ترنيمة مش ممكن يرتاح قلبك – كلمات ترنيمة مش ممكن يرتاح قلبك

مش ممكن يرتاح قلبك

1 – مش ممكن يرتاح قلبك وإنت بعيد عن ربك

لو ربحت العالم كله مش هايريح قلبك

كل العالم فاني كله قبض الريح

ياللي عايز يرتاح قلبك تعال للمسيح

2 – مهما تعمر في الدنيا بكره لابد تموت

إوع الفرصة تضيع منك إوع الفرصة تفوت

اسمع صوت إلهك تعال للمسيح

قول له ارحمني أنا الخاطي وإنت تستريح

3 – وإنت ياللي في كورة بعيدة بعد ما صرت أمير

ترجع تشتهي الخرنوب اللي بتاكله الخنازير

كل العالم باطل كله أنين ودموع

مش ممكن يشبع قلبك غير الرب يسوع

4 – وإنت مسافر ع الأبدية لابد تكون وياك

تذكرة السفر مختومة بدم يسوع مولاك

خذهنا منه الآن لا يفوت الأوان

ترجع تندم وتضيع منك فرصة الغفران

5 – فكر العدو يشغلني بتهييج الأشرار

لكن يسوع يده تسندني من وراء الستار

يجيني يسوع البار ينسيني المرار

أسمع صوته بيعزيني وأرنم ع القيثار

6 – وإن نسيوني كل الناس يسوع مش راح ينساني

اللي أعطاني الخلاص ومات علشاني

عن قريب حايجيني للسما يوديني

أفرح لما أشوف رؤياه وينسيني أنيني

ترنيمة مش ممكن يرتاح قلبك – كلمات ترنيمة مش ممكن يرتاح قلبك