ترنيمة عابرين دايسين – كلمات ترنيمة عابرين دايسين
عابرين دايسين
1- عابرين دايسين كل الصعوبات أفراحنا بتعلن نصر أكيد
ووعود مليانة بحريات سلطان بيخلي القلب سعيد
القرار:
هو ضامني بيطمني قريب مني حبيبي يسوع
جه وندالي إتغير حالي ويا الغالي حبيبي يسوع
ويا الغالي حبيبي يسوع
2- عابرين شايلين في القلب هتاف ورايات مرفوعة لرب عظيم
وقلوب فرحانة وما بتخاف بتمجد غافر قلب أثيم
3- عابرين عايشين أحرار وياك خطاوينا بتشهد ليك بإيمان
بقلوب تشتاق تتمني لقاك عابرين ومعاك لينا السلطان
4- عابرين تاركين ليك أتعابنا أحمالنا في إيدك ها تشيلها
ترفعنا من بين ضعفاتنا نصرتنا وياك ضامنينها