו
19 מי בהם ויגיד את אלה יהוה אוהבי וישה חפצו בבבל זרועו כשדיים 15 אני אני
20 דברתי אף קראתי והביאותיהו והצליחה דרכוהי 16 קרובו אלי שמעו זואת
21 לוא מרוש בסתר דברתי בעת היותה שמה אני ועתה אדוני יהוה שלחני ורוחו
22 17 כוה אמר יהוה גואלכה קדוש ישראל אני יהוה אלוהיכה מלמדכה להועיל
23 הדריכה בדרך אשר תלך בה 18 ולוא הקשבתה אל מצוותי והיה כנהר שלומכה וצדקתך
24 כגלי הים 19 ויהי כחול זרעכה וצאצאיכה כמעותיו לוא יכרת ולוא ישמד שמו מלפני
25 20 צאו מבבל ברחו מכשדיים בקול רינה הגידו והשמיעו זואת עד קצוי הארץ
26 אמרו גאל יהוה את עבדו יעקוב 21 ולוא צמאו בחרבות הוליכו מים מצור הזיב למו
27 ויבקע צור ויזובו מים 22 ואין שלום אמר יהוה לרשעים
28 49:1 שמעו איים אלי הקשיבו לאומים מרחוק יהוה מבטן קראני ממעי אמי
29 הזכיר שמי 2 וישם פי ‸כ‸חרב חדה בצל ידיו החביאני וישימני כׅ̇‸ל‸חץ ברור
30 באשפתיו הסתירני 3 ויואמר לי עבדי אתה ישראל אשר בכה אתפאר
31 4 אני אמרתי לריק יגעתי לתוה ולהבל כוחי כליתי אכן משפטי את יהוה ופועלתי
Col. XLI, Isaiah 49:4–50:1
1 את אלוהי 5 ועתה אמר יהוה יוצרך מבטן לעבד לו לשובב יעקוב אליו
2 וישראל לו יאסף ואכבדה בעיני יהוה ואלוהי היה עזרי 6 ויואמר נקל מהיותכה לי
3 עבד להקים את שבטי ישראל ונצירי יעקוב להשיב ונתתיך לאור גואים להיות
4 ישועתי עד קצוי הארץ
5 7 כוה אמר אדוני יהוה גואלכה ישראל קדושו לבזוי נפש למתעבי גוי לעבד מושלים
6 מלכים ראו וקמו ושרים והשתחוו למען יהוה אשר נאמן קדוש ישראל יבחרכה
7 8 כוה אמר יהוה בעת רצון אענכה וביום ישועה אעזרכה ואצורכה ואתנכה לברית
8 עם להקים ארץ להנחיל נחלות שוממות 9 לאמור לאסורים צאו ולאשר בחושך הגלו
9 על כול הרים ירעו ובכול שפאים מרעיתם 10 לוא ירעבו ולוא יצמאו ולוא יכם שרב
10 ושמש כיא מרחמם ינהגם ועל מבועי מים ינהלם 11 ושמתי כול הרי לדרך ומס
11 ומסלתי ירומון 12 הנה אלה מרחוק יבואו והנה אלה מצפון ומים ואלה מארץ
12 סיניים 13 רונו שמים וגילי ארץ פצחו הרים רינה כיא מנחם יהוה עמו
13 ועניו ירחם
14 14 ותואמר ציון עזבני יהוה ואדוני ‸⸱ואלוהי⸱‸ שכחני 15 התשכח אשה עולה מרחם בן בטנה
15 גם אלה תשכחנה ואנוכי לוא אשכחכי 16 הנה על כפים חוקותיך וחומותיך
16 נגדי תמיד 17 מהרו בוניך מהורסיך ומחריביך ממך יצאו 18 סאי סביב עיניך
17 וראי כולם נקבצו באו לכי חי אני נואם יהוה כיא כולם כעדי תלבשי
18 ותקשרים ככלה 19 כיא חרבותיך ושוממותיך וארץ הריסתך כיא עתה תצרי
19 מיושב ורחקו מבלעיך 20 עוד יואמרו באוזניך בני שכוליך צר לי המקום גשה
20 לי ואשבה 21 ואמרת בלבבך מיא ילד לי את אלה ואני שכולה וגלמודה וגולה
21 וסרה אלה מיא גדל הנה אני נשארתי לבדי אלה איפו המה
22 22 כיא כוה אמר יהוה הנה אשא אל גואים ידי ואל העמים ארים נסי והביאו
23 בניך בחוצן ובנותיך על כתף תנשנה 23 והיו מלכים אמניך ושרותיהמה מינקותיך
24 אפים ארץ ישתחוו לך ועפר רגליך ילחכו וידעתי כיא אני יהוה אשר לוא יבושו
25 קוי 24 היקחו מגבור מלקוח אם שבי עריץ ימלט 25 כיא כוה אמר יהוה
26 גם מלקוח גבור ילקח וש‸ו‸בי עריץ ימלט ואת ריב‸י‸ך אנוכי אריב ואת
27 בניך אנוכי אושיע 26 ואוכלתי את מוניך את בשרם וכעסיס דמם ישכרו וידעו
28 כול בשר כיא אני יהוה מושיעך וגואלכי אביר יעקוב
29 50:1 כוה אמר יהוה אי זה ספר כריתות אמכמה אשר שלחתיה או מי מנושי אשר
Col. XLII, Isaiah 50:1–51:13
1 מכרתי אתכמה לו הנה בעוונותיכמה נמכרתמה ובפשעיכמה ש‸ו‸לחה אמכמה 2 מדוע
2 באתי ואין איש קראתי ואין עונה הקצור קצרה ידי מפדות אם אין בי כוח
3 להציל הנה בגערתי אחריב ים אשים נהרות מדבר תיבש דגתם מאין מים
4 ותמות בצמא 3 אלבישה שמים קדרות ושק אשים כסותם
5 4 אדוני יהוה נתן לי לשון למודים לדעת לעות את יעף דב. ויעיר בבוקר בבוקר ויעיר
6 לי אוזן לשמוע כלמודים 5 אדוני אלוהים פתח לי אוזן ואנוכי לוא מריתי אחור לוא
7 נסגותי 6 גוי נתתי למכים ולחיי למטלים פני לוא הסירותי מכלמות ורוק 7 ואדוני
8 יהוה יעזור לי על כן לוא נכלמתי על כן שמתי פני כחלמיש ואדעה כיא לוא אבוש 8 קרוב
9 מצדיקי מי יריב אתי נעמודה יחדיו מי בעל משפטי יגש אלי 9 הנה אדוני יהוה
10 יעזור ליא מי הואה ירשיעני הנה כולם כבגד יבלו עש יאכולם 10 מי בכמה יראי יהוה
11 שומע בקול עבדו אשר הלכו חשיכים ואין נוגה לו יבטח בשם יהוה וישען באלוהיו
12 11 הנה כולם קודחי אש מאזרי זיקות לכו באור אשכמה ובזיקות בערתמה מידי הייתה
13 זואת לכמה למעצבה תשכבו
14 51:1 שמעו אלי רודפי צדק מבקשי יהוה הביטו אל צור חצבתמה ואל מקבת בור נקרתמה
15 2 הביטו אל אברהם אביכמה ואל שרה תחוללכמה כיא אחד קרתיהו ואפרהו וארבהו
16 3 כיא נחם יהוה ציון נחם כול חרבו[ ]יה וישם מדברה כעדן וערבתה כגן יהוה ששון
17 ושמחה ימצאו בה תודה וקול זמרה נס יגון ואנחה
18 4 אקשיבו אלי עמי ולא‸ו‸מי אלי האזינו כיא תורה מאתי תצא ומשפטי לאור עמים ארגיע
19 5 קרוב צדקי יצא ישעי וזרועי עמים ישפוטו אליו איים יקוו ואל זרועו יוחילון 6 שאו שמים
20 עיניכמה והביטו אל הארץ מתחתה וראו מי ברא את אלה
21 ויושביה כמו כן ימותון וישועתי לעולם תהיה וצדקתי לוא תחת
22 7 שמעו אלי יודעי צדק עם תורתי בלבם אל תיראו חרפת אנוש ו‸מ‸מגדפותם אל תחתו 8 כיא כבגד
23 יואכולם עש וכצמר יאכלם סס וצדקתי לעולם תהיה וישועתי לדור דורים
24 9 עורי עורי לבשי עוז זרוע יהוה עורי כימי קדם דורות עולמים הלוא אתה היאה המוחצת
25 רחוב מחללת תנים 10 הלוא אתי היאה המחרבת ים מי תהום רבא השמה במעמקי ים
26 דרך לעבור גאולים 11 ופזורי יהוה ישובו ובאו ציון ברינה ושמחת עולם על רואשיהמה
27 ששון ושמחה ישיגו ונס יגון ואנחה
28 12 אנוכי אנוכי הואה מנחמכמה מי אתי ותיראי מאנוש ימות ומבן אדם חציר נתן 13 ותשכחי
29 את יהוה עשכה נוטה שמים ויסד ארץ ותפחד תמיד כול היום מפני חמת המציק
Col. XLIII, Isaiah 51:13–52:12
1 כאשר כונן להשחית ואיה חמת המציק
2 14 מהר צרה להפתח ולוא ימות לשחת ולוא יחסר לחמו
3 15 אנוכי יהוה אלוהיכה רוגע הים ויהמו גליו יהוה צבאות שמו 16 אשים
4 דברי בפיכה ובצל ידי כסיתיכה לנטוע שמים וליסד ארץ ולאמור לציון עמיא
5 אתה
6 17 התעוררי התעוררי קומי ירושלים אשר שתיתי מיד יהוה את כוס חמתו
7 את קובעת כוס התרעלה שתיתי מצית 18 אין מנחל לך מכול בנים ילדה
8 ואין מחזיק בידה מכול בנים גדלה 19 שתים המה קראתכי מי ינוד לכי
9 השד והשבר והרעב ו‸ה‸חרב מי ינחמך 20 בניך עולפו שוכבו בראוש כול
10 חוצות כתו מ‸י‸כמר המלאים חמת יהוה גערת אלוהיך 21 לכן שמעי נא
11 זואת עניה שכורת ולוא מיין 22 כוה אמר אדוניך יהוה אלוהיך יריב עמוא
12 הנה לקחתי מידך את כוס התרעלה את קובעת כוס חמתי לוא תוסיפי
13 לשתותו עוד 23 ושמתיהו ביד מוגיך ומעניך אשר אמרו לנפשכי שוחי
14 ונעבורה ותשימי כארץ גוך וכחוץ לעוברים 52:1 עורי עורי לבשי
15 עוז ‸ציון‸ לבשי בגדי תפארתך ירושלם עיר הקודש כיא לוא יוסיף ויבוא
16 בך ערל וטמא 2 התנערי מעפר וקומי ושבי ירושלים התפתחו מוסרי
17 צורך שביה בת ציון 3 כיא כוה אמר יהוה חנם נמכרתמה ולוא
18 בכסף תגאלו 4 כיא כוה אמר יהוה מצרים ירד עמי ברישונה לגור
19 שמה ואשור באפס עשקו 5 ועתה מה לי פה נואם יהוה כי לוקח עמי
20 חנם משלו והוללו נואם ותמיד כול היום שמי מנואץ 6 לכן ידע עמיא
21 שמי ביום ההואה כי אני הואה המדבר הנני
22 7 מה נאוו על ההרים רגלי מבשר מבשר שלום משמיע טוב מש…
23 ישועה אומר לציון מלך אלוהיך 8 קול צופיך נשאו קולם יחדיו ירננו
24 כיא עין בעין יראו בשוב יהוה ציון ברחמים 9 פצחו רינה יחדיו
25 חרבות ירושלים כיא נחם יהוה עמו וגאל את ירושלים 10 חשף יהוה
26 את זרוע קודשו לעיני כול הגואים וראו כול אפסי הארץ את ישועת
27 אלוהינו 11 סורו סורו צאו משמה בטמה אל תגעו צאו מתוכה
28 הברו נושאי כלי יהוה 12 כיא לוא בחפזון תצאו ובמנוסא לוא תלכון
29 כיא הולך לפניכמה יהוה ומאספכמה אלוהי ישראל אלוהו כול
30 הארץ יקרא
Col. XLIV, Isaiah 52:13–54:4
1 52:13 הנה ישכיל עבדי וירום ונשא וגבה מואדה 14 כאשר שממו
2 עליכה רבים כן משחתי מאיש מראהו ותוארו מבני האדם
3 15 כן יזה גואים רבים עליו וקפצו מלכים פיהמה כיא את אשר
4 לוא סופר להמה ראו ואת אשר לוא שמעו התבוננו
5 53:1 מי האמין לשמועתנו וזרוע יהוה אל מי נגלתה 2 ויעל כיונק לפניו
6 וכשורש מארץ ציאה לוא תאור לו ולוא הדרלו ונראנו ולוא מראה
7 ונחמדנו 3 נבזה וחדל אישים ואיש מכאובות ויודע חולי
8 וכמסתיר פנים ממנו ונבוזהו ולוא חשבנוהו 4 אכן חולי‸י‸נו הואה
9 נשא ומכאובינו סבלם ואנחנו חשבנוהו נגוע ומוכה אלוהים
10 ומעונה 5 והואה מחולל מפשעינו ומדוכא מעוונותינו ומוסר
11 שלומנו עליו ובחבורתיו נרפא לנו 6 כולנו כצואן תעינו איש לדרכו
12 פנינו ויהוה הפגיע בו את עוון כולנו 7 נגש והואה נענה ולוא
13 יפתח פיהו כשה לטבוח יובל כרחל לפני גוזזיה נאלמה ולוא פתח
14 פיהו 8 מעוצ‸ר‸ וממשפט לוקח ואת דורו מיא ישוחח כיא נגזר מארץ
15 חיים מפשע עמו נוגע למו
16 9 ויתנו את רשעים קברו וע‸ר‸מן עשיר בומתו
17 על לוא חמס עשה ולוא מרמה בפיהו 10 ויהוה חפץ דכאו ויחללהו
18 אם תשים אשם נפשו יראה זרע ויארך ימים וחפץ יהוה
19 בידו יצלח 11 מעמל נפשוה יראה אור וישבע ובדעתו יצדיק
20 צדיק עבדי לרבים ועוונותם הואה יסבול 12 לכן אחלק לי ברבים
21 ואת עצומים יחלק שלל תחת אשר הערה למות נפשו ואת פושעים
22 נמנא והואה חטאי רבים נשא ולפשעיהמה יפגע
23 54:1 .וני עקרה ולוא ילדה פצחי רינה וצהלי ולוא חלה כיא רבים
24 בני שוממה מבני בעולה אמר יהוה 2 ארחיבי מקום אהלכי
25 ויריעות משכנותיך יטי ואל תחשוכי האריכי מיתריך ויתדותיך
26 חזקי 3 כיא ימין ושמואל תפרוצי וזרעך גואים יירשו וערים
27 נשמות יושיבו 4 אל תיראי כיא לוא תבושי ‸ו‸אל תכלמי כיא לוא
28 תחפירי כיא בושת עלומיך תשכחי וחרפת אלמנותיך לוא תזכורי
Col. XLV, Isaiah 54:4–55:8
1 עוד 5 כיא בעלכי עוש‸י‸ך יהוה צבאות שמו וגואלכי קדוש
2 ישראל אלוהי כול הארץ יקרה 6 כיא כאשה עזובה ועצובת
3 רוח קראך יהוה ואשת נעורים כיא תמאס אמר יהוה אלוהיך
4 7 ברוגע קטן עזבתיך וברחמים גדולים אקבצך 8 בשצף קצף
5 הסתרתי פני רוגע ממך ובחסדי עולם רחמתיך אמר ‸ו‸גאלכי
6 יהוה 9 כימי נוח זואת לי אשר נשבעתי מעבור מי נוח עוד על
7 הארץ כן נשבעתי מקצוף עליך עוד ומגעור בך 10 כיא ההרים
8 ימושו ו‸ה‸גבעות תתמוטינה וחסדי מאתך לוא ימוש וברית
9 שלומי לוא תמוט אמר מרחמכי יהוה
10 11 ענייה סחורה לוא נחמה הנה אנוכי מרביץ בפוך אבניך ויסודו‸תי ך‸
11 בספירים 12 ושמתי כדכוד שמשותיך ושעריך לאבני א‸ו‸קדח וכול
12 גבוליך לאבני חפץ 13 וכול בניך למודי יהוה ורב שלום ‸ו‸בניכי
13 14 בצדקה תתכונני רחקי מעושק כיא לוא תיראי וממחתה כיא
14 לוא תקרב אליך 15 הנה גור יגור אכס מאתי מי יגר אתך עליך
15 יפולו 16 הנה אנוכי בראתי חרש נופח באש פחם ‸ו‸מוציא כלי
16 למעשיהו אנוכי בראתי משחית לחבל 17 כול כלי יוצר עליך לוא
17 יצלח
18 זואת נחלת עבדי יהוה וצדקתם מאתי נואם יהוה 55:1 הוי
19 כול צמא לכו למים ואשר אין לו כסף לכו שבורו בלוא כסף
20 ובלוא מחיר יין וחלב 2 למה תשקולו כסף בלוא לחם ויגיעכם
21 בלוא שבעה שמעו שמעוא אלי ואכולו טוב ותתענג בדשן נפשכם
22 3 הטו אוזנכמה ולכו אלי ושמעו ותחיה נפשכמה ואכרות לכמה
23 ברית עולם חסדי דויד הנאמנים 4 הנה עד לאומים נתתיהו
24 נגיד ומצוה לאומים 5 הנה גוי לוא תדע תקרא וגוי לוא ידעכה
25 אליכה ירוץ למען יהוה אלוהיך ו‸ל‸קדוש ישראל כיא פארך
26 6 דרושו יהוה בהמצאו קראוהי בהיותו קרוב 7 יעזב רשע דרכו
27 ואיש און מחשבותיו וישוב אל יהוה וירחמהו ואל אלוהינו
28 כיא ירבה לסלוח 8 כיא לוא מחשבותי מחשבותיכם ולוא דרכיכמה
Col. XLVI, Isaiah 55:8–57:2
1 דרכי נואם יהוה 9 כיא כגובה שמים מארץ כן גבהו דרכי
2 מדרכיכמה ומחשבותי ממחשבותיכמה 10 כיא כאשר ירד
3 הגשם והשלג מן השמים ושמה לוא ישוב כיא אם הרוה
4 את הארץ והולידה והצמיחה ונתן זרע לזורע ולחם לאכול
5 11 כן יהיה דברי אשר יצא מפי לוא ישוב אלי ריקם כיא אם עשה
6 את אשר חפצתי והצליח את אשר שלחתיו 12 כיא בשמחה
7 תצאו ובשלום תלכו ההרים והגבעות יפצחו לפניכמה רינה
8 וכול עצי השדה ימחוא כף 13 תחת הנעצוץ יעלה בראוש ותחת
9 הסרפוד יעלה אדס והיו ליהוה לאות ולשם עולם לוא יכרת
10 56:1 כיא כוה אמר יהוה שמורו משפט ועשו צדקה כיא קרובה ישועתי
11 לבוא וצדקתי להגלות 2 אשרי אנוש יעשה זואת ובן אדם יחזיק
12 בה שומר שבת .חללה ושומר ידיו מעשות כול רע
13 3 אל יואמר בן הנכר הנלוא אל יהוה לאמור הבדל יבדילני יהוה מעל
14 עמו ואל יואמר הסריס הנה אנוכי עץ יבש 4 כיא כוה אמר יהוה
15 לסריסים אשר ישמורו את שבתותי ויבחורו באשר חפצתי ומחזיקים
16 בבריתי 5 ונתתי להמה בביתי ובחומותי יד ושם טוב מבנּם ומן בנות
17 שם עולם אתן להמה אשר לוא יכרת 6 ובני הנכר הנלויים אל יהוה
18 להיות לו לעבדים ולברך את שם יהוה ושומרים את השבת מחללה
19 ומחזיקים בבריתי 7 והביאותים אל הר קודשי ושמחתים בבית
20 תפלתי עולותיהמה וזבחיהמה יעלו לרצון על מזבחי כיא ביתי בית
21 תפלה יקרה לכול העמים 8 נואם אדוני יהוה מקבץ נדחי ישראל עוד
22 אקבץ עליו לנקבציו 9 כול חיות שדה אתיו לאכול וכול חיות ביער
23 10 צופיו עורים כולם לוא ידעו כולם כלבים אלמים לוא יוכלו לנבוח המה
24 חוזים שוכבים אוהבים לנואם 11 והכלבים עזי נפש לוא ידעו שבעה
25 והמה הרועים לוא ידעו הבין כולם לדרכם פנו איש לבצעו מקצהו
26 12 אתיו ונקח יין ונסבה שכר ויהי כזה היום ומחר ‸גדול‸ יתר מואד
27 57:1 והצדיק אובד ואין איש שם על לב ואנשי החסד נאספים באין מבין
28 כיא מפני הרעה נ.סף הצדיק 2 ויבוא שלום וינוחו על משכבותיו
Col. XLVII, Isaiah 57:2–58:6
1 הלוך נ‸ו‸כחה
2 3 ואתמה קרובו הנה בני עננה זרע מנאף ותזנו 4 על מיא תתענגו ועל מיא תרחיבו
3 פה תאריכו לשון הלוא אתמה יל‸ו‸די פשע זרע שקר 5 הנחמים באלים תחת כול
4 עץ רענן שוחטי הילדים בנחלים תחת שעפי הסלעים 6 בחלקי נחל חלקכה שמה
5 המה גורלכה גם להמה שפכתה נסך העליתה מנחה העל אלה אנחם 7 על הר
6 גבה ונשא שמת משכבכה גם שם עלית לזבוח זבח 8 ואחר הדלת והמזוזה
7 שמתה זכרונכה כיא מאתי גליתה ותעלי הרחבת משכבך ותכרותי לכה מהמה
8 אהבת משכבמה יד חזית 9 ותשרי למלך בשמן ותרבי רוקחיך ותשלחי ציריך
9 עד מרחק ותשפילי עד שאול 10 ברוב דרכיך יגעת לוא אמרת נואש חית ידך מצת
10 על כן לוא חלית 11 ואת מי דאגת ותיראיני כיא תכזבי ואותי לוא זכרתי ולוא שמתי
11 אלה על לבכה הלוא אני מחשה ומעולם ואותי לוא תיראי 12 אני אגיד צדקתך
12 ואת מעשיך ולוא יועילוך קובציך 13 בזעקך יצילוך קובציך ואת כולם ישא רוח
13 ויקח הבל וחוסה ביא ינחל ארץ וירש הר קודשי
14 14 ויואמר סולו סולו המסלה פנו דרך הרימו מכשול מדרך עמיא 15 כיא כוה
15 אמר רם ונשא שוכן עד וקדוש שמו במרום ובקודש ישכן ואת דכא ושפל רוח
16 לחיות רוח שפלים ולחיות לב נדכאים 16 כיא לוא לעולם אריב ולוא לנצח אקצוף כיא
17 רוח מלפני יעטוף ונשמות אני עשיתי 17 בעוון בצעו קצפתי ואכהו ואהסתר ואקצופה
18 וילך שובב בדרך לבו 18 דרכיו ראיתי וארפאהו ואשלם לוא תנחומים לוא ולאבליו
19 19 בבורה ניב שפתים שלום לרחוק ולקרוב אמר יהוה ורפתיהו 20 והרשעים כים
20 נגרשו כיא לאשקיט לוא יוכל ויתגרשו מימיו רפש וטיט 21 ואין שלום אמר
21 אלוהי לרשעים
22 58:1 קרא בגרון אל תחשוך כשופר הרם קולכה והגד לעמיא פשעיהמה ולבית יעקוב
23 חטאותמה 2 אותי יום ויום ידרושו ודעת דרכי יחפצון כגוי אשר צדקה עשה
24 ומשפט אלוהו לוא עזב ישאלוני משפטי צדק קרבת אלוהים יחפצו 3 למה צמנו
25 ולוא ראיתה ענינו נפשותינו ולוא תדע הן ביום צומכמה תמצאו חפץ וכו‸ל‸ עצביכם
26 תנגשו 4 הנה לריב ולמצא תצומו ולהכות בגורף רשע לוא תצומו כיום לשמיע במרום
27 קולכמה 5 הכזה יהיה צום אבחרהו יום ענות אדם נפשו הלכוף כאוגמן רואשו
28 שק ואפר יציע הלזה תקראו צום יום רצון ליהוה 6 הלוא זה הצום אשר
29 אבחרהו פתח חרצבות רשע והתר אגודות מטה ושלח רצוצים ח.שי‸י‸ם וכול
Col. XLVIII, Isaiah 58:6–59:17
1 מוטה תנתקו 7 הלוא פרוס לרעב לחמכה ועני‸י‸ים מרודים תביא בית כיא תראה ערום
2 וכסיתו בגד ומבשרכה לוא תתעל 8 אז יבקע כשחר אורכה וארוכתכה מהרה תצמח
3 והלך לפניכה צדקכה וכבוד יהוה יאספכה 9 אז תקרא ויהוה יענה תשוע ויואמר
4 הנני אם תסיר מתוככה מוטה ושלוח אצבע ודבר און 10 ותפק לרעב נפשכה ונפש
5 נענה תשביע וזרח בחושך אורכה ואפלתכה כצהורים 11 ונחכה יהוה תמיד והשביע
6 בצצחות נפשכה ועצמותיכ‸ה‸ יחליצו והייתה כגן רוה וכמוצא מים אשר לוא יכזבו
7 מימיו 12 ובנו ממכה חרבות עולם מוסדי דור ודור תקומם וקראו לך גודר פרץ משובב
8 נתיבות לשבת
9 13 אם תשיב משבת רגלכה מעשות חפציכה ביום קודשי וקראתה לשבת עונג ולק‸ו‸דש
10 יהוה מכבד וכבדתו מעשות דרכיכה וממצוא חפצכה ודבר דבר 14 אז תתענג על יהוה
11 והרכיבכה על בומתי ארץ והאכילכה נחלת יעקוב אביכה כיא פי יהוה דבר
12 59:1 הנה לוא קצרא יד יהוה מהושיע ולוא כבדו אוזניו משמוע 2 כיא אם עוונותיכמה היו
13 מבדילים בינכמה לבין אלוהיכמה וחטאותיכמה הסתירו פנים מכמה משמיע 3 כיא
14 כפיכמה נגאלו בדם ואצבעותיכמה בעוון לשונכמה עולה תהגה 4 אין קורה בצדק
15 ואין נשפט באמונה בטחו על תהו ודבר שו הרוה עמל והולידו און 5 בצי צפעונים
16 ובקעו וקורי עכביש יירגו האוכל מבציהמה ימות והאזורה תבקע אפע 6 קוריהם
17 לוא יהיו לבגד ולוא יכסו במעשיהמה מעשיהמה מעשי און ופועול חמס בכפיהם
18 7 רגליהמה לרע ירוצו וימהרו לשפוך דם נקיא מחשבותיהמה מחשבות אין שד
19 ושבר וחמס במסלותיהמה 8 דרך שלום לוא ידעו ואין משפט במעגלותיהמה נתיבותי
20 המה עקשו להמה כול הדורך בה לוא ידע שלום 9 על כן רחק משפט ממנו ולוא תשיגנו
21 צדקה נקוה לאור והנה חושך לנגהות באפלה נהלך 10 נגשש כעורים קיר וכאין
22 עינים נגששה כשלנו בצהורים כנשף באשמונים כמיתים 11 נהמה כדבים כולנו
23 כיונים הגוא נהגה נקוה למשפט ואין ולישועה רחקה ממנו 12 כיא רבו פשעינו
24 נגדכה וחטאותינו ענוא בנו כיא פשעינו אתנו ועוונותינו ידענום 13 פש‸ו‸עו וכחש
25 ביהוה ונסוג מאחר אלוהינו ודברו עושק וסרה והגוא מלב דברי שקר 14 ואסיג
26 אחור משפט וצדקה מרחוק תעמוד כיא כשלה ברחוב אמת ונכוחה לוא תוכל לבוא
27 15 ותהי האמת נעדרת וסר מרע משתולל
28 וירא יהוה וירע בעיניו כיא אין משפט 16 וירא כיא אין איש וישתומם כיא אין מפגיע
29 ותושע לוא זרעו וצדקתיו היא סמכתו 17 וילבש צדקה כשרין וכובע ישועה ברואשיו
Col. XLIX, Isaiah 59:17–61:4
1 וילבש בגדי נקם תלבושת ויעט כמעיל קנאא 18 כעל גמולות כעל ישלם חמה לצריו ג..ל לאויביו
2 לאיים גמול ישלם 19 וייראו ממערב את שם יהוה וממזרח שמש את כבודיו כיא יבוא כנהר צור
3 רוח יהוה ‸ו‸נססה בוה 20 ובא אל ציון גואל ולשבי פשע ביעקוב נואם יהוה 21 ואני זואת בריתי
4 אתם אמר יהוה ורוחי אשר עליכה ודברי אשר שמתי בפיכה לוא ימושו מפיכה ומפי זרעכה
5 ומפי זרע זרעכה מעתה ועד עולם
6 60:1 קומי אורי כיא בא אורך כבוד יהוה עליך זרח 2 כיא הנה החושך יכסה ארץ וערפל לאומים ועליך
7 יזרח יהוה וכבודו עליך יראה 3 והלכו גואים לאורך ומלכים לנגד זרחך 4 שאי סביב עיניך וראי
8 כולמה נקבצו באו לך בניך מרחוק יבואו ובנותיך על צד תאמנה 5 אז תראי ונהר ורחב לבבך כיא
9 יהפך אליך המון ים חיל גואים יבואו לך 6 שפעת גמלים תכסך בכרי מדים ועיפו כולם משבאו
10 יבואו זהב ולבונה ישאו ותהלת יהוה יבשרו 7 כול צואן קדר יקבצו לך אילי נבאות ישרתונך ויעלו
11 לרצון על מזבחי ובית תפאתי אפאר 8 מיא אלה כעב תעופפנה וכיונים אל ארבותיהמה 9 כיא ליא
12 איים יקוו ואניות תרשיש ברישונה להביא בני מרחוק כספם וזהבם אתם לשם יהוה אלוהיך
13 ולקדוש ישראל כיא פארך 10 ובנו בני נכר חומותיך ומלכיהמה ישרתונך כיא בקצפי הכיתיך
14 וברצוני רחמתיך 11 ופתחו שעריך תמיד יומם ולילה ולוא יסגרו להביא אליך חיל גואים ומלכיהמה
15 נהוגים 12 כיא הגוי והממלכה אשר לוא יעבודוכי יאבדו ‸ו‸הגואים חרוב יחרבו 13 כבוד הלבנון נתן לך
16 ואליך יבוא ברוש ותהרהר ותאשור יחדיו לפאר מקום מקדשי ומקום רגלי אכבד 14 ואהלכו
17 אליך שחוח כול בני מעניך והשתחוו על כפות רגליך כול מנאציך וקראו לך עיר יהוה
18 ציון קדוש ישראל 15 תחת הייותך עזובה וש‸ו‸נאה ואין עובר ושמתיך לגאון עולם משוש דור ודור
19 16 וינקתי חלב גואים ושד מלכים תינקי וידעתי כיא אני יהוה מושיעך וגואלך אביר יעקוב
20 17 תחת הנחושת אביא זהב ותחת הברזל אביא כסף ותחת ‸ה‸עצים נחושת ותחת האבנים ברזל
21 ושמתי פקודתך שלום ונוגשיך צדקה 18 ולוא ישמע עוד חמס בארצך שד ושבר בגבוליך וקראתה
22 הישועה חומותיך ושעריך תהלה 19 לוא יהיה לך עוד השמש לאור יומם ולנ‸ו‸גה הירח בלילה
23 לוא יאיר לך והיה לך יהוה לאור עולם ואלוהיך לתפארתך 20 לוא יבוא שמשך וירחך לוא יאסף
24 כיא יהוה יהיה לך לאור עולם ושלמו ימי אבלך 21 ועמך כולם צדיקים לעולם ירשו ארץ נצר
25 מטעו יהוה מעשי ידיו להתפאר 22 הקטן יהיה לאלף והצעיר לגוי עצום אני יהוה בעתה
26 אחישנה 61:1 רוח יהוה עלי יען משח יהוה אותי לבשר ענוים ‸של חני‸ ולחבוש לנשברי לב לקרוא לשבויים
27 דרור ולאסורים פקח קוח 2 לקרוא שנת רצון ליהוה יום נקם לאלוהינו לנחם כול אבילים 3 לשים
28 לאבילי ציון לתת להמה פאר תחת אפר שמן ששון תחת אבל מעטה תהלה תחת רוח כהה וקראו
29 להמה אילי הצדק מטע יהוה להתפאר 4 ובנו חרבות עולם שוממות ריאשונים יקוממו וחדשו
Col. L, Isaiah 61:4–63:4
1 ערי חורב שוממות דור ודור יקוממו 5 ועמדו זרים ורעו צואנכמה ובני נכר
2 אכריכמה וכורמיכמה 6 ואתמה כוהני יהוה תקרוא ומשרתי אלוהינו יאמר לכמה
3 חיל גואים תואכלו ובכבודם תתיאמר 7 תחת בושתכמה משנה וכלמה ירונו
4 חלקכמה לכן משנה בארצם תירשו שמחת עולם תהיה לכמה 8 כיא אני יהוה
5 אוהב משפט ושונה גזיל בעולה ונתתי פעולתכם באמת וברית עולם אכרות לכמה
6 9 ונודע בגואים זרעכמה וצאצאיכמה בתוך העמים כול רואיהמה יכירום
7 כיא המה זרע ברך יהוה
8 10 שוש אשיש ביהוה תגל נפשי באלוהי כיא הלבישני בגדי ישע מעיל צדקה
9 יעטני כחתן ככוהן פאר וככלה תעדה כליהא 11 כיא כארץ תוציא צמחה וכגנה
10 זרועיה תצמיח כן יהוה אלוהים יצמיח צדקה ותהלה נגד כול הגואים 62:1 למען
11 ציון ולוא אחרוש ולמען ירושלים לוא אשקוט עד יצא כנוגה צדקה וישועתה
12 כלפיד תבער 2 וראו גואים צדקכי וכול מלכים כבודך וקראו לך שם חדש אשר
13 פי יהוה יקובנו 3 והיית עטרת תפארת ביד יהוה וצנוף מלוכה בכף אלוהיכי
14 4 ולוא יאמר לכי עוד עזובה ולארצך לוא יאמר עוד שוממה כיא לכי יקראו חפצי
15 בהא ולארצך בעולה כי חפץ יהוה בכי וארצך תבעל 5 כיא כבעול בח.ר
16 בתולה יבעלוכי בניך ומשוש חתן על כלה ישיש עליך אלוהיך 6 על חומותיך
17 ירושלים ה.קד.י שו…ם כול היום וכול הלילה לוא יחשו המזכירים את
18 יהוה אל דמי לכמה 7 ואל תתנו דמי לו עד יכין ועד יכונן ועד ישים את
19 ירושל‸י‸ם תהלה .ארץ 8 נשבע יהוה בימינו ובזרוע עוזו אם אתן עוד דגנך מאכל
20 ל.יביך א. ישתו בני נכר תירושך אשר יגעתי בוה 9 כיא אם מאספיהו
21 יאכולוהו ויהללו את שם יהוה ומקבצו ישתוהו ב.צרות ק‸ו‸דשי אמר
22 אלוהיך
23 10 עבורו בש..ים פנו דרך ה.ם סולו סולו המסלה סקולו מאבן הנגף אמורו
24 בעמים 11 הנה יהוה השמיעו אל קצה הארץ אמורו לבת ציון הנה ישעך בא
25 הנה שכרו אתו ופעלתיו לפניו 12 וקראו להמה עם הקודש גאולי יהוה ולכי
26 יקראו דרושה עיר לוא נעזבה
27 63:1 מיא זה בא מאדום חמוץ בגדים מבוצרה זה הדר בלבושו צועה ברוב כוחוה
28 אני מדבר בעדקה רב להושיע 2 מדוע אדום ללבושכה ובגדיך כדורך ב.ד
29 3 פורה ד .כתי לבדי ומעמי אין איש אתי וכול מלבושי גאלתי 4 כיא יום נקם בלבי
Col. LI, Isaiah 63:4–65:4
1 ושנת גאולי באה 5 ואביט ואין עוזר ואשתומם ואין תומך ותושע ליא זרועי וחמתיא
2 היא סמכתני 6 ואבוסה עמים באפיא ואשכירמה בחמתי ואורידה לארץ נצחם
3 7 חסדי יהוה אזכיר תהלת יהוה כעל כול אשר גמלנו יהוה ורב טוב לבית ישראל
4 אשר גמאלם כרחמיו וכרוב חסדיו 8 ויואמ‸ר‸ אך עמי המה בנים לוא ישקרו ויהי להמה
5 למושיע 9 בכול צרתמה לוא צר ומלאך פניו הושיעמה באהבתיו ובחומלתיו הואה
6 גאלמה וינשאם וינטלם כול ימי עולם 10 והמה מרו ועצבו את רוח קודשיו ויהפך
7 להמה לאויב והואה נלחם בם 11 ויזכור ימי עולם מושה עמוא איה המעלה מי את רועי
8 צ‸ו‸אונו איה השם בקרבו את רוח קודשו 12 ומוליך לימין מושה זרוע תפארתיו בוקע מים
9 מפניהמה לעשות שם עולם 13 מוליכם בתומות כסוס במ‸ד‸◦בר לוא יכשלו 14 כבהמה בבקעה
10 תרד רוח יהוה תניחנו כיא נהגתה עמכה לעשות לכה שם תפארת 15 הבט מן השמים
11 וראה מזבול קודשכה ותפא.תכה איה קנאתכה וגבורתכה המון מעיך ורחמיך אלי
12 התאפקו 16 כיא אתה אבינו ואברהם לוא ידענו וישראל לוא הכירנו אתה הואה
13 יהוה אבינו גואלנו מעולם שמכה 17 למה יהוה תתענו מדרכיכה תקשיח לבנו מיראתך
14 שוב למען עבדיך שבט נחלתך 18 למצער ירש עם קודשך צרינו בססו מקדשכה 19 היינו
15 מעולם לוא משלתה בם לוא נ.רא שמכה עליהמה לוא קרעתה שמים וירדתה מפניכה
16 הרים נזלו 64:1 כקדוח אש עמסים מים תבעה אש לצריכה להודיע שמכה לצריכה ‸מ‸.פניכה
17 גואים ירגזו 2 בעשותכה נור.ות נקוה ירדתה מפניכה הרים נזלו 3 מעולם לוא שמעו
18 ולוא האזינו ועין לוא ראתה אלוהים זולתך יעשה למחכה לו 4 פגעתה את שש ועושה
19 צדק בדרכיכה יזכורוכה הנה אתה קצפתה ונחטא בהמה עולם ונושע 5 ונהיה כטמא
20 כולנו כבגד עדים כול צדקות.נו ונבולה כעלה כולנו ועוונותינו כרוח ישאונו 6 ואין קורה
21 בשמכה מתעורר לאחזיק בכה כיא הסתרתה פניכה ממנו ותמגדנו ביד עווננו 7 ואתה
22 יהוה אבינו אתה ואנחנו חמר ואתה יוצרנו ומעשה ידיכה כולנו 8 אל תקצוף יהוה
23 עד מואדה ואל לעת תזכור עוון הנה הבטנה עמכה כולנו 9 ערי קודשכה היו מדבר
24 ציון כמדבר הייתה ירושלים שוממה 10 בית ק‸ו‸דשנו ותפארתנו אשר הללוכה אבותינו
25 היו לשרפת אש וכול מחמודינו היו לחורבה 11 העל אלה תתאפק יהוה תחשה ותעננו
26 עד מואדה
27 65:1 נדרשתי ללוא שאלוני נמציתי ללוא בקשוני אמרתי הנני הנני אל גוי לוא קרא בשמיא
28 2 פרשתי ידי כול היום אל עם סורה ההולכים הדרך לוא טוב אחר מחשבותיהמה 3 העם
29 המכעיסים אותי על פני תמיד המה זובחים בגנות וינקו ידים על האבנים 4 היושבים
Col. LII, Isaiah 65:4–18
1 בקברים ובנצורים ילינו האוכלים בשר החוזיר ומרק
2 פגולים בכליהמה 5 האומרים קרב אליכה אל תגע ביא
3 קדשת..ה אלה עשן באפי .ש יוקדת כול היום 6 הנה
4 כתובה לפני לוא אחשה כיא אם שלמתי ושלמתי אל חיקם
5 7 עוונותיכמה ועונות אבותיכמה יחדו אמר יהוה אשר קטרו
6 על ההרים ועל הגבעות חרפוני ומדותי פועלתמה רישונה
7 על חיקמה
8 8 כוה אמר יהוה כאשר ימצא התירוש באשכול ויואמר
9 אל תשחיתיהו כיא ברכה בוא כן אעשה למען עבדי לבלתי
10 השחית הכ.ל 9 והוציתי מיעקוב זרע ומיהודה ירש הרי
11 וירשוהו בחירי ועבדי ישכונו שמה 10 והי‸א‸ה השרון
12 לנוי צואן ועמק עכ.ר למרבץ בקר לעמי אשר דרשוני
13 11 ואתמה עוזב[ ] יהוה השכחים את הר קודשי
14 העורכים לגד שולחן וממלאים למני מסכה 12 ומניתי
15 אתכמה לחרב וכולכמה לטבחה תכרעו יען קראתי
16 ולוא ע.יתמה דברתי ולוא שמעתמה ותעשו הרע
17 בעיני ובאשר לוא ‸חפצתי‸ בחרתמה
18 13 לכן כוה אמר ‸אדוני‸ יהוה הנה עבדי י‸ו‸אכלו ואתמה תרעבו
19 הנה עבדי ישבו ואתמה תצמאו הנה עבדי ישמחו
20 ואתמה תבושו 14 הנה עבדי ירננו בטוב לב ואתמה
21 תזעקו מכאיב לב ומשברון רוח תילילו 15 והנחתמה
22 שמכמה לשבועה לבחירי והמיתכה אדוני יהוה
23 תמיד 16 והיה הנשבע
24 באלוהי אמן והנשבע בארץ ישבע באלוהי אמן כיא
25 נשכחו הצרות הרישונות וכיא נסתרו מעיני
26 17 כיא הנני בורא שמים חדשים וארץ חדשה ולוא
27 תזכרנה הרישונות ולוא תעלינא על לב 18 כיא אם שיש
28 וגיל עדי עד אשר אני בורא
29 כיא הנני בורא את ירושלים גילה ועמה משוש
Col. LIII, Isaiah 65:19–66:14
1 65:19 וגלתי בירושלים וששתי בעמיא ולוא ישמע בה עוד קול בכי וקול זעקה
2 20 ולוא יהיה משמה עוד עויל ימים וזקן אשר לוא ימלה את ימיו כיא
3 הנער בן מאה שנה ימות והחוטא בן מאה שנה יקולל 21 ובנו בתים וישבו
4 ונטעו כרמים ואכלו את פריאם 22 לוא יבנו ואחר ישב לוא יטעו ואחר
5 יואכל כיא כימי עץ ימי עמיא ומעשה ידיהמה יבלו בחירי 23 לוא .געו
6 לריק ולוא ילדו לבהלה כיא זרע ברך יהוה המה וצאצאיהמה אתם
7 24 והיה טרם יקראו ואני אענה עוד המה מדברים ואני אשמע 25 זב
8 וטלה ירעו כאחד וארי כבקר יואכל תבן ונחש עפר לחמו לוא ירעו ולוא
9 ישחיתו בכול הר ק‸ו‸דשי אמר יהוה
10 66:1 כוה אמר יהוה השמים כסאי ו‸ה‸ארץ הדום רגלי אי זה בית אשר תבנו ליא
11 ואי זה מקום מנוחתי 2 ואת כול אלה ידי עשתה והיו כול אלה נואם יהוה ואל
12 זה אביט אל עניא ונכאי רוח והחורד לדברי 3 שוחט ‸ה‸שור כמכה איש
13 זובח השא עורף כלב מעלה מנחה דם חוזיר מזכיר לבונה מברך און גם
14 המה בחרו בדרכיהמה ובשקוציהמה נפשמה חפצה 4 גם אני אבחר
15 בתעלוליהמה ובמגורותיהמה אביא להמה יען קראתי אין עונה דברתי
16 ולוא שמעו ויעשו את הרע בעיני ובאש. לוא חפצתי בחרו
17 5 שמעו דבר יהוה החרדים אל דבריו אמרו אחיכמה שונאיכמה מנדיכם
18 למען שמי יכבד יהוה יראה בשמחתמה והמה יבושו
19 6 קול שאון בעיר קול מהיכל קול יהוה משלם גמול לאויביו 7 בטרם תחיל
20 ילדה בטרם יבוא חב. לה המליטה זכר 8 מיא שמע כזואת ומיא יראה
21 כאלה התחיל ארץ ביום אחד אם יולד גוי פעם אחת כיא חלה גם ילדה
22 ציון את בניהא 9 ‸ה‸אני אשביר ולוא אוליד יואמר יהוה אם אניא המוליד
23 ואעצרה אמר אלוהיך
24 10 שמחו את ירושלים וגילו בהא כול אוהביהא שישו אתה משוש כול המתאבלים
25 עליהא 11 למען תינקו ושבעתמה משד תנחומיהא למען תמוצו והתענגתמה
26 ממזיז כבודה
27 12 כוה אמר יהוה הנני נוטה אליהא כנהר שלום וכנחל שוטף כבוד גואים
28 ]תיהמה על צד תנשינה ועל בירכים תשתעשעו 13 כאיש אשר אמו
29 ]ו כן אנוכי אנחמכמה ובי..שלים תתנחמו 14 וראיתמה ושש לבכמה
Col. LIV, Isaiah 66:14–24
1 ועצמותיכמה כדשא תפרחנה ונודע י. יהוה את עבד.ו וזעם .ת .יביו
2 15 כיא הנה יהוה באש יבוא ובסופה מרכבותי. להשיב בחמה אפו
3 אפו וגערתיו בלהבי אש 16 כיא באש יהוה יבוא לשפוט ובחרבו את
4 כול הבשר ורבו חללי. 17 המתקדשים והמטהרים אל הגנות אחר אחת
5 בתוך אוכלי בשר החו.יר והשקוץ והעכבר יחדיו אמר י..ה 18 ואנוכי
6 מעשיהמה ומחשבותיהמה באו לקבץ את כול הגואים והלשונות‸ו‸ באו
7 וראו את כבודי 19 ושמתי בהמה אותות ושלחתי מהמה פליטים אל הגואים
8 תרשיש פול ולוד מש.. קשת תובל ויואן האים הרחוקים אשר לוא ….
9 את שמעי ולוא ראוו א[ ] כבודי והגידו את כבודי בגואים 20 והביא‸ו‸ את כ.ל
10 כול אחיכמה ‸מכל‸ הגואים מנחה ליהוה בסוסים .בר… ובצוב..ם
11 ובפרדים ובכורכובות אל ה. קדשי ירושלים אמר ….
12 כאשר יביאו בני ישראל את המנחה בכלי טהור בית .ה.ה 21 ו.ם .ה.
13 אקח ליא לכוהנים ללויים אמר יהוה
14 22 כיא כאשר השמים חדשים והארץ החדשה אש. א.י ..ש.[ ] …
15 לפני נואם יהוה כן יעמוד זרעכמה ושמכמה 23 והיה מ.י ח.ד. .ח…
16 ומדי שבת בשבתה יבוא כול הבשר להשתחות ל… א.. יה.. 24 ….ו
17 וראו בפגרי האנשים הפושעים ביא כיא ..ל.ת. לוא תמות
18 לוא תכבה והיו דראו. לכול הבשר
1Q Isaiah a (2010). Bellingham, WA: Lexham Press,