تبسيط الدفاعيات (4) | يهوذا الإسخريوطي في الملكوت يا مسيحيين والدليل…

تبسيط الدفاعيات (4) | يهوذا الإسخريوطي في الملكوت يا مسيحيين والدليل…

أحياناً يجي لك واحد بس أذكى من الواحد اللي فات ويقول لك،

 المفروض يهوذا الإسخريوطي يخش الملكوت بتاعكم، تقوم أنت مبحلق فيه وتستعجب وتقول له، إزاي؟ يقوم يقول لك، هو مش يهوذا دا لما سلِّم المسيح، قام الرومان أخدوه وصلبوه وقتلوه؟ وبكدا تم الفداء؟ يعني يهوذا كان الأساس اللي بسببه تم الفداء، يبقى يخش الملكوت ولا لأ يا مسيحيين يا بتوع الكنايس؟ ها؟تقوم انت تاخد نَفَس عميق وتقول له:بص يا ذكي، اللي عمله يهوذا دا خطية والمسيح بنفسه قال عنه “ويل لذلك الرجل الذي به يسلم ابن الانسان. كان خيرا لذلك الرجل لو لم يولد” فاللي عمله يهوذا خطية من غير كلام كتير، ده اولا.أما ثانيا، قتل المسيح ده خطية تانية، يعني الرومان اللي قتلوا المسيح عليهم خطية قتله، واليهود عليهم خطية التحريض والإفتراء وتلفيق شهود زور لقتله، ودي مش عايزة برضو كلام كتير.ثالثا: لكن كون أن خطية يهوذا وخطية الرومان وخطية اليهود، ربنا حولها لخلاص لكل العالم، فالفضل هنا يرجع لربنا لتحويله كل هذا الشر لكل هذا الخير، فالفضل هنا للفادي وليس ليهوذا أو للرومان أو لليهود، لأنه هو القادر أن يخرج من الجافي حلاوة وهو الذي يستطيع ان يجعل كل الأشياء تعمل معاً للخير وأن يحول كل شر إلى كل خير.

لمتابعة الردود السابقة: إضغط هنا

#تبسيط_الدفاعيات
فريق اللاهوت الدفاعي