ترنيمة انا عايش في الفلك – كلمات ترنيمة انا عايش في الفلك
أنا عايش في الفلك
1- أنا عايش في الفلك أنا عايش في سفينة المسيح
أنا قلبي مطمن جداً وضميري مستريح
مهما تيجي الأهوال بركان ولا زلزال
لو ينابيع الغمر إنفجرت فأنا مرتاح البال
2- الرب غفر كل ذنوبي ساعة ما لجأت اليه
وكشف لي عن كل عيوبي وسجدت عند قدميه
سلمني شيك الغفران بمحبة وكل حنان
ونظر لي بعينيه الحلوة وقال لي امض بسلام
3- أنا عايش في فلك إلهي تحت الدم الثمين
في أمان وسعادة وحرية مع الإخوة المفديين
عايشين دايماً في حماه مين يقدر يفصلنا
افرحوا يا إخوة واتعزوا وأعطوا مجداً لله
4- لو قوات الشر إجتمعت مع إبليس أكبر شرير
مش ممكن تقدر علينا لأن مسيحنا قدير
نزل في آتون النار مع الفتية الأبرار
خلصهم وأتحدى نبوخذ نصر وجماعة الأشرار
5- ها نعيش طول العمر نصلي ونمجد اسمه العظيم
ونسبح دايماً ونرنم ليسوع فادينا الكريم
ونبشر كل الناس بالإنجيل والخلاص
والباب مفتوح للي يدخل بشرى لجميع الأجناس