بالصور والمستندات أميرة جرجس مسيحية ووالدها يوضح سر صورتها بالحجاب

بالصور والمستندات أميرة جرجس مسيحية ووالدها يوضح سر صورتها بالحجاب

كتبت: مريم راجى

خاص لموقع صوت المسيحى الحر

أرسل المواطن القبطى جرجس خليل والد أميرة قاصر المهيدات التى شهدت اعتداءات طائفية أمس الجمعة، أرسل لنا بموقع صوت المسيحى الحر مجموعة من الصور لابنته أميرة تضمنت شهادات تكريم تؤكد على تفوقها الدراسى وأيضاً الدينى. وقال جرجس “ابنتى فى الصف الثالث الثانوى علمى علوم. ومتفوقة طول عمرها، ومؤدبة جداً. وحصلت على العديد من شهادات التكريم والتقدير لتفوقها. من أبرز هذه الصور حصولها على شهادة تكريم من مهرجان الكرازة. وده يؤكد على ارتباطها بالكنيسة منذ صغرها. وينفى ما ردده البعض عن إسلامها.. عايز اللى بيدّعو أنها أسلمت وأنها تزوجت بدون علمنا، يقولوا لنا أسلمت وتزوجت أمتى وفين وإزاى.. ويقدموا دليل ومستندات على كلامهم.. مش مجرد كلام وخلاص يشوهوا به سمعة البنت والعائلة كلها. ويثيروا به المسلمين على المسيحيين ويقلبوا البلد”.

وعن صورة أميرة وهى ترتدى حجاب قال والدها: “الصورة دى كانت فى تكريم لها وكانت تتسلم شهادة تقدير وجائزة. وزميلاتها قالوا لها لازم تغطى شعرها وهى بتتسلم الجائزة، فلبست بنتى الطرحة بحُسن نية. لكن اللى بيصطادوا فى المية العكرة استغلوا الصورة ونشروها وأدعو أنها أسلمت”.

وعن مظاهرات المسلمين أمس بالقرية قال: “أقباط المهيدات عايشين فى رعب من أول أمس الخميس.. الأمن حضر وطوّق القرية، لكن المسلمين تظاهروا بالمئات وحاصروا منازلنا وكانوا بيرددوا هتافات “عايزين أميرة” واشتبكوا مع الشرطة الموجودة. عايز أعرف أى قانون أو أخلاق أو تقاليد تعطيهم الحق أنهم ياخدوا بنتى من بيتى ومن حضنى؟!! أنا هرّبت بنتى وأهل بيتى خارج البلد لأنى خفت يقتحموا البيت ويأخدوها بالعافية أو يبهدلوهم.. دول هجموا على البيت بالمئات”.

وعن رأيه فى مقابلة أميرة مع أى مسئولين أو شيوخ وحكماء لبيان حقيقة الأمر منها قال: ” بنتى خايفة لأن إبراهيم محمد جاب رقم تليفونها من زميلاتها واتصل بها هددها أنه هيخطفها. وهى مش عايزة تقابل أى حد. والحقيقة واضحة زى الشمس ومش محتاجين نسألها.. يسيبوا بنتى فى حالها وكفاية الفضايح اللى حصلت. وبدل ما يقولوا عايزين نسألها يروحوا يحاسبوا اللى قال الكلام ده عليها وعمل مشكلة من مفيش وكان هيخرب البلد”.