تحميل كتاب شفرة اللعبة PDF – د. شريف سعيد
![تحميل كتاب شفرة اللعبة PDF - د. شريف سعيد تحميل كتاب شفرة اللعبة - د. شريف سعيد PDF](https://www.difa3iat.com/wp-content/uploads/2022/10/20221024_191725.jpg)
تحميل كتاب شفرة اللعبة – د. شريف سعيد PDF
دائمًا كان المال والسلطة في يد مجموعةٍ قليلةٍ من الأشخاص تقدر تقول هما دول اللي فهموا اللعبة وعرفوا قواعدها واتعلموا من أين تُؤكل الكتف… علشان كده الكتاب ده هيشرحلك اللعبة وقواعدها وإيه الشفرة المستخدمة في صناعة أكبر الاقتصاديات والإدارات؛ والأهم إنك تفهم ليه في ناس بتقدر تنجح وتحقق أهداف مالية ونجاحات كبيرة وناس تانية عندها صعوبة في إنها توفر احتياجاتها الأساسية للحياة.
الكتاب هيساعدك تفهم الفلوس بشكل أفضل وتعرف تصنع اقتصادك الشخصي في الظروف والأزمات الاقتصادية اللي بتقابلك وتفهم إزاي تحقق مكسب وتتبع سياسة مالية ناجحة في حياتك والأهم إنك تغير تفكيرك تجاه الفلوس وتلعب بقواعد مختلفة ومحترفة وتستخدم أدوات تساعدك في إدارة حياتك المالية.
الفلوس لعبة أسسها اقتصاديون والسوق لعبة أسسها رجال اقتصاد وأنت هدفهم الوحيد… اتعلم القواعد علشان إنت تلعب صح… الناس بتشتري وهي مش عارفة هي بتشتري ليه، لو سألت حد كل اللي ببيتك ده ليه! هيقولك معرفش زي كل الناس… بساطة الحياة بقى اتجاه عالمي دلوقتي، الرأسمالية وحش لازم تروضوا وتتعلم إزاي تتعامل معاه وتحقق مكسب.
إبدأ اللعبة…
- ISBN 9789776549623
- سنة النشر 2018
- عدد الصفحات 138
الكتاب هيساعدك تفهم الفلوس بشكل أفضل وتعرف تصنع إقتصادك الشخصي في الظروف والأزمات الاقتصادية اللي بتقابلك وتفهم أزاي تحقق مكسب وتتبع سياسة مالية ناجحة في حياتك والأهم إنك تغير تفكيرك تجاه الفلوس وتلعب بقواعد مختلفة ومحترفة وتستخدم أدوات تساعدك في إدارة حياتك المالية. بقلم وعقل ووعي: شريف سعيد.
كتاب شفرة اللعبة بقلم شريف سعيد .. شفرة اللعبة – الادخار أول طريق الاستثمار. – كل سلعة لها بديل، اشتري للاستخدام مش للتوفير. – الجيل الخامس للتسويق بعتمد على المشاعر والاستهلاك العاطفي، افصل مشاعرك وانت بتشتري.
– العاطفة تنفق المال، العقل يساعد في الحافظ عليه.
– المال نتيجة وأنت بتدفع المقابل وكل ما كان قيمة المقابل أعلي مكسبك هيزيد، قيمة الأفكار أعلي من المجهود البدني وده بيصنع فرق المكسب مابين المهندس المعماري وعامل البناء، مش بالمجهود
– طول ما انت بتتبع الخصومات والعروض المجانية مش هتعمل ثروة.
– الادارة المالية أهم من جمع المال، ناس كتير جلها فلوس وضاعت.
– القدرة على الاستغناء = قدرتك على صناعة المال.
– تعدد مصادر الدخل أهم مبادئ صناعة حرية مالية.
– إللي بيشتغل علشان الفلوس بيكسب اكل عيشه، اللي بيشغل الفلوس بيصنع فائض من المال.
– الفلوس ورق ولعبة صنعها إقتصاديين واحتفظوا بالقيمة، علشان تمتلك الورق لازم تمتلك القيمة الاول.
– محدش بيعمل ثروة لوحدة كوّن فريق صناعة ثروتك.
– الحاجة إليّ تقدر تشتريها بلاش تفكر تصنعها.
– التسويق إحدي اهم أركان الثروة والنجاح.
– السعر الأفضل هو إليّ تقدر تدفعه مش المكتوب علي المنتج.
– إللي بيشتري من غير سبب، الخسارة بتبقى النتيجة.
– بيع أي حاجة ملهاش استخدام عندك ومتشتريش حاجة هنستخدمها مرة واحدة.
– الثروة عقلية مكتسبه وممكن تتعلمها استثمر في نفسك.
– الأغنياء يصنعون الفرص والفقراء يلعنون الظروف.
– مش هتحقق اَي مكسب غير لما تتعلم تدفع الثمن الأول.
– يا تحسب أكثر ياتعيش بمستوي إنفاق اقل اكبر كذبه انك تعيش في مستوي دخلك.