لحظات متفرقة من حياة أبونا أثناسيوس إبراهيم كاهن كنيسة مار يوحنا ببنها مع صلاة نياحته 

رقد في الرب القس أثناسيوس إبراهيم كاهن وملاك كنيسة القديس مار يوحنا الحبيب ببنها وقد أقيمت صلاة الجنازة بحضور نيافة الأنبا مكسيموس أسقف بنها وقويسنا ولفيف من كهنة الإيبارشية والإيبارشيات المجاورة ومار يوحنا الحبيب ببنها، وكان القس الفاضل قد تنيح أثناء إجراء عملية تدبيس معدة، كما قال بعض القريبين منه، وقد عُرف القس أثناسيوس عندما شوهد أثناء كرنفال خاص بالشباب في إبراشية طنطا في أرض الفرح وكان حينها منشغلاً بجمع المخلفات التي تسقط من الجميع ويقوم بجمعها في كيس أسود (كما يظهر في الصورة الأولى) مما أثار هذا المشهد مشاعر كثير ممن رأوه، وبعد نياحته ذكروا لنا هذا القس عندما رأوا صوره.

بعض مما كُتب عنه

كتب: جورج أديب

ابونا بيلم الزبالة ..

ابونا ده انا مش عارف اسمه ولا كنيسته .. شفته مرة واحده بس فى حياتى .. كان نفسى اصوره بس مقدرتش ..
من حوالى 4 شهور كنت بصور كرنفال للشباب خاص بايبراشية بنها فى ارض الفرح.. كان شباب كتير جداا وكهنة كتير واتنين اساقفة .. العاب وترانيم واكل وشرب وتصوير .. وسط الزحمة دى ابونا ده كان بيعمل حاجة واحده ..
ماسك كيس كبير وعمال يلم الزبالة و زجاجات الحاجة الساقعة الفاضية وبواقى الورق . ويحطهم فى الكيس اللى معاه .. طول الفترة اللى قعدتها فى الكرنفال هو بيعمل كده… القصة ديه ومنظره ده مش قادر انساهم لاسباب كتير انتم عارفينها ..