ترنيمة جه العدو يشككني – كلمات ترنيمة جه العدو يشككني

جه العدو يشككني

1- جه العدو يشككني في وعد الله
لكن سلام ربي شهد لي أنا خدت حياة
حياة جديدة وهبها ليَّ في حبيبي يسوع

من يوم ما جيت له وناديت له بكل خشوع
كل ذنوبي غفرها آثامي وعيوبي سترها
(تم الغفران وبقيت فرحان) 2 بعد الإيمان

القرار:
(شكراً ليسوع) 2 (حمداً ليسوع) 2 (مجداً ليسوع) 2

2 – في لحظة جيت لحبيبي أعطاني حياة
من يومها أخذته نصيبي وبقيت معاه
كل حاجاتي يقضيها ودا وعده أكيد

كسر قيودي وحررني وبدمه الغالي طهرني
(نلت الأفراح وبقيت مرتاح) 2 ولا فيش أحزان

3 – أعطاني أن أخدم وأرث أمجاد
وقاللي روح بشر وأخدم دي الخدمة جهاد
تاجر يا ابني بوزناتك وكن أمين

أخدم وزود خدماتك ده الأجر ثمين
قاللي أتعابك محسوبة في سجل الخدمة مكتوبة
(هاتاخدها قريب من الحبيب) 2 أكاليل وتيجان

ترنيمة جه العدو يشككني – كلمات ترنيمة جه العدو يشككني