ترنيمة سبحوا لالهنا الحي – كلمات ترنيمة سبحوا لالهنا الحي

سبحوا لإلهنا الحي

1- سبحوا لإلهنا الحي قولوا له وعدت وقلت أنا جاي
تتركنا يارب بس إزاي أنا واثق إن أنت معانا

2- معانا في الضيق والآلام تمنحنا ياربي السلام
ده أنت معانا كل الأيام أنا واثق إن أنت معانا

3- معانا في اتون النيران تمنحنا يارب الاطمئنان
ده أنت معانا في كل آن أنا واثق إن أنت معانا

4- معانا في جب الأسود تحفظنا يا خالق الوجود
ده البابا شعاره ربنا موجود أنا واثق إن أنت معانا

5- مع بطرس في السجن هناك ندخل فيه برضه نلقاك
دا أحنا شعبك وغنم مرعاك أنا واثق إن أنت معانا

6- معانا في الضيق والإضطهاد تحمينا يارب العباد
دا كل شيء عندك بميعاد أنا واثق إن أنت معانا

7- معانا يارب في كل حين تسمع صلوات القديسين
تدافع عنا وإحنا صامتين أنا واثق إن أنت معانا

8- معانا وإن كنا غير أمناء فأنت امين للإنقضاء
أنظر إلينا الأن برضاك أنا واثق إن أنت معانا

9- معانا ملجأنا وقوتنا ومعيناً لنا في ضيقاتنا
دا أنت اللي في إيدك نصرتنا أنا واثق إن أنت معانا

10- معانا في كل الأوقات وخصوصاً في وقت الضيقات
نرجع لك بالصوم والصلوات أنا واثق إن أنت معانا

ترنيمة سبحوا لالهنا الحي – كلمات ترنيمة سبحوا لالهنا الحي