ترنيمة العالم يبني ويزرع – كلمات ترنيمة العالم يبني ويزرع
العالم يبني ويزرع
1 – العالم يبني ويزرع وتملي مش شبعان
همه يلبس ويقلع وعن يسوع غفلان
القرار:
لكن أنا مش من هنا ده هنا عالم فاني
لا مال ولا جاه ولا غنى أنا ليَّ وطن تاني
2 – الناس بتجري وتكدح ورا سيد اسمه المال
وزرع الشر ما ينفع ده كل شيء زوال
3 – شايل هم الأيام محروم من السلام
بشكوى وكتر كلام من الضيق والآلام
4 – يبكوا على الحظ الخاين مش جاي على هواهم
عاوزين في الدنيا جناين والعمر يستناهم
5 – واحد منفوخ ع التاني زي الحصان الجامح
يعمل للكلمة معاني ولا يعرف مرة يسامح
6 – فيه عبد لشهواته ونسي طريق النور
ضيع عمره في لذاته وفنان في الشرور
7 – العالم يهري وينكت وفي غيظه يبات مغموم
وعن تاره ما يسكت وحياته مليانة هموم