أستاذ بجامعة الأزهر يدافع عن مريم المظلومة صاحبة الصفر في الثانوية
أستاذ بجامعة الأزهر يدافع عن مريم المظلومة صاحبة الصفر في الثانوية
فجّر الدكتور خالد عاشور الأستاذ بكلية العلوم جامعة الأزهر، مفاجأة حول قضية طالبة الثانوية العامة مريم ملاك والمشهورة إعلاميا بـ”طالبة الصفر”، كاشفًا مراحل ورقة إجابة الامتحانات حتى ظهور النتيجة، مشيرًا إلى أنه من الممكن أن يستبدل أحد داخل الكنترول ورقة بأخرى خالية تمامًا من الإجابات.
وقال عبر صفحته على موقع التواصل الاجتماعي “فيسبوك”: “إن الورق من جوة فاضي ومفيهوش أي كلام ممكن مقارنته مع ما كتب على وجه كراسة الأجابة اللي بنسميها إحنا بلغتنا (المراية) وهى الورقة التى يكتب فيها الطالب وهو اللي بيكتب بياناته بخط يده.. وبعدما بيسلم المراقب على اللجنة ورقته المراقب بيمضيه حضور وانصراف وبعد نهاية الامتحان بيسلمها للكنترول.. وهنا بيتهي دور المراقب”,
وكشف دور الكنترول قائلا: “الكنترول أول ما يفعله هو أن يضع رقم سري على ورقة الطالب ويقوم بقص الربع “الأخير اللي فيه رقم الجلوس ويكون الرقم السري للورقة من فوق هو هو نفس الرقم السري على تيكت رقم الجلوس”، ثم يقوم الكنترول بتسليم ورقة الإجابة إلى المصحح”
وأضاف: “فى هذه النقطة هو السر, لو حد في الكنترول عايز يخدم الطالب هايقوم شايل الدبوسين بتوع ورقة إجابة الطالب ويحط مكانهم ورق فاضي مفيهوش إجابة.. يعني لو الطالب رفع قضية كل اللي بيحصل أن بتتكون لجنة لرصد درجات مراية الكراسة من برة مع دراجات الإجابة من جوة.. بس.. ده كل اللي بيحصل.. أوعي تتخيل أن حتى لو رفع قضية بيتصحح له تاني”.
واستطرد: “يعني اللي شال ورقة البنت بتاعة الثانوية عضو بالكنترول مش أي حد تاني.. لأني طول حياتي في الجامعة عمري ما قابلت طالب سايب كل ورق المواد اللي امتحنها فاضية.. ده لو حمار هايرفس في الورقة وهايبان مكان رفسه.. الطب الشرعي طبعا قارن خط مريم بالخط اللي مكتوب على مراية الورقة من برة.. وطبعا طلع خطها.. ولأن مفيش أي كتابة من جوة… فمفيش دليل ولا كتابة ممكن تقارن بخط البنت مع خطها على المراية بتاعة كراسة الأجابة”
وتابع: “إذا ما حدث ذلك بالفعل وتم ثبوته مع الأيام أقل ما يجب أن يحدث هو تقديم الدكتور محب الرافعي وزير التربية والتعليم إلى محاكمة، وكذلك أعضاء كنترول المدرسة التى توجد الطالبة فيه.. لأن البنت دي اتظلمت ظلم كبير.. مش هايعرفه غير اللي زينا مهنتهم التصحيح والمراقبات وشغل كنترولات”.
المصدر: الفجر