ترنيمة سبع حدود كلها أفراح كلمات + فيديو

 

ترنيمة سبع حدود كلها أفراح

تأليف: عماد حسني 2022م

 

كلمات الترنيمة:

 

القرار:

سبع حدود كلها أفراح

فيهم ننسى أي جراح

تعالوا نتعرف يلا عليهم

ونسمَّعهم مسا وصباح

 

(1)

حد توما دا يبقى الأول، لما شَك في بابا يسوع

حط إيده مكان الحربة، ماكانش مصدَّق الموضوع

لكن آمن توما بقيامته، بعد ما كان مامصدقش

قال يسوع يا بخت بجد، اللي يآمن يوم وماشفش

(2)

حد الخبز دا يبقى التاني، اللي شبعنا فيه وياه

خبز حياتنا دا هو يسوع، ويا بخت اللي يبقى معاه

مش هيحس أبداً بجوع، ونعمة ربنا فيه مالياه

يتناول من جسده ودمه، ويعيش في حياته بوصاياه

(3)

حد المَيه دا يبقى التالت، قصته كانت عند البير 

لما قابل السامرية، وغفر ليها ذنب كبير

ورواها من نَبع الميه، اللي بيسقي منه كتير

واللي بيشرب عمره ما يعطش، لا هيشوف نعمة وتغيير

(4)

حد النور دا يبقى الرابع، جاي يسوع يدينا حياة

يُطرد ضلمة ويمحي الخوف، ونخاف ليه طول ما إحنا معاه

يسكن فينا النور وينوَّر، ونبقى بجد هيكل الله

علشان إحنا ولاد النور، وتملي عايشين في حِماه

(5)

والطريق دا الحد الخامس، زى ما قال على نفسه تمام

هو الطريق اللي هنختاره، ونمشي معاه مش بس كلام

هو الحق اللي هيحمينا، وإحنا معاه هنكون في أمان

ع الحياة الأبدية عنينا، وفي السما لينا أحلى مكان

(6)

حد الفرح الحد السادس، وفرحنا مش أرضيات

إحنا هنفرح بالأبدية، وبابا يسوع في السماويات

لا فيها أحزان ولا دموع، ولا فيها أوجاع وضيقات

هناك في السما تلقى وياه، نعمة ومجد وتسبيحات

(7)

حد حلول الروح دا السابع، اللي معانا وبيقوينا

بيرجَّعنا عن سكِّتنا، لو تاهت خطاوي رجلينا

بيفضل جوة قلوبنا منور، وقت التجرِبة بيعزينا

وبنُطلُب يفضل جوانا، يفضل كدا يتجدد فينا

 

 

تلحين وتوزيع: مينا ثروت

أداء فردي: ميريت اديب

تسجيل ومكساج: اميل فوزي – وائل صدقي

تايبوجرافي – تصميم: كيرلس مجدي

تصوير واخراج: مايكل عاطف

مونتاج: ممدوح حسني

كورال ني منراتي

كاتدرائية القديس العظيم الأنبا شنودة رئيس المتوحدين بساحل طهطا

 

 

ترنيمة سبع حدود كلها أفراح فيديو