ترنيمة كنت باظن – كلمات ترنيمة كنت باظن
كنت باظن
1 – كنت باظن في وقت همومي لحظة ضعفي أو في خيانتي
أو في صراع ذاتي ويايّ إني هناك اتسبت لوحدي
وأسأل نفسى فى عمق الحيرة فينك ليه مش شايفك عندي
ألقى شعاع من عينك خارج اسمه شعاع الحب الأبدي
يعمل دايرة حب عجيب بتحوطني بنورها الفضي
وسط الدايرة بألقى الراحة وسلام غامر يفضل سندي
2 – يعلا الموج ويهجم جامد ويّا هبوب الريح حواليَّ
وألقى القارب طالع نازل وقت ظلام الليل في المية
وأشعر إني بأخور وأستسلم لما الحرب بتقوىّ عليَّ
لكن ليك المجد يسوع إن حياتي فيك محمية
بأدرك لما بأشوفك لازم بعد ظلام الليل فجرية
وسط الدايرة بيهدا القارب والريح هايجة زي ما هي
