هل المعزي الروح القدس هو رسول الإسلام ؟
سلام ملك السلام ، أتمنى تكونوا بخير ، النهاردة هانتكلم عن شخص أذكى من اللي فات شوية .. الشخص دا لو قابلته ممكن يقولك
إنت تعرف ان الكتاب المقدس بشركم بـ أحمد ؟
فإنت تستغرب جداً وتقوله ” دا ازاي يعني ؟! الكلام دا مش صحيح “
فيقولك إفتح كدا (يوحنا 16: 7) ويقولك النص دا
“لكِنِّي أَقُولُ لَكُمُ الْحَقَّ: إِنَّهُ خَيْرٌ لَكُمْ أَنْ أَنْطَلِقَ، لأَنَّهُ إِنْ لَمْ أَنْطَلِقْ لاَ يَأْتِيكُمُ #الْمُعَزِّي، وَلكِنْ إِنْ ذَهَبْتُ أُرْسِلُهُ إِلَيْكُمْ.”
ويقول المعزي هنا هو بيركليتوس والمعنى الحرفي لكلمة بيركليتوس اليونانية هو احمد ودا معناه ان كتابكم بشر باحمد زي ما قال القرآن
“وَمُبَشِّرًا بِرَسُولٍ يَأْتِي مِنْ بَعْدِي اسْمُهُ أَحْمَدُ” (الصف : 6)
في الحالة دي إنت مش هاتعمل حاجة غير انك تاخد نفس عمـــيــق كالعادة وتقوله
أولاً :
كلمة بيركليتوس _ Periklutos مش هي اللي موجودة في نص الكتاب ولكن الموجوده هي باراكليتوس _ Parakletos _ παράκλητος وعلشان كدا اترجمت للمعزي تقدر تشوف صورة النص في اليوناني في المخطوطة السينائية
اترجمت للمعزي تقدر تشوف صورة النص في اليوناني في المخطوطة السينائية
![تبسيط الدفاعيات ( 11 ) | هل المعزي الروح القدس هو رسول الإسلام ؟ هل المعزي الروح القدس هو رسول الإسلام ؟](https://www.difa3iat.com/wp-content/uploads/2014/07/www.difa3iat.com_-19.jpg)
ومعاني الكلمة دي هي المعزي أو المريح أو المحامي أو الشفيع ومفيش اي علاقة ما بين معاني الكلمة دي ولفظ ” أحمد ”
غير كدا المسيح قال “ وَأَنَا أَطْلُبُ مِنَ الآبِ فَيُعْطِيكُمْ #مُعَزِّيًا_آخَرَ لِيَمْكُثَ مَعَكُمْ إِلَى الأَبَدِ” وذلك يُعني ان المسيح معزي ايضاً ! فهل كان المسيح هو أحمد ؟
ثانياً :
المعزي في الكتاب المقدس هو الروح القدس ، إقرأ
“ #الْمُعَزِّي، الرُّوحُ الْقُدُسُ، الَّذِي سَيُرْسِلُهُ الآبُ بِاسْمِي ”
فإزاي يبقى هو رسول الإسلام ؟ هو رسول الإسلام الروح القدس ؟! طبعاً لا
وكمان في نفس النص المسيح بيقول “هُوَ يُعَلِّمُكُمْ كُلَّ شَيْءٍ، وَيُذَكِّرُكُمْ بِكُلِّ مَا قُلْتُهُ لَكُمْ.“
فهل رسول الإسلام كان يُعلم التلاميذ ؟ هل كان يذكرهم بما قاله المسيح ؟
كمان الكتاب المقدس قال ان الروح القدس هو روح الحق إقرأ
“وَمَتَى جَاءَ #الْمُعَزِّي الَّذِي سَأُرْسِلُهُ أَنَا إِلَيْكُمْ مِنَ الآبِ، رُوحُ الْحَقِّ، الَّذِي مِنْ عِنْدِ الآبِ يَنْبَثِقُ، فَهُوَ يَشْهَدُ لِي.”
فهل رسول الإسلام هو روح الحق ؟ هو مش الحق هو الله في الاسلام ؟ يبقى ازاي رسول الإسلام هو روح الله ؟!
غير كدا المعزي الروح القدس غير مرئي ودا اللي قاله المسيح
“رُوحُ الْحَقِّ الَّذِي لاَ يَسْتَطِيعُ الْعَالَمُ أَنْ يَقْبَلَهُ، لأَنَّهُ لاَ يَرَاهُ وَلاَ يَعْرِفُهُ، وَأَمَّا أَنْتُمْ فَتَعْرِفُونَهُ لأَنَّهُ مَاكِثٌ مَعَكُمْ وَيَكُونُ فِيكُمْ.“
فهل رسول الإسلام كان غير مرئي ؟ وهل كان ماكث مع التلاميذ وفيهم ؟
ثالثاً :
المسيح قال أنه هو اللي هايرسل روح الحق يبقى رسول الإسلام هو رسول المسيح وبكدا المسيح هو الله إقرأ
” وَمَتَى جَاءَ الْمُعَزِّي الَّذِي سَأُرْسِلُهُ أَنَا إِلَيْكُمْ مِنَ الآبِ”
رابعاً :
الروح القدس حل على العذراء ، فهل رسول الإسلام حل على العذراء ! إقرأ
“اَلرُّوحُ الْقُدُسُ يَحِلُّ عَلَيْكِ، وَقُوَّةُ الْعَلِيِّ تُظَلِّلُكِ، فَلِذلِكَ أَيْضًا الْقُدُّوسُ الْمَوْلُودُ مِنْكِ يُدْعَى ابْنَ اللهِ.”
خامساً :
اللي متعرفهوش بقى ان النبؤة دي تحققت وإن الروح القدس كان بيتعامل مع التلاميذ بعد صعود المسيح ودا اللي جه في سفر أعمال الرسل 13: 2
“وَبَيْنَمَا هُمْ يَخْدِمُونَ الرَّبَّ وَيَصُومُونَ، قَالَ #الرُّوحُ_الْقُدُسُ: «أَفْرِزُوا لِي بَرْنَابَا وَشَاوُلَ لِلْعَمَلِ الَّذِي دَعَوْتُهُمَا إِلَيْهِ». “
وكمان كان يُعزي زي ما المسيح قال
“ وَأَمَّا الْكَنَائِسُ فِي جَمِيعِ الْيَهُودِيَّةِ وَالْجَلِيلِ وَالسَّامِرَةِ فَكَانَ لَهَا سَلاَمٌ، وَكَانَتْ تُبْنَى وَتَسِيرُ فِي خَوْفِ الرَّبِّ، #وَبِتَعْزِيَةِ الرُّوحِ الْقُدُسِ كَانَتْ تَتَكَاثَرُ. ”
كل الأدلة تنفي ان رسول الإسلام هو المقصود بالـ باراكليتوس ، وبكدا يبقى كلامك مش صحيح
في حد مش فاهم حاجة ؟