ترنيمة جاي بذبيحة حمد – كلمات ترنيمة جاي بذبيحة حمد

جاي بذبيحة حمد

1 – جاي بذبيحة حمد بأقدمها بقلبي الفرحان
جايب لحن في إيدي وكلمة بأقدمها بإيمان
جاي وبأقدم بيك م اللي في إيدك ليك
يا وطن الإنسان يا وطن الإنسان

القرار:
علمني أقدم ليك تسبيح يرفعني إليك
واكون كذبيحة حمد أنا بين إيديك

2 – ياللي إديتني حياتك حب أنا باهدي حياتي إليك
حبك ساكن جوه القلب وقلبي ساكن في إيديك
قلبي يغني أكيد طول ما الحب يزيد
ويزيد الإيمان يا وطن الإنسان

3 – اسمك أحلى اسامي الدنيا وأحلى اسامي الكون
مجد لاسم يسوعنا الغالي وللجنب المطعون
شمس الأرض تغيب والنور يبقى صليب
راية الحق تبان يا وطن الإنسان

4 – ملك المجد واسمك عالي وفي إيديك السلطان
أمم الأرض وكل شعوبها وكل ملوكها كمان
بكره ها تسجد ليك تخضع تحت إيديك
ياصاحب السلطان يا وطن الإنسان

ترنيمة جاي بذبيحة حمد – كلمات ترنيمة جاي بذبيحة حمد