ترنيمة كنت فاكر – كلمات ترنيمة كنت فاكر
كنت فاكر
كنت فاكر إنى وحيد جوه بحر من الأخطار
بحر فيه الشر عنيد والصراع أشتد ودار
وسط موجه من التجارب تهت أدور ع الفنار
وسط حيرتي شفت قارب رامى طوقه في انتظار
إن أمد إيدي إليه أو في عجزي أشاور ليه
رحت رامي بنفسي عليه وف بكايا أنا شفيت عينيه
شفت صورتي أيوه فيها فيها فرح لكنى بكيت
شاف دموعي بص فيها قال لي ليه ده أنت أبن البيت
إوعى تاني الفكر يزيد أو فى يوم ترجع تحتار
دأنت لو شكيت فى الإيد بص ها تلاقى المسمار
ساب مكانه جرح سايل منه دم وبيه مكتوب
إسمك إنت نقش قايل إنك إنت ابني المحبوب
والسفينة لابد في يوم ترس بيك المينا أكيد
حتى لو فى البحر غيوم إنت عمر ما كنت وحيد