أحمد سبيع يشتم البابا شنودة الثالث (المتنيح)
أحمد سبيع يشتم البابا شنودة الثالث (المتنيح)
في الموضوع اللي فات، شفنا ازاي احمد سبيع شتم أم القس أشرف عزمي بأمه، وقال له “يا أيها القس البروتستانتي .. إزيك وإزي أمك” وسخريته منه بقلة أدب حيث قال له “يا أيها القس البروتستانتي .. لو شعرك طلع وفردته … أبقى قابلني”، وبعد أن عرضنا الفيديو اللي فيه شتم القس أشرف بأمه، حاول أحمد سبيع التهرب من قلة الأدب هذه وقال أن “الكل يعرف أنه لا يشتم إطلاقًا” ورددنا عليه هنا: أحمد سبيع يتهرب من شتيمته لأم القس أشرف عزمي بطريقة كوميدية جدا.
ودلوقتي، هانشوف أحمد سبيع اللي مش بيشتم “إطلاقًا” شتم البابا شنودة وقال اية عليه. القصة بإختصار أن في 2018 كانت هناك مشاكل مع أقباط المنيا، فاقتبس أحمد سبيع على صفحته على تويتر النص الوارد في سفر صموئيل الاول 15: 3، والذي تم الرد عليه فيه واثبات جهله لأكثر من مرة ولم يجرؤ أن يرد علينا. المهم، دخلت فتاة مسلمة وعلقت على كلام أحمد سبيع وقالت له “انت بغل اووووي“، فرد عليها وقال بالحرف:
أكيد تقصدي البابا شنودة مش أنا!
ثم أكمل وقال (هو كان يعتقد انها مسيحية):
على العموم قلة الأدب تعبر عن أخلاق دينك وتعبر أيضا عن عجزك عن الرد بأدب على سؤال مطروح بأدب! ردي بأدب من فضلك، وإن لم يكن عندك رد اذهبي اسألي في الكنيسة ثم ارجعي، لكن المرة القادمة كوني مؤدبة!
فما علاقة البابا شنودة بالموضوع كله؟!! البابا شنودة تنيح في 17 مارس 2012، فما علاقته بما يحدث في 2018؟ واية اللي دخّل البابا شنودة المتنيح في الحوار أصلا؟!! وليه قلة الأدب في حق شخص ليس له علاقة بأحمد سبيع؟
الغريب أنه كان فاكر ان البنت مسيحية، فقام شتمها بدينها كمان، وقال لها أن قلة الأدب دي (يعني كلمة “بغل”) تعبر عن أخلاق دينها، وهو لا يعرف أنها مسلمة وليست مسيحية! فهو ما استكفاش بانه يشتم البابا شنودة المتنيح قبل 6 سنوات من تعليقه القذر ده، لكن كمان بيشتم المسيحية كلها بسبب بنت شتمته عشان كان فاكرها مسيحية!!!!! طيب اية رأيك يا سبيع ان البنت ماطلعتش مسيحية وطلعت مسلمة؟ فهل انت لسة عند كلامك أن: قلة الأدب تعبر عن أخلاق دينها؟ ولا في الحالة دي “لف وارجع تاني”؟!!
كل ده وأحمد سبيع بيكذب ويقول أن “الكل عارف أنه مش بيشتم اطلاقًا”!! فمش عارفين لو كان بيشتم كان قال اية تاني بقلة الادب دي!
ملحوظة: التويتة والتعليقات وكل ما يلزم مصورة فيديو متقن جدا لأنه سيحاول حذف شتيمته. ولينك التويتة أهي، عشان حضراتكم تشوفوها بنفسكم قبل ما يحاول يمسح شتيمته (أشهدوا):
https://twitter.com/shouq_Sulaiman/status/1037051016464789504